『檸檬香草焗春雞』
呢個係尋晚ge宵夜... 😂😂😂
1直睇其他煮人ge食譜，焗春雞時間大約係30-40分鐘左右，但唔知點解，我焗親都成50分鐘先熟，最怕就係好開心係焗爐攞隻雞出黎，1切開仲係血水...
幾掃興...😧😧😧
材料:
春雞(1隻)
調味料:
檸檬(1個)，新鮮迷迭香(2棵)，蒜(5瓣)，牛油(30g)，海鹽(少許)，蜜糖(少許，焗雞尾段先用)
做法:
將春雞解凍，用廚房紙印乾里里外外。
牛油隔熱水座溶，蒜剁成蓉，迷迭香葉切碎。
檸檬用刨走黃色皮，皮留用。
用手小心地將雞皮同雞肉分開(雞翼位除外)。
將檸檬皮、迷迭香、蒜蓉、海鹽同牛油混合後，用手將調味料放入雞皮與雞肉之間。
預熱焗爐200度。
用繩將春雞紥好，用牙籤將頸皮位封好。
將雞放入烤盤，用錫紙封頂。
用200度焗40分鐘，打開錫紙，將蜜糖搽上雞表面，用230度焗10分鐘，完成。
🔺用香草焗雞，最好就將調味料搽係雞皮下，甘樣d香草就唔怕焗燶，隻雞又入味d。
🔺用手小心將雞皮同雞肉分開，盡量唔好整穿，甘焗個時就唔怕肉汁流失！
🔺春雞ge頸皮唔好剪走，將調味料放入後，用牙籤將頸皮位封好，防止肉汁流失。
🔺春雞要回室溫先放入焗爐焗，甘樣容易熟d，肉質都會好d。
🔺檸檬要小心刨走黃色皮，因為白色部分會苦！
