【二零一七 ● 版主十大】
被問候多時，係時候找數。2018年1月都就快過去的今天隆重宣佈... 2017年度版主Nj十大心水電影正式出爐！以下名單從早前貼文（ http://bit.ly/2DkTmwB ）發佈的80部電影選出，肯定係極個人主義商業味道濃郁完全無影響力。鍾意睇就睇，唔鍾意就講下你有咩心水漏網遺珠推介！
.
【殺神 John Wick 2】
男神苦候多年終於再次等到一個個人代表角色，嗰種孤獨根本係佢本人，總之就係好正好睇，比第一集更佳，西式演繹『人在江湖身不由己』
.
【盧根】
情意結冇得傾，另開假設式故事大膽好玩，Prof. X比狼人更慘更搶鏡，當然X-23與狼人相處又係超大亮點。
.
【天賦的禮物】
另一位好戲小妹妹，聯同做慣大男人的美國隊長要整喊所有人，淨係睇兩個不同年齡世界的人可以有咁好關係相依為命已經覺得好窩心
.
【神奇女俠】
睇女已經係玩晒，嗰種入世未深思想單純的表達方式有新意，配埋古人穿越的笑話加添趣味唔係，一味黑黑黑悶悶悶
.
【去吧！啦啦兵團】
睇到有啲濫有啲驚的夢想類電影，但大量強勁歌舞配上日本人做乜都笑住口的表情，無人睇完會唔鐘意唔開心，尤其是當你知道係真人真事更加佩服
.
【猿人爭霸戰：猩凶巨戰】
頭兩集都好睇繼續凱撒下半生，故事係假背景係假角色係假但好真實好有feel，就好似睇緊一名現實領袖的傳記
.
【軍艦島】
故事分幾條線非常豐富，夠師奶易入口，腦裡面要忘記有點過份的英雄主義就可以好享受，戰爭場面精彩技術高，不枉巨資巨製
.
【打死不離3父女】
睇幾次都唔會厭，裡面要講嘅豐富到可以拍上下兩部戲，有笑有淚有意義有激動有溫馨，講幾多都無用本年最佳電影走唔甩
.
【黑暗對峙】
無得彈演繹加上如何對比都唔相信的特技化妝，場景唔算多但場場精彩，還原邱吉爾經典時刻，可以話係帶領大眾認識這位名人的導讀作品
.
【明天，我要和昨天的你約會】
靚仔靚女（主要係靚女），只要你能代入當中感受男女主角每一天每一刻的難受，面對無法改變逆轉的命運，個心冇可能唔乸住乸住
.
無人能及情意結大獎：
《星球大戰：最後絕地武士》
好想放入去十大，不過做唔出，想鬧的大大超越了好看的地方，對不起：(
我是星戰迷，只好如此安排... 加設亞太區最受歡迎... 你明的
