Search
#溫室紫薯雞蛋仔 ($18)
-
同美國A級農場音樂大蛋 紐西蘭空運天然無添加純鮮牛奶 本地新鮮翠綠爽脆生菜果啲一樣 吹到溫室紫薯 真係吹大左多多啵老友😂🌝 個底Pink到迷人Pink Lady咁好明顯毫不留情地加左大量色素🙄 雞蛋仔中間夾住少少甜薯粒 留意返 係甜薯 NOT紫薯🙅🏻🌝 都幾敢肯定100%係日本放題專用急凍甜美粉腍小甜薯啦 溫咩室紫咩薯😂🌝🌝
咁溫室紫薯雞蛋仔個溫室去左邊呢🤔 唔洗緊張🤓 我諗佢意思係指底雞蛋仔好似放左係溫室一樣 焗到軟趴趴 脆都唔脆下姐可能🤤 真係同謝霆峰整果底毛巾雞蛋仔有得揮呀😍
-
八座小食 (牛頭角)
牛頭角牛頭角道3號得寶商場地下FC02號舖
-
#Voracious紫薯
#Voracious雞蛋仔
👆🏻👆🏻👆🏻👆🏻👆🏻👆🏻
《又一個全天候偽夜市》獨門沙茶醬+自家打魚蛋+溫室紫薯雞蛋仔+秘方牛雜，呢度平有平食，坐得舒服，跟PND嚟啦！
裝修非常有心思，平日淨係嚟影相潮聖都值。
九龍灣又多一個平民美食天地喇，話說以前PND補習時都曾經喺附近嘅日月星食炸脾，而家潮友行多幾步，仲可以嚟到「得寶商場」新開嘅「得米美食檔」，大約有7-8檔小店，攞住$100就可以當放題咁食喇，仲有N個偽懷舊影相位，心機1000分！
潮友報料，昔舊日回憶嘅牛頭角下邨八座木檔小食，終於同第二代傳人一齊返嚟。
8座望落細間，其實都有唔少主打：五香牛雜$12/串、沙茶醬魚蛋$7/串(記得叫多醬，超級巧味，如果有飯一定要撈埋!!!!!)、牛下臭豆腐$10、碗仔翅、溫室紫薯雞蛋仔$18。
熱辣辣嘅牛雜，加埋一塊白蘿蔔，小辣醬汁、調味粉再加埋任落唔嬲嘅甜醬同黃芥末，非常濃郁同惹味。仲有好臭嘅外皮夠脆嘅臭豆腐，PND忍唔住都食咗一啖。
噢噢，佢地個《溫室紫薯雞蛋仔》裡面有粒粒紫薯架，真材實料，係爭在唔夠脆身啫，值得一食。
八座小食@得米美食檔
星期一至日：11:00-23:00（下午時段會少潮友啲）
美食檔座位：大約百幾
地址：九龍灣牛頭角道3號得寶商場地下FC02號舖（淘大附近）
#PND九龍灣 #PND港式 #PND小食
