關於 父親節要搵德仔老豆 ，我們在網路上蒐集到這些相關的討論、資訊與評價

資料來源：見見頌賢報
資料提供：感謝香港網友crystal（海鷗）辛苦翻譯打字，Winky（小鴿子）註解

P.S.本翻譯本乃以廣東話翻譯，如有任何疑問，歡迎提出！

Cyber日報 - "娛樂熱賣" (一)
記錄翻譯 : 海鷗 整理: 小鴿子 (藍色字體,台長註解) 062601
地點: Cyber 聊天室

時間: 2001年6月20日 (星期三) 19:00 至20:00 PM

女主持人: Vicky、德仔
嘉賓: 呂頌賢 Jackie Lui


德仔: 各位網友你們好，現在又係星期三19:00娛樂熱賣o既時段o勒!
會見到我和Vicky為大家主持，不過今集會有少少特別喎，點解呢Vicky ?

Vicky: 因為我o地有個特別嘉賓，佢就係….其實可能在電視上少見o左佢啦，
但o黎緊電影好多時都會見到佢o既，就係 呂頌賢 啦。

德仔: 呀…係o勒! 我都好…好期待見到佢, (Vicky: 感慨感慨)
唔係,因為我都見過佢o既真人，佢非常之….好"科"，好高大o架
(Vicky: 係呀! 好高大o架!) 我就期待緊佢坐o係我隔離，嘩! 就正啦!

Vicky: 我覺得比起我o地兩個細細粒呢，呀! 好高大呀! 即刻唔同晒!
咁各位網友就可以隨時Chat 入來同呂頌賢傾計o既，
稍後佢就會同大家見面o架啦。

Vicky: 我們可以問多D我o地o既嘉賓啦，就係呂頌賢，佢已經o黎o左啦，
可以請佢入o黎傾下計，呂頌賢正在睇緊報紙o既，哈哈~~~!
(對Jackie說: 你可以坐中間)

Jackie: 我唔知由邊個位入哎嘛~ (德仔: 你坐呢度哎!)

Vicky: 唔好意思呀! 因為我o地好忙, 之前好多新聞要講，
所以突然之間take鰦你入o黎...你可以同各位網友 say hello o架，
前面D網友就可以問你問題o既。(指前方電腦營幕)

Jackie: hello! 大家好!

Vicky: 呀! 係o勒…咁我o地頭先就講過父親節啦! 呂頌賢你….會爸爸或者點樣呢?

Jackie: 咦!? 問父親節呀?

Vicky: o岩o岩過o左o乍 喎。

Jackie: 哦!….係呀係呀! 因為父親節呢…..即係好細個(小時候)已經唔關我事啦，
(Vicky&德仔: Oh!) 所以我無唸(想過)呢個問題鮋。

Vicky: 咁，有無同屋企人食餐飯?

Jackie: er….無喎無喎! (Vicky: 果日你有無做野呀? 好忙?)
咁o岩我又要開工啦果日! 屋企人又去晒澳洲，變o左無乜特別。

德仔: 都係要開工，咁…最近有無忙D咩野?

Jackie: 我o岩o岩拍完一套電影，遲D會同….會拍一個五集單元的電視劇。

Vicky: 咦! 又拍番電視劇呀? (Jackie: er….係啦，單元啦)
有個網友撒亞人想問，佢就話: "嘩! 好Man呀!?"

Jackie: 撒亞人?…點解你睇到(看到), 我睇唔到o既? (Vicky、德仔: 呢度呢度)

Jackie: (指電腦營幕) o我! 咁呢邊呢? 又有o既?
(德仔: 呢邊唔係o既…邊度郁就睇邊度) o我!
"你好Man呀!大佬賢!" 咦? 咁叫我o既?! 唔通我識佢o既?!

Vicky: 同你好friend都唔定呀，另外，亞雲就問你說: "呂先生"，
嘩! 咁見外o既? "你係咪做完全國單車環繞果個呀??"

Jackie: o我! 唔係全國單車環繞，我係之前o岩o岩同何寶生去o左─ 都好耐啦，
舊年...前年o既事啦. (Vicky: 佢都好好記性喎) 去o左紐西蘭踩o左一個
慈善o既單車，踩晒成個紐西蘭，即係由最北踩到最南，
(Vicky: 咦! 踩o左幾耐時間呀?) 踩o左 18日。(Vicky: 嘩! 咁耐呀)

Vicky: 呀! 撒亞人如果想知點樣MAN法呢你就要去紐西蘭踩o下單車
(Jackie: 每日要踩一百km o架) 嘩! 好辛苦喎!

德仔: 嘩! 咁咪好辛苦囉! 真係好辛苦喎!
咦! 亞雲問你: "頌賢係咪成日去做GYM架"，Keep番D身形 ?

Jackie: 咦! 點解妳又睇到我睇唔到o既? 哦! 去到呢度! (看不到網友問題) 係呀!
我成日去做運動架，尤其是現在唔係踩單車我就去…可能滑水呀，
其實做Gym現在都少o左啦，懶o左啦！

Vicky: 但你依然都好"科"喎，都keep得好好喎!

Jackie: 咁爛船都有三分釘 (同笑)，同埋….我係打拳多啦，反而現在做舉重，
做錏鈴少o左。

Vicky: 另外虎榮，都係我好想問o既問題，其實你點樣…入行o既經過可唔可以
同大家講o黎聽下?

Jackie: 其實我係演藝學院畢業啦，畢業之後就…簽o左- 陳自強做經理人，
跟住佢幫我搞o左入亞洲電視啦，咁就開始o左啦.

Vicky: 係啦，其實你o係亞洲電視都好似有一段好長o既時間喎.

Jackie: 亞洲電視五年，其實我兩個電視台都剛剛好每度都拍了五年
(Vicky: 即其實你在電視圈十年才離開) ，唔!

Vicky: West West問你,"你現在幫無記定亞記拍劇?"

德仔: 即係無線定係亞視?

Jackie: 而家係自由身， 即係兩邊都無簽o既，(Vicky: 哪一邊傾到就哪一邊?)
其實唔係，而家出面好多獨立製作….變o左好多時都會拍左之後睇下邊
間電視台買，或者係邊度放 。咁如果兩間都唔飱的話，可能在香港唔會
出街，就可能會去o左台灣或者其他地方。

Vicky: 其實你覺得做左咁耐啦，又做過大台啦，咁又自由身左一段時間，咁其實
你覺得…做番自由身好哎? 還是有D合約….約束住你幫到多D呢?

Jackie: 咁，其實你話….舒服、 o岩我性格呢就自由身囉，但如果你話穩定或者係.…
對知名度有幫助的，始終做個大台會比較好D 。

德仔: 撒亞人問你一個問題喎，"鎗火 呢套電影你覺得滿唔滿意?"

Jackie: 我梗係非常之滿意啦！(Vicky: 你有得獱鎗呀嘛!) 其實幾難得我可以參與
一套咁…..咁好o既電影，大家都知道而家o既市道其實好多電影o既質數都
會差o左呀，或者低成本o既製作會比較多D，咁係呢個時候拍到一套咁….
咁有誠意的電影和拍到一個咁好o既導演係幾難得。

德仔: 咁，有位網友問: "鎗火 呢套電影呢，就係杜祺峰做導演啦， 咁你覺唔覺得
佢好Tough呢?”

Jackie: er….無喎，(Vicky: 即係都好舒服囉喎) 係呀! 因為在我拍之前，
其實我都聽過好多人話杜祺峰好惡呀，又點點，(Vicky: 係呀係呀，我都聽過)
但係無喎，我拍呢套戲o既時候好開心喎，即係…佢….脾氣佢有發到，
比如D野做得慢呀，佢都會，但就唔係好犀利果隻囉，只不過鬧幾句就梗有o架啦
，一般o既導演 (Vicky: 一般o既導演都應該會有o既) ，係，就唔係特別好大脾
氣咁樣，咁可能因為拍呢套戲有黃秋生呀、吳鎮宇佢o地呀，佢地都係拍慣呀，
好friend咁，就變o左我地成班男仔傾計玩呀，大家的氣氛都好好，佢又無咩點
特別發脾氣。

Vicky: 咁呢會唔會係咁多套戲以來…你都覺得係其中一套最滿意的戲呢?

Jackie: 咁當然啦！…未必係我自己表現最滿意的，而係…其實係最開心囉拍得，
好難得拍到一部咁好o既製作。

Vicky: 另外亞雲就話: "頌賢拍過亞記的中華英雄o架?"
咦! 佢開始翻好多你o既舊戲，

Jackie: 咦! 係喎! 你點知o架?!

德仔: 佢可能係你o既fans黎都唔定.

Jackie: 好耐啦，果套係我o岩o岩簽入去亞視o既時候拍o架啦.

Vicky: 咦! 大家都好留意呂頌賢D戲喎，亞雲話"呂頌賢都拍過無線的笑傲江湖
同亞記的俠骨仁心"

Jackie: 咦!? 乜你都係演藝學院o架咩? 我睇到啦. (指主持人德仔)

德仔: 哈~~~~早知唔教你睇啦! 其實我都係演藝學院畢業，
但我唔係讀drama (Jackie: 係咩?) 係讀舞台燈光。我在school見過你D劇照。

Jackie: 你邊年架? (你是哪一年的?)

德仔: 我o岩o岩上年o乍(

Jackie: o我~~ 師~妹~嘿嘿 (Vicky: 哈哈~~~!!! 終於相認啦!)
師兄都唔叫聲呀妳! (師兄也不稱呼一句嗎? :)

德仔: 呀! 師兄師兄，指教指教。其實我都有個問題想問o架。
就係話說你都o係演藝學院畢業啦，果時點解唔選擇o係舞台劇果邊發展呢?

Jackie: er…..有o架，真係有咁諗過o架，但係.…大家都知舞台劇就…..
即係要返去現實D o既問題 (德仔: 我都好明白) ...係幾難生存o架，
同埋個圈子太細啦，根本容納唔到咁多人，同埋剛剛畢業o既時候，
其實兩個台都有人o黎揀演員，變o左係好自然就….同埋我地在未畢業o
既時候開頭係做好多part time o既，即未畢業時會去電視台做，我都做過
兒童節目主持，變o左同佢地都有接觸呀，咁變o左….唔知…..順理成章就
簽o左果個台。

Vicky: 好多人都擁入o黎問你問題呀，咁…我地轉個頭返黎再答問題，轉頭見.
(Jackie: 好!)


--------------------------------------------------------------------------------

Vicky: 我地o岩o岩傾到健身呀，保健的問題，咁就返o黎，咁其實頭先…

Jackie: 頭先話有一個問題要答喎 (Vicky: 係呀! 一定要答呀!)
"佢話我以前好白，咩…有D女性化?" 無喎！我真係無試過好白呢樣o野喎！
(Vicky: 係無用過SK II o架，大家唔好誤會呀) 我一向都係黑黑地o既。

Vicky: 另外有網友都問下你，返去D舊o既戲呀，比如令孤沖o既角色你覺得滿唔滿意?

Jackie: 係呀! 滿意o架!

Vicky: 滿意o既，如果電視劇來講，你係最鐘意…

Jackie: 我鐘意果個角色o架，因為呢個角色係….o岩我性格...同我o既諗法呀…

Vicky: 即係唔鐘意約束…

Jackie: 好o岩，係呀! 我都覺得自己做得幾好o架, 哈~~~~!

Vicky: 咁，如果咁多套入面，咁多套….因為十年啦嘛，咁你覺得最鐘意…

Jackie: 古裝來講- 係呀。

Vicky: 咁時裝來講?

Jackie: 時裝其實好多套我都好鐘意，例如…以前亞記有D……後尾o係無記都有D….

Vicky: 有無甚麼例子? 你比喻講邊個角色深刻...

Jackie: er…o係亞記拍過一套做消防員o既，呢個角色我好鐘意，
有少少反叛但係又…..，個角色幾好玩。

Vicky: 你好似…..總之你就鐘意D唔好咁有約束呀….多少少活潑o既性格會好D，
咁另外無線果邊有無鐘意邊套時裝o既?

Jackie: 時裝係….有套講….離島特警啦，我幾鐘意。

德仔: 哦! 我記得呢套

Vicky: 另外，嘩! Winky 好關心你，(Jackie: 呀! 係啦)
"Hi! Jackie，氣色唔錯，病都好了吧?! take care!"

Jackie: 係! 無錯! Hi! Winky，我好番晒啦(我全好了)，你睇我就知，
其實….我病唔係好大病，只係小毛病，只係無咩心機咁o者
(沒什麼心情吧了)，嘻嘻!

Vicky: West West，頭先都答o左你啦，問你邊套劇最鐘意(喜愛)的。

Jackie: "嘩! 今日有料到，強中強" (Jackie讀出螢幕見到影迷所寫的留言)

Vicky: 哈~~~! "強中強!主持好! 嘉賓勁! 好!"

德仔: 亞彤想問頌賢識唔識唱歌o架呢?

Jackie: 其實都識o架。

德仔: 呀! 我可以證明o架，點解呢, 因為我係同校，
佢係讀書o既時候係一定要學唱歌同埋跳舞o架，
(Jackie: 無錯!)，所以我可以保證o架

Vicky: 咦! 如果係咁…咁你有會唔會考慮過…其實….o拿!
電影，電視都試過o勒，咁會唔會考慮唱o下歌呢?

Jackie: er….暫時唔會囉！

Vicky: 點解呀？

Jackie: 無人搵我唱,哈哈~~!　（德仔: 哈~~~）

Vicky: 會唔會你收歛得滯呀! (德仔: 係啦!)

Jackie: 我又無諗過(沒想過)，我又唔覺得自己唱歌好到可以做歌星。

Vicky: 咁，但係…你平時有無練下歌呀? (有練習唱歌嗎?)

Jackie: 都唔算練o既，純綷都係當興趣唱歌， (Vicky: 即係karaoke，圍內大家維維喂)
即係去登台都有o既，但果個形式唔同o架，無咩壓力嘛，話晒我都只係拍戲，
有時唱得唔好，你唔好怪我啦。(Vicky: 哈~~!) 但如果當你做o左歌星之後我
諗就會好大壓力。

Vicky: 咁你會唔會有諗過…呀…咦! 原來我唱歌都ok喎! 咁會唔會向呢方面發展呢?

Jackie: 發展就唔會啦，如果有機會，可能….會出一隻或者兩隻o既CD即當一個係….
點講呢，玩下呀…或者一個紀念呀…都會囉，但如果正式….直情向果邊發展….
我諗唔會囉。(德仔: 唔會o勒)

　


--
※ 發信站: 批踢踢實業坊(ptt.csie.ntu.edu.tw)
◆ From: 61-216-240-27.HINET-IP.hinet.ne