《 王志民將見終 》
一直覺得將見終嘅資質同埋外形，只能夠勝任管理公司保安主任，著套深藍色西裝攞住對講機： 「群姐群姐，4樓女廁M巾塞屎渠...」
一隻咁嘅嘢可以坐特區第二把交椅，管理一個七百幾萬人嘅國際大城市，真係香港人嘅孽債。
路透社消息：中央非常不滿駐港中聯辦主任王志民，未能掌握香港人脈搏，將會撤換佢嘅職務。
中方例牌否認...因為未必係撤換，可以係佢自己將會見到生命終結（自殺）。
今晚要講嘅歷史故事，由澳門開始...
2015年，啱啱坐正海關關長職位嘅澳門海關一姐賴敏華，莫名其妙響公廁自殺身亡。
佢被發現同時用四種方式自殺（安眠藥、鎅刀割脈、割頸、再加一個膠袋笠頭），不過澳門政府認為冇可疑，無需進一步調查。
當時駐澳門中聯辦主任係李剛，冇錯，就係南丫海難高調帶住梁振英見記者嗰個李剛...
冇幾耐之後，李剛自己亦都因為嚴重違規違紀人間消失，接替佢做澳門中聯辦主任嘅叫王志民。
讀者如果幾年前有睇我寫王志民，應該記得我點樣講佢響澳門嘅事蹟。
當年王志民高度讚揚澳門政府有效施政、嘉許崔世安領導有方、稱讚澳門各樣基建配套齊全... 冇幾耐，發生天鴿襲澳死傷慘重大悲劇，徹底暴露出澳門政府千瘡百孔嘅施政。
共產黨幹部會唔會真正掌握到真正社會脈搏？
唔使畫公仔畫出腸，全宇宙道知道，假大空就係生存之道。
王志民由澳門中聯辦調咗嚟香港中聯辦，唔通忽然間會跌親個腦，識得深入民間探討民生疾苦、識得講真話？
要邊個孭鑊都係假，成個制度就係一個嚴重腐爛嘅架構，一定要奸到出汁大話連篇先至可以生存（好似林鄭咁），邊個想做實事邊個想講真話一早死曬....
2017年尾接替王志民做澳門中聯辦主任嗰個叫做鄭曉松。
2018年，鄭曉松積極準備出席港珠澳大橋開通儀式，不過，係習近平抵達澳門之前一晚，跳樓自殺....
李懂媽
#王志民將見終拍住上
#祝你好運
王志民將見終拍住上 在 正海城故事-推薦/討論/評價在PTT、Dcard、IG整理一次看|2022 ... 的推薦與評價
2018年，鄭曉松積極準備出席港珠澳大橋開通儀式，不過，係習近平抵達澳門之前一晚，跳樓自殺.... 李懂媽 #王志民將見終拍住上 #祝你好運. ... <看更多>