#大家小心身體今日真係好凍着多件衫!!!!
疫情持續 輝瑞疫苗生產目標減半 美股倒跌
壹傳媒黎智英不獲保釋 股價升1倍 留意傳媒股
留意換馬股 美團百威亞太安踏體育入藍籌
#藍月亮 ipo今日終招股 入場費$6646
P.S 個月亮好藍啊🤣🤣👍🏼
百威亞太招股價 在 Vivian Tsang 曾子晴 Facebook 的精選貼文
百威亞太招股價 在 股榮 Facebook 的最佳解答
溫水煮蛙，就是這種。要摧毀香港，很簡單。
螞蟻（6688）煞停IPO，翌日餘波竟然是各大證券行、銀行因應「突發情況」，照顧投資者感受下，豁免認購費及孖展息，以螞蟻招股凍資高達1.3萬億元，假設以9成孖展平均息率3厘計算，5日息約5.3億元。
慳返5億孖展息，對155萬認購者（如用孖展）而言，固然是失落首日高沽的另類安慰，但坦白講，絕不認同這個winners take all 的公關宣傳技巧，背後實際損害了商業世界一直奉行的合約精神。
今次始作甬者富途「開壞先例」，打着回饋旗號，率先向客戶、向傳媒高調宣佈，會承擔所有孖展費用。富途是近年冒起最快的內地券商，股東包括阿里死對頭騰訊，今次孖展費用約千餘二千萬元，對富途而言濕濕碎，趁機當宣傳廣告費，兼是先行者，所謂winner takes all，老實講，大家只會記起富途，其他券商焗跟，大家不會當是恩惠，而是老奉take it for granted。
大型新股招股後撻Q未能上市，早年也有例子，誠如領展（823，當時叫領滙）2004年首度上市，當年吸引了51萬名散戶認購，涷資2,800億元為當時新紀錄，殊不知上市前夕被市民提出司法覆核而擱置，還記得，當年曾收到寄出來的實物股票。數返較近期，去年百威亞太(1876)上市前夕，母公司也突然宣佈暫停逾700億港元IPO計劃，要退還認購款項。
過去兩次，未曾見到有券商「回水」，亦沒有投資者集體投訴，因為認購新股，無論是現金或孖展認購，都是自身投資決定，向銀行券商借錢，借孖展俾利息，白紙黑字合約條款都有清楚列明，就算上市後股價升跌，亦不應該輸打贏要。
富途「做壞市」是商業行動，亦成為其他投資者「迫宮」富途以外的券商銀行「跟風」的理據，有券行銀行職員苦笑，今早收到客戶查詢，「人哋咩牛牛都唔收，你哋收既話，我下次唔幫襯你哋」。討論區上亦有不少聲討某數間行「維持合約精神」的券商銀行，「不跟大隊要杯葛」的貼文。
執筆時，龍頭行滙豐據悉仍在「內部研究中」，中銀則要睇滙豐行動而「決定」。
天下沒有免費的午餐，中資機構無論是銀行、券商、支付APP、虛擬銀行，都是「瞄準」大眾貪小便宜而搶佔市場佔有率，忘了合約精神，只記得前車精神。然後結果是甚麼，大家得到甚麼，失去的又是甚麼。
百威亞太招股價 在 香港股評人譚朗蔚 Facebook 的精選貼文
【搵餐食】
粉絲們，尋日飲農夫山泉、水中茅台就飲得你咁過癮啦，係時候關注下聽日，又有一隻巨型既內需、餐飲股份上市喇！講緊既就係百勝中國（9987）。我唸好多人都知架喇：集團旗下既著名品牌包括有肯德基（KFC）、必勝客（Pizza Hut）同小肥羊，個朵夠響喇卦？而所謂既「百勝中國」其實係响2016年從美國上市既Yum! Brands（美股代號：YUM）度分拆出黎既。
根據上市文件既資料顯示，百勝中國既餐廳數目有成9900間，對比起YUM既50000間黎講，只不過係五分一左右。不過，大家千祈唔好睇小呢個仔呀！事關按照收入黎計，阿媽响今年上半年就做左差不多24億美金生意，而阿仔就威咯，有成36億美金架，一啲都唔輸蝕！當中有接近七成都係黎自肯德基既，兩成鬆啲就黎自必勝客，兩者加埋呀？都超過九成架！
照咁睇，股份應該係食正疫後重啟、經濟復甦呢啲概念架，之但係招股既時候又唔算好熱喎：股份較上限定價低成12%，而且超購既倍數只係得50倍，同剛剛隻農夫既1147倍黎相比，又好似低左啲喎。鬼叫兩隻股份招股既時間撞晒期咩！所以，我會建議大家睇實呢隻百勝响聽日掛牌之後，會唔會有意外既驚喜架，話晒啲資金都响隻農夫度出返晒黎，買乜都得啦嘛！
同時要關注既，仲有同集團一樣係經營餐飲連鎖店既同業呀，又睇下佢地會唔會乘勢炒起丫拿！就例如九毛九（9922）、海底撈（6862）同頤海（1579）呀咁。你知啦，佢地都好符合我心目中均線多頭、逢頂破頂既強勢條件家嘛。而如果你都係認為呢啲餐飲股係唔及你隻農夫既話，得，咁就要繼續mark實隻農夫同佢啲影子股：潤啤（291）同埋百威亞太（1876）喇。
至於爛玩既朋友，可以關注埋以下既衍生工具。當然啦，自問有經驗而又我膽識過人既先至好買呀！所講既就係：
❤️價外既九毛九call（26585）
🧡50兌1、輪價較低既海底撈call（26210）
💛100兌1、輕微價外既頤海call（17588）
💚價外、高槓桿既百威call（13583）
💙高槓桿、中短期既潤啤call（13330）
瑞信免責聲明: https://warrants-hk.credit-suisse.com/tc/disclaimer
#百勝中國 #九毛九 #海底撈 #頣海國際 #農夫山泉 #百威亞太 #華潤啤酒
