關於 無厘頭普通話 ，我們在網路上蒐集到這些相關的討論、資訊與評價

【《惡煞》短評幾句 X 到底《尚氣與十環幫傳奇》可以有幾好睇？（無劇透）】

兩大發行商同一晚搞兩套大片場，趕到hihi但兩套都睇得好滿足，喺我聽晚全心投入《紙房子》前，簡單講兩句。

《#惡煞》：
1. James Wan監製咗咁多套（部份幾失望）恐怖片後，繼《詭屋驚凶實錄2》五年後再拍恐怖片依然冇失禮

2. 成套戲都好有佢一貫個人風格，紅光、白霧、鬼屋、血腥、潛意識，呢一切全部都會見到，今次就嘗試玩個新方向類型故事

3. 氣氛控制上依然係佢拿手好戲，一閃而過異像、大玩心理驚慄、善用唔同鏡頭去製造驚慄感，將個你以為千篇一律故事都拍得充滿張力，重新打造典型恐怖片套路，前大半段堅精彩

4. 做乜要三級，因為啲暴力場面好勁好極致，尤其最後場殺戮，結合佢拍商業大片學到嘅鏡頭調度同佢本色暴力風格，睇得幾爽喎！

5. 結局相信唔係人人接受到，又或者講你唔難估得到，但成件事點樣呈現、點樣鋪個伏線出嚟，的確拍到驚人效果；執行上未必好似佢往作咁圓滿，依然眼界大開

《#尚氣與十環幫傳奇》（片尾有兩節片段，第一段好重要！）：
1. 作為一套唔可以讚嘅戲，只要你一讚就一定收咗錢，我想問可以點出糧😂真心我個題未至於入到「到底可以有幾好睇系列」，而係入場前堅好奇：捧到史上最佳零負評，到底可以有幾好睇？

2. 整體嚟講「史上最佳」有排都未到，但動作場面就可以話係史上最佳之一——我依然覺得二三集《美國隊長》最好睇，呢套五甲之內啦。多場動作場面出乎意料精彩，由大肆宣傳嘅巴士戰，到大廈外牆追逐戰，成功將東方武術結合到荷里活特技，情況好似當年睇《22世紀殺人網絡》同《神探俏嬌娃》種驚艷

3. 動作場面駕馭得好，連同視覺效果都相當出色，大場面更加比想像中強得多，完全係套超級娛樂爆谷片，節奏之明快都睇得好爽，對比之下《黑寡婦》簡直唔係果回事

4. 以為係典型「拍俾西方人睇東方電影」，今次結合東西文化都做得好好，普通話同英語轉接，大部份都係情理所需，將東方陰陽（太極）、血濃於水家庭概念融入故事；一班華人角色都唔係獵奇式耍功夫，或如《花木蘭》咁無厘頭，呢種東西文化衝撞以為會中招，點知係最好睇嘅

5. 一如雷神、黑豹，一個起源故事都係涉及到「Family issue」，呢套用東方文化「家」嘅概念去講故事，同雷神或黑豹都有唔同嘅方向。唔係爭皇位，反而係父權社會下倫理概念，將東方家庭上一代所想強加到下一代，令下一代唔可以自由追夢理念融入；最後甚至有武俠片味道，係Marvel繼《黑豹》後一個唔錯嘗試

6. 梁朝偉對比其他Marvel反派，可能解唔到佢有幾強，但佢走上絕路嘅原因同矛盾抉擇，反而會令人同情兼投入到。戲份絕無吹到咁多，每每出場都好有壓場感，而果種深情、滄桑，亦係佢最擅長一環

7. 因為劉思慕搞到台灣宣傳要叫人「放下成見」，真心佢演出俾外媒捧到「史上最佳」唔知點嚟，又未至於一文不值，只能話一般啦，感覺有少少硬滑稽但又唔及Awkwafina，反而張夢兒毫無星味演技都好平庸，竟然做個咁重要角色，仲要之後疑似俾佢擔正，搞乜？

8. 作為「起源故事」，對於尚氣個出身同成長確係差咁啲，當其他Marvel電影都玩到咁大時，佢可以點樣融入到都難以想像

9. 鍾意佢由此去解釋之前另一條玩爛咗Timeline，又製造到喜劇效果

10. 想像到套戲好3D，可惜香港似乎已唔再入呢個技術，但全IMAX畫面睇都好有氣勢，只係當套套戲都可以用IMAX認證機拍時，IMAX驚艷好似低咗

《尚氣與十環幫傳奇》觀後感可看留言連結。

（有劇透疑惑😂）
．
．
．
．
．
．
．
．
．

1. 如果拎佢支龍鱗矛去插美國隊長個盾，邊個贏？

2. 如果拎佢支龍鱗箭同鷹眼鬥，邊個贏？

3. 「文武」聲稱自己打曬全世界，佢係咪漏咗Wakanda？

4. 竹林世界同Wakanda，邊個技術勁啲？

5. 當套套戲/ 劇都拉到Thanos時，呢班人有冇邊個消失過？點解佢哋唔幫拖？

6. 「假滿大人」隻無頭雞係咪只為merchadise之用？

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

賭Sir語錄🗣課程設計應由下而上 而非向上迎合
----------
⚡快速跳播目錄：
01:10 💡平截頭體0步驟速算法💡
02:22 💡柱體總表面面積神秘公式💡
04:30 💡Frustum隱藏公式嘅神秘啟示💡
10:39 💡錐體比例一條式過神技💡
16:55 💡DSE Pastpaper作答示範💡
22:17 💡曲面距離攤平小技巧💡
25:48 💡圓面積加線秘訣&心法💡
----------
呢條片全靠Auphonic優化音質，唔同片嘅大細聲左右耳問題徹底解決！洗錢嘢果然唔同啲🤣好開心😍另外我將陳年舊片重新剪接，進一步Cut走多餘廢話，希望大家睇得更快趣💪
----------
1️⃣YouTube演算法有變，短片已經無咁有利；
2️⃣生態亦唔同咗，標題黨變得神憎鬼厭；
3️⃣藝人轉戰YouTube，提升咗平均質素。

所以，賭Sir決定重整：

💡用播放清單分5個台：數學台、戒賭台、教育台、創富台、娛樂台。
💡每條片都會花錢經Auphonic調音，將音色提升至專業級。
💡數學台嘅影片會花錢聘請後生仔女客串，為考試嘅節奏增添一點無厘頭。
💡不定期喺平日嘅10pm做直播，邀請好朋友傾教育，接Phone-In同網友傾偈，將精華剪喺教育台。
💡有好多超舊嘅教學片，其實內容唔錯，但由於當年只係隨手揸起部手機就錄，廢話多又零剪接，所以我會將舊片重新後製&組合，兼且寫低時間點，方便觀眾跳播。與此同時，逐漸private啲原片，濃縮影片數量。工程浩大🤯
💡暫定逢星期六下午六時六分出片，六六無窮。

另外，仲有一件非常重要嘅事：由於YouTube開通咗我嘅頻道會員功能，望各位支持理念嘅網友課金支持。若然會員人數>1000位，我就會關掉YouTube廣告，方便觀眾睇片，兼且提高獨立性。

除此之外，你亦都可以喺直播嘅時候Superchat課金，或者掃瞄直播時候嘅QR code，透過Payme/轉數快低調支持。

👉至於3種會員嘅福利係咩？你撳「加入」個掣就會知道。

（國際YouTuber用普通話/英文講數學，觀眾可以多，有隱定收入，但廣東話教數學真係兩個世界。我作為先行者之一，希望可以再推進呢個市場，為更多香港本土嘅數學教育者，喺學校教師/補習老師以外，開拓多一條新嘅出路。

同時繼續為家境手緊嘅香港中學生，繼續免費提供高質且深刻嘅教育，抗衡香港地脫曬節嘅封建教育體制，令數學唔再係社會精英嘅專利。）

https://youtu.be/KyNsgHf1Kig

【今日純心聲分享．冇理論．冇分析】

尋日，我從台北返到香港，有些少個人經歷想分享一下。

話說，我都知國泰近來航班唔係好可靠，所以轉去坐長榮。又話說，尋日一朝就吩咐同事，假如一早知飛唔到，就話我知，留多幾日我冇所謂（反正公司酒店有 account，要住幾耐都冇問題，好似係）。

去到下晝四點，都好似冇事，咁就叫公司車去機場啦。因為我兩日一夜，所以一早連 boarding pass 都出埋，直去入閘。去到，地勤宣佈話有少少 preparation 未做好，要 delay。

結果，delay 一陣；期間我又 whatsapp 返公司叫同事 check 真，如果飛唔到，同酒店講喎。

「連 Arrival 邊個行李帶都出埋，應該冇問題。」同事係好專業嘅 support，佢話冇事就冇事。

等多陣，佢忽然又 whatsapp 我：「仆街，真係 cancel。」「仆街」好似係我加嘅，不過我隔住個 whatsapp 都覺得佢有響個心叫咗出來。

「呢邊地勤又冇宣佈喎⋯⋯大家已經排緊隊 check passport。」其實呢一刻我心諗，cancel 唔緊要，唔好要我上埋機響個位到白等就得。

如是者，又等幾分鐘，同事又 send 張 screen cap 畀我：「睇下，機管局又話取消喎。」呢個時候，大家已經上緊機，我心諗，真係唔好要響架機入面等呀⋯⋯

咁，有得上，我上唔上？最終，我都係上。結果係，上完人，班機亦都起飛。

＋ ＝＋＝＋ ＝＋＝＋ ＝＋＝＋ ＝＋＝＋ ＝＋＝＋ ＝＋

到香港，見到一切正常喎，有乜問題呢？

我冇行李寄倉，一個箭步出 arrival hall，等待人群列隊歡迎我返屋企。

未行出 arrival hall，已經聽到口號（哈，我帶著 Bose 嘅 QuietComfort 30，所以又唔係好聽到口號係乜）。

出到去，見到人群喇。可能我晒到好黑，似南洋人，佢哋派傳單畀我。我冇接，因為我覺得物資係好珍貴，留畀其他真正唔知頭唔知路嘅人啦。

其實個一刻，我都想大叫：「#香港加油」不過，生平好唔鍾意大聲，所以都係點下頭就算。

響 arrival hall 巡咗一陣，喂，好太平喎。Check 下 whatsapp，中學同學個 group 見到話捉到兩件疑似鄰近地區公安或武警人物；我話：「現場又唔見喎。」

＋ ＝＋＝＋ ＝＋＝＋ ＝＋＝＋ ＝＋＝＋ ＝＋＝＋ ＝＋

再強調一次，現場唔覺氣氛緊張；其實當時我心個句：「冇警察就冇衝突，呢班靚仔靚妹，邊度得人驚呢？」

我知，一定有人話：「你冇睇新聞咩？兩條友畀人非法禁錮！」「你冇睇新聞咩？有旅客上唔到機，有小朋友畀人搞喊呀！」

你當我好彩啦。我都幾肯定，我冇做出任何令人反感嘅行為啩，結果好多人同我派傳單貼紙。

By the way，我一路都帶住 head phone，聽歌，好 chill 咁，仲周圍影相；不過，我唔會影人大頭囉⋯⋯平時你無厘頭影人 close up 大頭，都會畀人逗，係咪？禮貌嘅嘢，大家文明人，自己領悟啦。

＋ ＝＋＝＋ ＝＋＝＋ ＝＋＝＋ ＝＋＝＋ ＝＋＝＋ ＝＋

諗返轉頭，我好質疑點解機管局要製造一個機場完全淪陷嘅假像；明明我班機都冇 cancel，點解機管局話 cancel 左呢？

另外，arrival hall 間粥麵同小籠包，都不知幾好生意。好多排隊食嘢嘅，有遊客亦有接機嘅人。大家好守規矩，更加有人係講普通話，完全唔見有問題。

今日分享到此為止，多謝收睇，歡迎手動轉或就咁轉。

#第一身體驗