Search
超巨型炸髀🍗
大隻過手掌嘅雞髀🖐️ 呢間茶記最近一口氣開咗好幾間分店，原因就係佢哋嘅「神級雞髀皇煎蛋飯」$60爆紅😍😍 好多人慕名去食，真心超大隻，而且生炸到油香滿溢，食落唔會係翻炸到「嚡熠熠」咁，旁邊嘅煎蛋飯就失色啦，飯唔香仲好淋👎🏻👎🏻 總括炸得幾好食嘅，但唔係話要專登嚟食，當普通茶記叫茶餐好過😸
.
和順記
長沙灣青山道兼善里6號地下
天后電氣道39號地舖
荃灣路德圍6號地下A1號舖
油麻地碧街24號地舖
#天后foodsearchers #荃灣foodsearchers #長沙灣foodsearchers #油麻地foodsearchers #港式foodsearchers
好耐都無介紹過雲呑麵啊🍜🍜
心血來潮好想食雲吞麵，然後search吓有邊間未食過先，見到呢間好似幾多評價，就即刻過海去食😎
.
【招牌雲呑麵】$33 細細碗有4粒雲吞，蝦料多🦐 麵底好食，彈牙過意粉嘅al dente😂 煙韌又唔會重鹼水味👍🏻 價錢幾抵食。另外就叫咗個雙併【招牌雲吞秘製牛筋撈麵】$54 牛筋軟腍，牛腩汁加持下撈麵都唔會乾爭爭。
.
雖然間舖名叫粥麵專家，無食到粥但都要食【招牌炸兩】$30，腸粉油滑薄皮，油炸鬼炸得脆口，加埋豉油就算無送粥都一舊一舊食唔停呀！難怪人流不絕咁多人推啦👍🏻 (好食指數:8.5/10)
.
十大碗粥麵專家
太子汝州街45號樂勝大廈地下
旺角豉油街66號地舖
#太子foodsearchers #旺角foodsearchers #港式foodsearchers
【本年度最正大排檔】一齊嚟啤啤佢🍻🥢
first thing first，天氣熱想食大排檔，最緊要有足夠冷氣🤣 一班人啤啤佢都係必備，呢度有戰鬥碗cheers啤酒🍻仲有自家出產嘅店小二本釀造同大吟釀Sake！🍶🍶
.
食物又係高汁！喺等齊人嘅時候太肚餓，推薦【麻香鵪鶉皮蛋】同【酒糟玫瑰露醉乳鴿】醫肚送酒，迷你皮蛋咁惹味好快比人掃哂，乳鴿亦充滿花雕玫瑰露香氣 ~
.
聰明豆嘅梗係預訂定海鮮先，【魚湯花甲蟹煲】$888 正嘅，啖啖肉蟹🦀 最緊要係煲出嚟嘅魚湯夠濃仲要超甜，配菜嘅蘿蔔、粟米🌽 連埋最後加左白飯去做Risotto吸盡海鮮精華😍 勁飽都秒清！【酒糟鮑魚】$138/pc 用咗南非鮑魚🇿🇦大隻又入味
.
另外仲有啲招牌野【十三香炸子雞】、【雞蛋焗魚腸】都值得食，尤其魚腸要等成60 mins，但值得試，用咗龍躉魚腸夠哂油香肥美！總結係會再encore!!!!!
(好食指數:8/10)
.
店小二
北角七姊妹道14號地下A號舖
#北角foodsearchers #港式foodsearchers
港式foodsearchers 在 Foodsearchers - Facebook 的推薦與評價
Foodsearchers ──在泰斗元朗新派泰國菜Thai Master Restaurant Bar & Wedding 。 1 天 ... 可能是雞、炸丸子、港式點心、豆腐、香菇、豬肉. ... <看更多>