過去呢半年，好唔容易。
好多朋友同工作夥伴都知道我係一個幾正能量嘅人，
因為我覺得，與其著眼失去咗幾多，
不如諗吓點樣可以得到更多，發展更多。
一個人嘅人生，係由無數咁多個選擇而造成，
每一個人都可以去選擇點樣過自己嘅生活，
我見到有d朋友喺呢段日子睇咗好多Netflix，
煲咗好多劇，同埋打咗好多機，好寫意，
我認為適當嘅休閒同放鬆時間係必須嘅！
但係如果可以選擇縮短返少少呢個時間，
例如睇少dd、煲少dd、打少dd啫，
然後選擇將呢dd時間拎出嚟，再去加以善用，
可能可以為日後嘅事業同發展埋下多dd種子。
由疫情開始爆發，到而家呢二百幾日，
我選擇睇咗好多本關於個人成長同理財嘅好書，
上網睇咗好多關於創造命運嘅大師級講座，
打電話聯絡返好多應該喺工作上可以合作嘅朋友。
喺我應用返我喺書本同講座入面學到嘅理論同方法，
再邀約電話簿上嘅好多位去見面去磋商去傾合作，
好好彩，好感恩，喺過去呢段時間，
我發展咗幾個我從來都冇諗過會接觸嘅範疇同領域，
投入咗好幾個同拍檔們新開拓嘅生意機會，
雖然暫時只係啱啱開始階段，但我好肯定，
呢d都係我未來其中幾個好重要嘅收入來源。
可能因為我個心仍然盡力保持正面同樂觀，
喺呢個咁艱難嘅市道仍然有少量工作機會，
我相信，佢哋都係我吸引返嚟嘅。
半杯水嘅故事我諗我唔需要再去表述，
你可以選擇頹廢、繼續怨天怨地，
你可以選擇積極、努力爭取機會。
睇完 Jim Rohn 一個好多年前嘅講座，好喜歡呢一句：
「If you change，everything will change for you！」
仲有，其實，今日係我生日，40 + 1。
不過唔知有冇人有耐性睇到呢句。
