關於 燒烤堂 shisha ，我們在網路上蒐集到這些相關的討論、資訊與評價

New💛【$30超抵食！午市水門雞飯！】呢個價錢超值！
-

佢地最近踩過界「撈多飯」呀～仲係《曼谷水門雞飯》，期間【午市限定】只係$30就可以食到！水門雞飯嘅黃色雞油飯份量都夠哂足料又大份，海南雞好嫩滑，連雞皮都好滑～點埋海南雞醬汁食，多咗仲可以撈飯食，非常惹味呢個價值真係超值！

-

晚市繼續有主打手工串燒由$13-$48/串，好似有大件又脆口嘅蟹膏燒飯團、明太子醬燒飯糰、焦糖鰻魚芝士玉子燒、牛油果豚肉卷等等，夠哂創新～佢地間間分店都好有情調，尖沙咀分店仲可以食shisha添！夠哂chill！
-

必食items有金黃香脆《原塊燒雞皮》、牛味濃郁入口鬆化嘅《燒牛舌腩》、火炙後酸酸甜甜外脆內軟嘅《青蘋果鵝肝多士》、最惹味嘅有《鹽燒赤雞頸肉》、《汁燒赤雞心》、《汁燒赤雞肝》、《惹味雞腎》等等都係唔叫走寶！鐘意食辣嘅程口味潮友仲可以加佢地自家製嘅辣粉，咁就更加惹味喇。

-

燒烤堂
地址：銅鑼灣登龍街28號永光中心15樓（分店：尖沙咀、旺角、紅磡、筲箕灣、新蒲崗）
星期一至日：午市12:00-18:00（水門雞飯）
18:00-02:00（串燒餐單）
#PND銅鑼灣 #PND日本菜 #PND燒烤 #PND泰國菜 #PND小食 #pnd黃幫襯

🔑 高質串燒勁多選擇💛 似居酒屋仲有shisha😆

燒烤堂之前食過旺角店覺得好高質☺️ 原來尖沙咀係行居酒屋風格 真係有好多日式居酒屋先食到既雞部位 仲有好大個outdoor area可以shisha添😌 宜家仲做緊日本生啤買一送一‼️ 串燒梗係要配🍺

最鍾意燒雞皮 呢度雞皮薄到好似食薯片咁😍 大大塊正到爆 厚切牛舌芯勁厚切又juicy🥰 A4宮崎和牛牛脂味濃 肉質軟嫩😚 汁燒免治雞肉軟骨棒 配上付月見日本雞蛋 增添軟滑口感帶點甜 幾日式feel😎 麻辣豬大腸唔係想像中外脆內軟既口感 但意外地好好味！豬大腸好稔身外層仍然保留少少微焦 而且竟然可以燒到帶少少入口即溶既感覺😱😱

整體黎講價錢都幾合理 選擇款式又多 而且串燒口味各有不同 例如麻辣 鹽燒等等配搭突出番食材本身既味道 睇得出係有精心搭配過😳

👇🏻部分食物價錢：
鹽燒雞軟骨（$16）
麻辣雞軟骨（$16）
麻辣豬大腸（$22）
汁燒免治雞肉軟骨棒（$30）
鹽燒A4宮崎和牛（$48）
厚切鹽燒牛舌腩（$48）
鹽燒阿波尾七里香（$20）
鹽燒赤雞頸肉（$22）
鰻魚炒飯（$58）
香草蒜蓉包（$18）
鹽燒翠玉瓜（$16）
————————————————————
💰價位：#kff中產
🌍地區：#kff尖沙咀
📍燒烤堂 (尖沙咀)
尖沙咀厚福街12號藍馬商業大廈5樓

💕new【一蚊隻冰鎮南非鮑魚尖沙咀分店限定！】啤酒仲買一送一好抵飲！
-

早前支持醫護罷工嘅佢地終於喺尖沙咀開新分店啦！串燒款式夠哂多，新店除咗有情調，仲可以食shisha！夠哂chill！而家新開優惠仲有冰鎮南非鮑魚$1/隻，每位最多可以叫兩隻，同埋生啤買一送一！
-

主打嘅手工串燒大部分都係$18-$38/串，好似有大件又脆口嘅蟹膏燒飯團、明太子醬燒飯糰、焦糖鰻魚芝士玉子燒、牛油果豚肉卷$28等等，夠哂創新！

-

雞類串燒中，最惹味嘅有《鹽燒赤雞頸肉》、《汁燒赤雞心》、《汁燒赤雞肝》、《惹味雞腎》、《原塊燒雞皮》燒到表面金黃香脆，鐘意食辣更加可以加佢地自家製嘅辣粉，會更加惹味！

-

牛舌fans一定要試肥美嘅鹽燒牛舌腩、鹽燒牛舌芯，仲有多汁香口嘅Prime牛小排、頂級封門牛柳夠鬆化，牛味濃郁入口夠鬆化，jeng呀！
-

燒烤堂
地址：尖沙咀厚福街籃馬商業大廈5樓
（分店：尖沙咀、旺角、紅磡、筲箕灣、銅鑼灣）
星期一至日：18:00-02:00
#PND銅鑼灣 #PNDJetso #PND燒烤