長文慎入。
終於迎接我哋婚姻生活嘅第一場嗌交活動。
話說，我婚宴當日手上那束鮮花超靚，念念不忘好幾日，講真，港女真係鍾意收花嘅🙈以前唔識，以為花呢啲唔食得又唔識養😭但收到花又真係好開心❤️❤️❤️總之，啲花咁靚，朋友問我 @floral.blooms.hk 會推出DIY花盒，方唔方便收花？我仲諗住借花敬佛，寄到去老公公司，打算叫老公拎啲花返嚟，扮收花～都好開心呀！
點知尋晚老公拎咗個盒返嚟。
我：咩嚟㗎？
佢：你叫我收㗎嘛。
我：？？
佢：上星期五呢。
我當堂嚇咗一跳，上星期五喎，然後即刻打開個盒啲花謝咗一半，我個心都死咗一半，明明一束好靚好新鮮嘅花，經過幾日不見天日嘅收藏之後，仲有一兩朵盛開我覺得真心勁㗎啦，但見到啲花瓣一塊一塊咁跌落嚟，我啲眼淚都一滴一滴咁跌落嚟…其實夫妻嗌交不外乎都係果啲～你問佢點解，佢又問返你點解，於是我一邊開啟崩潰嚎哭模式，一邊嘗試將啲未謝嘅花拯救出嚟，一邊問佢點解星期五收咗花今日先拎返嚟？
佢突然間好勞氣，一輪嘴咁話：
「你又唔講係收花？個盒咁靚，點會估到入面係花呀？過咗咁多日你又唔問？點解你唔問吓啲花去咗邊呀咁？一直以嚟無人同我講過話要收嘅係花！你點解唔提我？」
我當時好震撼，乜原來可以將自己嘅問題一嘢推落對方身上，難道聲大夾惡就係正義！？俾佢喝一喝我都呆咗，拎住把較剪嘅我，嬲到一手將較剪掟咗落鋅盤到，右手啲手指仲一嘢轟中咗鋅盤邊，一路喊一路問：啲花謝咗，你仲要惡我？
佢聽到呢個位都靜咗，慢慢解釋俾我聽，唔單止解釋自己點解無拎返嚟嘅原因，仲幫我解釋埋我點解唔記得問佢啲花去咗邊嘅原因，望住我啲手指腫咗，我喊住問：你呢個moment仲檢討？
佢話：係呀，咁你發脾氣整親自己係你唔啱呀嘛。
😳
然後我喊到好攰，佢又幫我用冰袋敷手指，又幫我開飯，又讚我煮啲飯好食，又幫我洗碗。喺佢洗碗果吓，我從後攬住佢：對唔住，老公，我發脾氣。
佢無再檢討，亦無再話我。
可能夫妻嗌交，總要有一方先示弱或示好，但我哋兩個長唔大嘅小朋友，就好似落公園玩泥沙咁，嗌交打交之後只要有個人講聲sorry，又或者開口問句你參唔參我玩？咩恩怨、咩對錯，好似變得唔再緊要。佢主動去洗碗，我主動道歉，都係一種示好嘅過程，從來都無理所當然，我屋企絕對唔會出現「老奉」，嗌咗交就要解決，解決嘅方法就係打開個心溝通。
不過，估唔到婚後第一場大戰，竟然不了了之。
仲諗住可以呃返個Burberry返嚟。
臨瞓之前，我問老公：咁啲花啲算呀？
佢答：啲花吸吓水就無事㗎啦。
#睇得出係有少少謝
#但竟然真係吸吓水就無事
#真係好頑強嘅生命力
#不過得返一朵玫瑰🌹
#DIY花盒感覺好高貴
#希望佢哋再盛開多兩日
#有無盛開秘笈
#對唔住floralblooms😭
#搞到你哋嘅靚靚花變成咁😭
睇得出係有少少謝 在 【有邊個都有去《假冒女團》首映禮呢 ？喺留言區舉個手嚟睇吓 ... 的推薦與評價
得獎者都有一齊去到首映禮支持教主呀！（多謝老細 ～）近距離見到教主真人出嚟謝票好興奮呀 ！套戲真 係好好睇，教主都好落力演好每一場戲 ，擺檔呀叔影 低咗少少片段 ... ... <看更多>