《過街英雄》抄襲日劇《信用詐欺師》？
～ 大台劇集抄襲本身不算新聞，歷年來不斷被人踢爆，《過街英雄》第二、三集的劇情，包括查林韋辰醫療失誤的個案，與及偽裝成風水師欺騙黎彼得一億，都充滿日劇，由長澤雅美主演的《信用詐欺師》的影子。有網友甚至留言風水師那故事是否抄《信用詐欺師》電影版「香港浪漫篇」，電影劇情是長澤偽裝成占卜師去騙人，不過這橋段的抄襲可能性可以排除，因為「香港浪漫篇」的拍攝日期是2018年7月開始，而《過》是2018年8月開拍，差不多是同期拍，無可能抄，應該是是撞橋。另外，《信》的電視劇是2018年4月9日首播，有冇可能抄電視劇呢？以目前大台的製作程序，由賣橋開始，到寫天書，度分場和執對白，還有前期製作如搵演員、度期、搵景、美術部設計廠景、服裝道具⋯等等，四個月時間做預備確係有點急，但還是有點可能，最多咪劇本飛紙仔，但這裡也有疑點，因為這劇明顯不是打仗用的重點製作，值不值得咁趕去做呢？個人傾向撞橋居多。
～ 呢兩集全部集中晒在森美同翠如條線，真係撐住睇。森美被威脅變成奴隸獸，基本上搵嚟做，條片最多影到佢跳過另一幢村局天台，根本證據不足，香港政府更加唔會去研究森美有冇超能力，不如恐嚇送佢北上會驚啲。另外，將森美綁在大樹上已經是非法禁錮，犯了法的搜證無可能上庭，作為記者的森美無可能唔知。
～ 兩個故事以踢爆林韋辰醫療事故的較合理，還似私家偵探工作範圍。為了雪妮，扮風水師欺騙黑幫大佬，同私家偵探工作有乜關係呢？完全係用正義借口去犯法，咁第一集就唔好寫到凱甄咁正義，對住阿sir背警例啦，之前些少罪行都忍唔到，轉過頭即刻主謀犯罪，前後極度矛盾，除非之後交代凱甄是精神錯亂啦，否則解釋唔到！
～ 凱甄三人俾咁多泥活埋，一分鐘都捱唔到啦，仲等到森美來救？隻鼠爪好心加啲CG效果啦，森美挖泥時明顯就住，驚抓斷道具指甲！唯一可讚是三位演員都有演員道德，咁辛苦都肯做。
～ 森美這個老鼠俠，除了求其交代產生過程，之後點發現，點應用及適應相關能力，點解有隻龍貓，完全欠交代，這部份劇情可以玩得很有趣，但為左盡快安排他和翠如鬥氣，完全刪去，搞到這角色不能成功建立，浪費。
～ Madam Lo話晒都係呃人專家，點會懵倒send完WhatsApp再打電話去確認呢？唔識睇雙藍剔？搞到突然變左腦退化。
～ 最想睇的賤人一家和譚凱琪呢兩集都無乜戲，失望。
＃過街英雄 #森美 #黃翠如 #譚凱琪 #江嘉敏 #于洋 #盧苑茵 ＃信用詐欺師
白 貓 歷年 角色 在 白貓Project 鬼滅之刃2 - YouTube 的推薦與評價
白貓 Project 鬼滅之刃2 ... [七龍珠爆裂激戰ドッカンバトル]#2459 如期而至的定番炎上事件...甚至比起去年還要來得激烈...又一次被阿松給抱有情感的 角色 ！！ ... <看更多>