【自由探索遊戲世界】智樂遊戲萬象館
逢禮拜六日元朗就有假期巴士去大埔，唔洗兜林村只需要半個鐘就到，芊羽間中就會帶佢爸爸媽媽去大埔playgroup玩messy play。
今次介紹喺大埔嘅Playright Playscope𣾀豐智樂遊戲萬象館已經開咗一段長時間，但週日依然好難預約，我哋都等咗兩個禮拜先有得去呢！
萬象館由日本環境デザイン研究所著名建築師仙田滿博士、佢嘅設計團隊同智樂遊樂環境設計小組共同協作，場內規劃成唔同區域，適合唔同年齡嘅小朋友放電探索以外，亦鼓勵小朋友從遊戲中啟發自主同盡情體驗遊戲嘅樂趣，呢個設計概念確係令人激賞！
#遊戲穿梭城
3米高嘅繩網、可以爬高爬低嘅設施，令呢度成為最熱門嘅區域，3歲以上嘅小朋友啱哂。
#遊戲發明室
每個月特別星期六日佢哋都會有唔同workshop主題，亦有messy play。嚟緊9月10月佢哋仲加開有關於中秋節萬聖節嘅創意活動，大家不妨留意報名。
#嬰幼兒探索區
呢個區域只俾0-2歲嬰幼兒進入，有大量木製嘅玩具、亦有硬紙皮做嘅滑梯同木球波波池，因為呢日嚟嘅小朋友好多都2歲以上，芊羽好似包場一樣。
#參考資源閣
呢個corner係大小朋友嘅創意區，爸爸媽媽可以同小朋友一齊發揮木工天分！只要注意安全，小朋友其實都可以處理倒大人眼中佢哋唔掂得嘅危險物。
#玩具圖書館
只要成為佢哋會員，就可以每次借佢哋3件玩具2個禮拜。玩具嘅種類好多，無論係大大件嘅學行車仔、拼圖、體能、感官、裝扮類等等都可以喺度搵到。玩具每次都會消毒先再借出，衛生而且安全。
除咗以上嘅唔同區域，萬象館仲有好多大型玩意例如泡泡、塗鴉等等，以兩大一小週末價錢只需要$180，實在係好值得去亦係另類play room選擇呢！
預約傳送門👇🏻
https://bit.ly/2x79QGO
環境デザイン 例 在 「環境デザイン」の人気アイデア 10 件 的推薦與評價
Pinterest で「環境デザイン」のアイデアを見つ けて保存しましょう。 ... <看更多>