[德國。新天鵝堡。Disney Logo城堡🏞]
大家係咪覺得第一張相個城堡熟口熟面呢？係咪同迪士尼個Logo好似呢～？港女今次去到德國南邊嘅Neuschwanstein Castle，亦即係新天鵝堡。不過好有小小失落，因為正面亦即係最迪士尼果一面外牆維修緊😞，可能襯唔係旅行旺季作修葺啦。不過唔緊要嘅，港女圓咗小時候嘅夢想入城堡做公主（自以為係～）已經好開心😍😍😍
前一日港女揀咗喺Fussen富森呢個地方留住一晚，因為住宿比喺城堡附近平好多～而交通亦極之方便！有巴士來回城堡與富森～亦都係廿分鐘就到！🚌不過港女建議如果有興趣入城堡參觀的話，1.上網先訂票，2.搭最早嗰班車去買飛，如果夜啲排隊係最少需要用1小時。😢
買完飛之後都記得要預留上山時間（因為城堡在山頂）～行上山頂官方話40分鐘，港女上次行咗25分鐘倒～另外亦有馬車、巴士上出，但旅遊旺季亦可能等半小時不等～所以請預留足夠時間上山啦！
記得去完城堡去埋另一邊嘅橋上遠眺城堡啦 #畏高朋友慎入 #條橋會搖得幾勁
#兩個港女在德國 #德國 #新天鵝堡 #城堡 #迪士尼 #NeuschwansteinCastle #Castle #Germany #Travel #ilovetravel #travelling #trip #Disney
