Search
自摑一百巴先，見到各方嬰兒嘅留言喇，個心係唔舒服一定有，無論係間接或者直接咁令大家中伏我都唔想。
從今以後，我會再慎重啲咁去寫帖文，另外再會跪拜啲廚師要一視同仁，唔好見到個相機要食先就整得有心機啲又多餸啲😭，（因為真係會成日發生，見到拎住相機執得靚仔啲。）。尤其係啲中小企，有時見佢地啲員工甩甩漏漏，令都出品唔穩定我都好心痛，有時候，我都問自己，又問我隻貓，究竟要唔要毁滅性咁去抹煞人哋嘅努力呢？定暗啞底向餐廳啲老細篤背脊算，點都好，未來，我答應大家，會協助餐廳好好把關出品；同埋再將貼文寫得中肯啲，等大家想覓啲新場醫下肚嘅時候作個參考。
話時話。因為朋友仔提醒我先知，原來我前前後後由青春期到而家中女已經寫咗3000間餐廳，產量真係有啲多，當中未必間間都令大家滿意，等我今晚跪完玻璃再攝高個枕頭諗諗先，大家有咩錦囊或者意見歡迎打救下我，多謝嬰兒們。
#foto #instagramfoodie #instafoodie #macaofoodie #macaufood #instafood #foodporn #澳門 #澳門obxxob #Macao #macau
必須同大家介紹呢間我一試愛上的沫鮮 💕
正式榮升我最愛的手搖飲品榜🤩😆！
對於手搖茶我算係幾嘴刁嘅人🤭 太甜/太假奶精味/茶味太淡/配料口感不好 我全部都可一不可再👋🏻 所以飲極都係嗰幾間🤣 早幾日試咗沫鮮之後，我以後終於多一間心頭好啦🤩 我飲嘅麻薯芋泥奶茶竟然完全唔怕漏，仲有個麻薯真係試完返唔到轉頭，滿滿幸福感🥰 講講吓依家又想飲啦～🥲
🥤麻薯芋泥奶茶
麻薯同鮮芋泥做底，係斯里蘭卡奶茶底，面層有芝士奶蓋，茶底可以選擇炭烤奶茶或者鮮奶。
🥤麻薯紅豆奶茶
麻薯同埋橙皮紅豆做底，搭配生打椰奶，茶底可選奶茶或鮮奶茶，紅豆係加橙皮一齊熬煮，有淡淡橙皮香。
🍋手打檸檬茶
一杯一個香水檸檬配搭多款茶底：茉香綠茶/錫蘭紅茶/蜜桃烏龍茶，喜歡濃茶仲可以選擇特濃手打檸檬。
順帶一提而家凡帶住超靚嘅「853 Face Mask™️ @853facemask x 三口八胃 @obxxob by Jin Lio 」口罩到沫鮮各門店，第二杯即可享半價優惠👏🏻 （優惠期到10月尾）
📍 @mutsin_macau 高士德/氹仔/保利達分店
🕚 11:30~23:30
☎️ 68695950
#沫鮮 #沫鮮澳門 #Mutsin #手搖飲料 #澳門美食 #澳門飲品 #macaufood #macaudrink #macaufoodie #foodie #macautea #tealover #milktea #milktealover #macau #macao #macauig #macauig #eatwithsophy #吃貨蘇菲
終於抽到身嚟unlock呢間我bookmark已久嘅開發茶餐廳喇，店面低調，唔揸住個google map行嘅話一定走漏眼，主要係見到嬰兒foodie介紹嘅乾免牛飯而心動，但點知好戲在後頭。
落完單八掛一問姐姐呢度有咩撚手，佢毫不猶豫咁表示個手打墨魚滑先係必食，所以最後衍生左呢個非主流配搭出嚟- 「乾免治牛肉墨魚滑飯轉太陽蛋」，乾免牛個調味唔錯，葡腸嘅鹹香滋味喺薯仔之間穿梭，彌補咗薯仔冇炸過嘅缺陷，但最驚豔嘅真係個墨魚滑，彈牙中軟糯，充滿粘性嘅口感係源於手打嘅功勞，加埋辣椒油食完之後，做咗個打包多份返屋企做宵夜嘅動作，食完開發個墨魚滑之後，其他主打墨魚滑嘅專家可以企埋一邊唞吓先，另外圖中色水好靚嘅豆腐斑腩飯可以無視，結論係：嚟主攻個墨魚滑加兩滴辣椒油就對了，報告完畢。
筷子基開發茶餐廳
#必食手打墨魚滑 #foto #instagramfoodie #instafoodie #macaofoodie #macaufood #instafood #foodporn #澳門 #澳門obxxob #Macao #macau
Jul 30, 2018 - 172 Likes, 4 Comments - MACAU FOOD LOVER 三口八胃(@obxxob) on Instagram: “位於新葡京酒店嘅日夜粥麵區，24小時全天候咁為大家供應多元化嘅中式 ... ... <看更多>
2022年6月22日 — 澳門快艇頭街11-13號鏡興大廈地下B鋪營業時間：7:00-18:00 ... #macaofoodie #macaufood #instafood #foodporn #澳門#澳門obxxob #Macao #macau. ... <看更多>
澳門obxxob 在 #澳門obxxob | Facebook 的推薦與評價
View about #澳門obxxob on Facebook. Facebook gives people the power to ... 澳門同氹仔都有分店嘅「M.O明澳」，憑住性價比高嘅大碗飯同米線，喺外賣界一直威武。 ... <看更多>