#高質親子2日1夜小旅行
#先收藏遲啲去
岩岩換完手機，發現手機中仲有好多滄海遺珠又充滿回憶既相片💖。回帶去到疫情再爆發前，總算帶QB去過staycation，慰藉成年無旅行去既心情😊 這兩月乖乖少出街，QB間中提起仲記憶猶新，仲話等無疫情再去過啦😅
佢念念不忘既係11月疫情前去尖東 #百樂酒店 既「#家庭樂」2日1夜Staycation。這是酒店翻新後第一次去，感覺跟之前截然不同，摩登感十足🏨，房間都幾濶落，好新淨光線充足，仲有支消毒噴霧喺房，拎黎周圍噴下住都住得安心D👍；房內仲有小朋友最喜歡既帳篷⛺、幼兒滑梯、公仔攬枕，仲有哈笑臉氣球添🎈！QB一入房就衝去玩個唔停，唔少得仲有小朋友最愛既跳床🙈，king size床夠晒佢跳，超開心🤩。一向住偏遠地區，忽然一天住鬧市，還可以落旺角陪爸爸睇魚先返酒店🐠，終於明白點解市區樓咁渴市啦😂😂
返回酒店仲有特別節目，就係喺個大浴缸浸浴🛁，我預先已經帶備浴球比QB浸，有得玩水最開心，我當然唔放過咁好既機會嘆下，浸完浴relax晒😌，好舒服好好訓呀。
第二天早餐是in room breakfast🍽️🥪, 只要前一晚選好餐單上的食物再掛在房門外，早上按所選時間新鮮熱辣的早餐就會送到💨。份量和種類按自己喜歡選擇，終於可以試下好似人地咁着件浴袍嘆早餐影ig相呃like😂😂同尖東講聲morning☀️， 再沖杯Nespresso嘆下☕，咁先係旅行的意義💕。
食完早餐，喺房玩陣，中午肚皮又開動，套餐包括了「泰‧太滋味」自助午餐，嘆盡豐富美食同經典泰式菜式如泰式豬頸肉🐷、泰式炸蝦餅🦐、海南雞飯🍚、冬陰功海鮮烏頭鍋🍲、班蘭戚風蛋糕🍰、椰汁芒果糯米飯🥭和泰式椰汁糕等。仲有魚生、海鮮冷盤、熱食選擇都好多，又有即點即製串燒，每樣食少少已經飽到捧住個肚走，不得不試既仲有甜品同雪糕球，我仲用來砌左個雪人⛄，氹得QB好開心💖
另一個超讚賣點係late check out到3pm🕒, 計落足足住夠24小時，真係好抵💢！另外，逢周六仲可以參加「小廚神蛋糕工作坊」，小朋友換上小廚神服飾，由酒店大廚教授做蛋糕🎂，QB一手一腳自己整左個富士山蛋糕🌋，好有滿足感，完成後更可獲酒店大廚頒發獎狀，係一個好好既體驗✨。臨check out交埋尋寶遊戲紙，仲有可愛bear bear熊跟小朋友返屋企🧸，咁豐富既住宿體驗，難怪令QB咁難忘，我地都享受左一個好高質既親子小旅行👨👩👧。
百樂酒店「家庭樂」住宿計劃
價格：HK$1,098（星期日至五) /HK$1,498 (星期六）
優惠期至2021年1月31日
套餐包括：
🔸2日1夜豪華家庭客房（2位成人及1位小童）
🔸In Room 美式早餐
🔸Park café 自助午餐
🔸房內氣球裝飾
🔸尋寶遊戲
🔸兒童蛋糕工作坊 (只適用於星期六入住）
🔸保證延遲退房至下午 3 時
🔸另加HK$150起，可於房內增設特色兒童帳篷⛺、幼兒滑梯和銀河投影燈🌌
🔗預訂：http://bit.ly/3aNaA9F
Park Hotel Hong Kong
#ParkHotelHongKong #staycation #香港百樂酒店 #香港酒店 #家庭樂 #本地遊 #酒店住宿 #自助餐 #週末好去處 #親子
特色兒童帳篷 在 << SPORTCRAFT 品牌專欄 >> 《產品特色》 兒童遊戲 ... 的推薦與評價
SPORTCRAFT 品牌專欄 >> ✨《產品特色》✨ 兒童遊戲趣味帳篷- 恐龍趣味兒童遊戲帳篷 風格趣味遊戲屋，增加玩樂趣味激發寶貝地想像力自家客廳即可當遊戲室， ... ... <看更多>