［是日勞蘇］（發唔發現我用咗粉紅色呢？）大量粗口，會打冷震嘅勿入。警撚告咗你架啦下。
介紹返，2019年9月，阿里巴巴嚟香港上市之前。我在函館食住墨魚寫嘅。去咗函館就當去咗北海道架啦。正如我去過巴黎就話自己去過法國。去過台北咪去過台灣。南部？南港展覽館咪南部。正如深圳河以北就係華北，華強北嘛。華西？就降班
告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。當然我唔係坐定定「我不想努力」，一星期至少出返六篇文，仲要之前有啲讀者贏到下錢嘅（但本人目標唔係玩畀冧把，係更高層嘅嘢）
1. 呢篇當然唔係咩真知灼見。返中環拎得兩皮嘢人工嘅都知（你唔知？咁祝你好運）。好多人都講，絶對唔係我咩獨特見解。
2. 不過原諒我就係咁直。鬧我仆街死財演昆鳩你買股票搵你笨嘅，不妨諗下港交所係咪微信女股使唔使搵人唱好，要搵亦使唔使搵我—搵都唔係而家搵啦下話？嗰時周文耀同我舊行去波波國呀。
3. 而更撚好笑嘅覺得你買股票我有佣分。阿叔，先唔好講我已被炒，你覺得我對公司咁盡責？第二，我從來冇特別介紹人地去我公司抽新股或乜，當然我亦唔會叫你去第間，幫公司倒米咩。你去我公司開戶口，我都感激，但，關我撚事？
4. 再諒我就係咁直。你可以睇下我Patreon一個月收緊幾多 $ 。然後睇下街邊卜架收緊幾多佣。咁你除返出嚟，你睇下你身家幾多。當然你有十億八億計到條線嘅，就盡請恥笑我（＊）。
5. 講真，呢啲思維真係好撚唔要得。即係你柒都算，唔好柒到以為我都咁柒好嗎？我朋友（真係我朋友，費事開名，但好多人知邊個），舊年口罩荒時，幫人班口罩嗰啲嘢之類，咁你知網上個個專家，有個唔知上孟加拉阿里巴巴定茅利塔利亞淘寶，見到嘩人地呢度賣平喎，就質疑我朋友賺佢幾蚊一個柯打。呀朋友真係扯火，講嘅嘢同我以上差不多，只係冇咁多粗口。大佬呀，人地出嚟講場TALK都幾皮嘢啦，使唔使搞幾個鐘處理你啲Excel form呃你一千幾百？
6. 你阿叔我去高流灣打次邊爐都過千，你不妨計下我昆你買一手港交所有幾多佣袋落袋，「仲要同我公司對分」。真係買廁紙抿屎都未撚夠，一格用到農曆年都唔掂。
7. 即係唔信都算，覺得我老點你都算，仲要覺得我昆你？屌你老母咪撚睇呀，快啲unlike．
8. Ok，正面啲，唔好只係鬧，畀啲有建設性嘅嘢你。以上嘅思維仲有好大嘅用途。例如你可以計下港股一年嘅成交有幾多個億，然後再計下券商收幾多佣（你唔係以為大戶畀貴佣下話？有能力梗係壓你價啦，正如豪宅尺租平過劏房）—咁你就大約計到條數，呢個就係成個餅，成個cream pie．大家咩Cream of the crop就食呢個餅。
9. 然後你計下有幾多分析員，拎幾錢人工，畀租要畀幾錢，就發現，條數唔係好啱數。梗係有人抬離場。呢啲咪行業生態。咁當然夕陽行業呢啲講咗N年，生存到嘅，幾類行。第一，真正大行，唔使開名啦可？第二，銀行，有其他嘢養住。第三，大陸佬，因為唔介意蝕住做，有其他數計得掂。第四，最細嘅行，私家雞（sorry），小本經營。
10. 「咁即係邊啲死？」。「中型行咯」。咁當然咩係中型就睇你用乜嘢perspective啦，嗰時年少無知，同人爭論某國係足球咪亞洲一線尾水平。嘈一輪，原來佢分開十線，排第十一就已經叫三線，勁過大陸嘅九段線。我話我不如你分五十條線丫。
11. 不過又咁，早排都有Patreon讀者問我呢啲求職擇業嘅嘢。又其實2006年我入行已經話股票夕陽行業冇得玩，分析員死路一條。都好似係，但活地亞倫話齋，we are all dying．死死下都畀我死咗14年，還好啦。正如你問我，打工玩corporate ladder呢種遊戲而家都係極搵笨，香港尤其。但，都未必有更好其他選擇。真係個個做Youtuber咩—個個去做，你就知唔係咁簡單啦。個個做英超NBA廢柴後備唔使出汗有糧出咁爽咩。
（＊）不過咪講笑，我好肯定呢度有讀者有，不過人地先唔會咁諗我。都話人生如睇波，買平飛啲仆街阿叔就噓得最大聲入場屌老母為樂。坐包廂嘅唔會。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，4個月已1000人訂！（https://bityl.co/4Y0h）。月頭訂至抵，年費仲有85折，仲係睇13個月添。
生劏大墨魚 在 西貢生劏大墨魚白灼墨魚片超好食 - YouTube 的推薦與評價
Amazing Cutting Live Giant Cuttlefish at Sai Kung Hong Kong 西貢 生劏 巨大 墨魚 白灼超鮮甜超好食 · 西貢 生劏 生猛大海鱔大八爪魚豉汁蒸海鱔椒鹽炸八爪魚 ... ... <看更多>