《灣仔超高質西餐。賣相靚仲超好食🥩😻》
觀塘人氣西餐，應該都冇乜邊個唔識。繼之前喺紅磡開咗分店後，最近開到嚟灣仔，港島嘅朋友終於唔使過海食好西😆。九龍區兩間分店都試過，呢間開喺公司附近冇理由唔試埋😚🤟🏻。
.
夜晚去到都坐滿九成，食過後就明白真係抵佢紅㗎 ！
.
📍小食拼盤Snack Platter（$148）
小食拼盤上有3款菜式，牛油果三文魚子蟹肉脆餅底層放咗薄脆，蟹肉味非常鮮甜🦀。水牛城雞翼雞肉飽滿，辣味突出🌶。當中最好味嘅係墨西哥芝士洋蔥餡餅，餅皮柔軟餡料豐富，芝士味香濃🧀，真係好好食😆。
.
📍生牛肉他他脆餅Beef Tartare Tostada（$162）
牛肉嫰滑下邊配上薄脆，好易入口，但味道可以再濃啲。
.
📍BB菠菜香橙八爪魚沙律Octopus Salad (fresh veggie with orange segment, salmon roe and sesame dressing)（$138）
八爪魚沙律賣相精緻✨仲要落埋食用花，未食睇到已經開心😍。除咗有生菜🥗，其他配料都好充足，仲有洋蔥🧅、車厘茄🍅、香橙🍊、八爪魚🐙同三文魚子。最後仲加咗胡麻醬，味道酸酸甜甜非常開胃👍🏻。不得不提八爪魚非常柔軟，仲食到鮮味，好出色。
.
📍慢煮36小時牛肋骨36 Hours Sous Vide Short Ribs（$588）
牛肉顏色粉嫰非常吸引😍，口感嫰滑完全冇筋，加上肥瘦衡秤，肉質包住脂肪，牛味濃郁但唔會過肥，慢煮36小時真喺唔講得少，非常高質🥩❤️，份量足夠4人分享。旁邊配上車厘茄🍅、焗蒜頭🧄同薯蓉🥔。要讚吓薯蓉整得好好食👍🏻，口感軟綿順滑，中間仲食到薯仔粒，調味適當，必食呀😚。
.
📍蟹肉帶子龍蝦汁意大利闊條麵Fettuccine in Lobster Bisque（$178）
闊條麵口感煮得啱啱好🍝煙韌有咬口，帶子雖然只有一粒，但係珍寶size之餘仲要係似刺身級質素，外面煎到金黃中間仲係軟嫰😍。醬汁喺龍蝦汁再加上蟹肉，配上雜菌同秋葵，口感豐富，都幾好食😋。
.
📍招牌特濃豆腐芝士餅Tofu Cheesecake (homemade sesame dressing, candied cashews)（$78）
豆腐蛋糕坊間少見🍰，賣相見到俾過心思🥰。蛋糕質感綿密食到豆香，底層仲有厚餅底，味道唔會過甜，食完都唔會覺得膩😙。
.
📍Lychee Rose (homemade rose syrup, roselle tea, lychee)（$68）
飲品內有玫瑰糖醬🌹、洛神花茶同荔枝，整體上味道酸酸甜甜，聞落玫瑰味好香，加上飲品造形非常少女，岩哂唔飲酒嘅人仕🙌🏻！
.
📍Tropical Island (mango purée, lemon, sprite)（$68）
另一款飲品由芒果泥🥭、檸檬🍋同雪碧組合而成，落咗雪碧飲落有汽幾有趣😝！芒果Mix檸檬嘅組合好百搭，沒有不喜歡的理由吧！
.
📍Heroes Birdie & Hankle（$48）
Saison Gwaifa, alc 6.9%, Hong Kong
同行嘅草根爸爸飲咗罐6.9%嘅啤酒🍻，啤酒苦澀味較少，酒精味唔太強😉容易入口，當中夾雜着清新嘅花香味🌸，啱啲想飲酒但又飲唔到太濃烈嘅朋友😍。
.
成餐飯每道菜式都好好食，尤其喺個牛肋條同沙律真係令人覺得驚艷😻，感覺灣仔分店仲要好食過九龍嗰兩間，有機會嚟試埋個lunch，大推俾大家❤️！
.
Moreish & Malt (灣仔)
灣仔駱克道33號美國萬通大廈地鋪
@ Moreish & Malt
