Search
小 Jayda 返 Play Group 喇 ☺️
一直不懂愛與被愛的我，在女兒身上感受到愛，原來愛一個人的感覺是這樣，會事事保護著她，想給她最好，生怕給得不夠。
同時，我也感受到被愛，原來被愛是這樣，被需要和被歡迎的感覺。
能在同一個人身上得到愛與被愛，很幸福。感恩。珍惜。
Btw, 小小的身軀，捱住眼瞓上中文音樂、美術、運動、英文、普通話音樂、中文故事，難怪而家啲小朋友都超級超級厲害。
媽咪表示對 play group 的課堂內容感到很驚訝。本來還以為只是一起玩遊戲。身心靈，腦袋和肌肉的全面教育發展，真的很厲害。在培育小朋友的路上，我得加把勁了💪🏻
#yanyanjayda
#1year5months
#motherdaughter
［今日寫呢啲］ 點算好？有乜點算好。葉念琛話齋，the best plan is no plan！
TLDR：港股廢，美股貴。不如日本股？「其實有啲又貴又廢」
＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
係喎，而家買埋日本股。喂香港8點開市喎，然後冬令美股就5點收。「咁你咪唔使瞓？」。傻啦，好多時我瞓到香港收市都未起身！
有啲人以為要「睇住個市」，係唔使的，至少我唔使。我做分析員早期，未有埃瘋，我甚至係股價都唔睇的。好似頭文字D定極速傳說咁，個儀錶板都拆埋！人要勁過車嘛！唔好畀個股價帶住你行。
不過而家買日本股就要早啲起身，因為香港2點就收市。
係喎，今日就買！買唔切就星期一買，唔得就星期二！唔爭在一兩日。但總之會買。名單都有埋，星期六Patreon專題會公開
都揀咗25隻，「但邊買得晒」，因為日本股要100股咁買，咁任天堂之類，40萬港股一手。「唔係冇40萬但唔會咁買」，雖然有ADR，所以咪要度下先．星期六Patreon專題會分析，但只係片面，25隻股呀，一隻寫100字你都嫌長啦。咁你計下100字，扣除公司名（中文日本英文）同埋冧把，仲有幾多隻字？
但真的，星期六Patreon就公開埋嗰25隻日本股。垃圾倉2.0（日本冇垃圾？），但不能每隻3000港紙
你見要講日本，證明其他嘢都冇乜好講。騰訊夠晒慘烈，但我係悲觀嘅樂觀者。2018插一半都係咁啦（今次都差不多），之後咪又升幾倍。「今次唔同」。刁，真係由2004年我做金融，每一次啲友都係咁講。
你話港股好差？今年不過跌6%，同美股歐股日本股梗係好差，但你話世界末日？大把更差嘅年份啦。奉旨要贏錢？
你話買科技股買國企指數唔止輸6%，刁，呢啲就你個人問題啦。你鍾意all in嘛，咪all blood，關人春事。我啲港股輸少過6%添，況且仲要有美股。「仲有ASML LVMH 愛馬士呢啲歐洲嘢」
至於騰訊會點？唔知，唔想知。我好奇怪點解你覺得自己會知。呢啲咪我早兩日寫文講，唔易睇得出嘅極度自大咯。點解你要覺得自己乜都有諗法？承認自己唔識，真係咁難（我日日都話自己唔識tech架，不過ASML日日新高）？好多嘢控制唔到，集中去睇啲你控制到嘅嘢吧。
恒大？答案一樣。爆唔爆煲？唔知，唔想知，關我乜事？點解你覺得自己知？
況且，「爆煲」都有好多種，死還死七孔流血還七孔流血，海航爆咗煲未？港航又爆咗煲未？國泰呢？你啲網友個個都話中國爆咗煲添。但我只知道上證指數而家升到今年高位（你冇睇錯）。
我搞呢個Patreon，最開心嘅，就係卒之可以唔使唔識扮識。講真的，返工或上電視就不能咁啦，點都要唔識扮識．講過啦，因為呢個世界係獎勵啲唔識扮識嘅人嘛，你條肥仔上電視隻鳩隻都話唔識，節目導演下次都搵第個啦。打工亦係，個客嚟問我老細嘢，佢梗係彈畀我（因為除咗佢睇嗰行，佢真係乜七都唔識），咁我答唔識，佢又覺得我廢啦。
咁我當然係玩唔識扮識—咁我先可以搵夠錢，脫離呢個遊戲嘛！我在Patreon就唔會同讀者咁虛偽！因為讀者真金白銀支持我嘛。你見好多人嚟問我邊隻邊隻點睇，我都答佢我唔知。
做乜去討論恒大？爆又點？你瞓身沽空港股？唔爆又點？你瞓身買？我又冇買恒大，又冇叫過你買，關我乜事？
咁至於你啲網友話骨牌效應呀乜乜，冇量化嘅，講乜都係廢話。我咪幫你計下數，Patreon有講。
但，畢菲特嘅名句，Ships will sail around the world, but the Flat Earth Society will flourish
邊鳩次唔係乜都講到骨牌效應，一間爆一百間爆然後核戰全球冚球鏟？蘇伊士運河塞咗架船又全球供應鏈中段，韓仔基金爆煲又銀行唔掂，負油價又頁岩氣公司爆煲銀行唔掂。我話你知銀行好撚掂，你顧掂自己先啦。
美股嘅，連跌4日嘛，但都未夠1%。Patreon入面有講，今年高位最多都係跌過4%，你可以睇下歷史上有幾多次係咁。係咪好事？你係fully invested 咪好事。但你話等調整等等等，咪你嘅事
然後，不經不覺美股見底都一年半，標指低位升咗100%。但你話已經過籠？咁Patreon入面有話你知，一個牛市可以升幾耐，同埋可以升幾多
幾時都話，人太過短視，無限放大咗呢刻嘅波幅，但又睇唔到長遠嘅走勢。
最後，兩隻美股。講明先。冇！叫！你！買！ 我都冇買。咪到時輸咗錢又嚟嘈（雖然就算我叫你買，輸咗錢都唔使嚟嘈的，因為我好似冇拎支槍指住你，亦冇因為你買嘢要有佣收）
先講LuluLemon，應該好多人知個故事。我都好早知間公司，香港未開已知，仲要係個阿叔話我知的。咁而家梗係易估，個個WFH嘛，啲瑜珈褲 六七舊水一條，食水極深。剛剛個業績勁爆，一出業績升10%
但有時又唔係咁簡單啦。彼德林治呢套「生活搵投資點子」嘅東西，而家難咗好多，因為資訊太發達。
特別潮牌，好睇唔好食，你睇Under Armor 而家股價只係高位一半，A&F亦都係。LuluLemon過去5年升500%，但今年其實大幅跑輸大市。點去捉？Patreon入面講了
Accenture嘅，近排被爆料有個好正點嘅業務（雖然唔係咩秘密），幫啲科企執屎，好好搵的。唔通科企啲工程師自己執咩，又總不能請啲南亞仔做全職畀佢地同啲工程師一齊在飯堂食壽司嘛。聽落冇乜技術含量，都係搵啲南亞仔，但，你又諗下在科企嘅角度，畀多啲錢唔緊要，但最緊要做得好睇，唔好有手尾，所以你細公司好難拎到生意。另外，雖然唔係火箭數學，但你要搞掂成班南亞仔，唔好爆鑊，都真係唔係咁易。
有幾好賺？就Patreon講了
＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
【 播足22年！商業二台音樂節目《短期租約》11月結束 】
_
繼上周五（3/9）「叱咤903」商業二台DJ Colin（麥濠麟）主持最後一集節目《廣東爆谷》並離開商台後，自一九九九年五月開始於同一頻道首播的經典深夜音樂節目《短期租約》，主持人兼現職商業一台創作主管的資深傳媒人鄺兆昌（Wasabi）周日晚（5/9）於節目開始後不久隨即宣布：「短期租約，約滿喇！」其後他在個人Instagram表示，2021年11月28日會播出《短期租約》最後一集，又指出他參與創作和演出的舞台劇《久天長地》會是近來最後一次公開演出。
_
節目「休業」的消息一出，一班忠實聽眾隨即議論紛紛，其中有人直接問Wasabi：是否受到壓迫，他坦言並非如此。「係咪被壓迫？唔好太多想像啦！冇乜任何大嘅壓迫！」之後Wasabi解釋，決定要將一個播足22年的電台節目結束，跟年紀和體力有關，「始終我哋要接受一樣嘢就係，生命裏面係會有好多嘅轉變，有啲嘢係控制唔到㗎，譬如係年齡啦，年齡同心態係有唔同嘅。」開咪只是Wasabi的副業，平日本身已有很多正職的工作需要處理，工時長，但因為周日需要返電台為主持三個小時的節目做準備，他坦言：「中間有段好長嘅時間我係返七日工！」Wasabi承認，近年無論體力和精神消耗得相當快，「真係做少少嘢呢，都會令到個人好攰，咁就開始諗下，究竟每個星期日，我仲要做節目嘅話，咁我係需要調節我自己嘅心態呢？」
_
對於是否離開商台，抑或停薪留職，Wasabi沒有明確交代，只是說：「唔好諗係咪公司唔要我，可幸都未係！」又指暫時未知道節目停播之後會有何打算，但最想可以休息半年，「因為我真係好需要瞓覺！」他又直言，明白聽眾對於節目結束會感到不捨和不習慣，但相信大家會隨時日過去而適應，對於會不會將來再度開咪，他在節目裏借播放RubberBand的新歌《Ciao》表明心意：「說了再見，真的可以再見嘅，但唔知幾時。」
_
Wasabi於一九九〇年加入商台，擔任廣告部文案撰稿人，又參加了為期三個月的DJ訓練班，黃偉文是其同班同學。隨後時任商業二台創作總監鄭丹瑞突然要求他需要負責主持一個一小時的雜誌式節目，只有一天時間撰寫計劃會和決定藝名，同事因為他喜歡吃山葵，因此建議他取藝名Wasabi（山葵的英文），正式開始他的咪前生涯。後來Wasabi移民加拿大，加入溫哥華中文電台主持節目及從事廣告創作，其後回流香港，一九九九年回歸商台，擔任節目監製及主持《短期租約》，此外他亦身兼多職，除了創作過多首廣東歌詞，又先後推出多本散文和小說，近日他正積極為舞台劇《久天長地》排練，此劇將於9月24日於香港演藝學院公演，改編其原著小說《甚麽天長 怎樣地久》，同劇演員包括游學修、當奴、楊淇、朱栢謙、白只和王曉怡，張珮華則是監製和出品人。
_
【 流行音樂系列報道 】
＊TYSON YOSHI《Christy》點擊破千萬：
https://bit.ly/2V7afJo
＊平井堅新碟《沒能成為你》紀念出道25年：https://bit.ly/3kGBqDG
＊驚為天人的青衣男孩湯令山：https://bit.ly/37Oo7Le
＊陳卓賢《DWBF》向方大同致敬：https://bit.ly/3fTGFOQ
＊《Chill Club》ERROR自肥特集：https://bit.ly/3z8Ibnp
＊謝安琪首度亮相《Chill Club》：https://bit.ly/3e3SQHQ
＊《Chill Club A New Stage》電視台與品牌合作開騷的新時代：
https://bit.ly/2TMFvMO
＊《Chill Club總選》：https://bit.ly/3tvCjSC
＊張敬軒首次亮相《Chill Club》：https://bit.ly/36vhixz
＊岑寧兒＋陳蕾《Chill Club》合唱《盡力呼吸》：https://bit.ly/3htGvPs
_
緊貼「游大東影視筆記」最新資訊：
▇ facebook專頁： 游大東【鴻鵠志－影視筆記】
▇ instagram： instagram.com/yautaitung
▇ MeWe專頁： mewe.com/p/yautaitung
▇ Telegram：https://t.me/yautaitung
▇ Medium：https://yautaitung.medium.com
_
（06092021）
_
#游大東 #游大東影視筆記 #商台 #叱咤903 #WASABI #短期租約 #久天長地 #游學修 #白只 #當奴 #楊淇 #朱栢謙 #王曉怡 Mrwasabi 同窗文化工作室 #張珮華 #廣東爆谷 9588hk 私家音樂 快樂的 Music Picks 廣東歌fans應援事件 881903.com 商業電台
我哋先前已經介紹過全新推出嘅Amazfit T-Rex Pro智能手錶，今日我哋就有一隻喺手，馬上就同大家做個開箱！
全新嘅Amazfit T-Rex Pro 延續咗呢個系列硬朗嘅風格，拎上手雖然同一般智能手錶一樣輕身，但係感覺上明顯較為紮實，戴上手嘅觀感亦相當唔錯，好似我咁鍾意運動款同埋大錶面嘅朋友嚟講就更加唔可以錯過喇！開箱之後，由於隻錶本身無晒電，等我即刻幫佢叉一叉先！由完全無電叉到30%電力，都只係用咗15分鐘左右，咁就算瞓覺都戴住隻錶，只要平時去沖涼或者做緊野嘅時候放低叉一陣，就唔怕會唔夠電啦！
今日我就首先試試將佢接駁到我用緊嘅 iPhone先！由於呢隻錶係行自家嘅操作系統，所以接駁之前，要先下載呢個叫Zepp嘅手機應用程式。接駁嘅方式好簡單，只要用程式掃一掃錶面嘅QR Code，跟住手機嘅指示，就順利連接好，連接完仲自動下載埋最新嘅系統更新，跟住入埋自己少少個人身體資料之後，就可以開始用喇！
只要喺手錶嘅表面下方向上掃一掃，就可以見到預設嘅資訊，包括天氣、心率、步數等等，有關顯示嘅項目同埋次序，亦可以自行設定。當然，錶面亦會簡單顯示相關嘅資料。講到錶面，亦可以喺Zepp應用程式入面嘅錶盤商店，揀唔同款嘅錶面設計，亦可以喺App Store或者Google Play 入面搵到第三方應用程式，管理呢款手錶嘅錶面設計！
由於使用自家操作平台嘅關係，Amazfit T-Rex Pro 只可以將手機嘅訊息推送到手錶，暫時未可以回覆短訊，對於習慣咗用穿戴裝置簡單回覆嘅朋友嚟講，絕對有啲唔方便。至於推送嘅內容，就可以透過Zepp程式入面嘅「App通知提醒」揀番，不過要留意，就算揀咗最下面嘅「其他」，上面有顯示嘅程式都要一個一個開番，如果唔係，就一樣睇唔晒所有嘅推送。而無出現喺清單上面嘅程式，就只可以透過下面嘅「其他」去開啟，唔可以獨立操作，呢方面亦為用家帶來少少唔方便。
呢隻手錶支援10ATM、大約100米嘅防水功能，無論日常洗手、甚至浸落水中都唔成問題。正如官方網頁所講，佢通過咗多項軍事級認證，做運動或者日常工作唔小心撞到，以至跌落地，都一樣唔成問題！
呢款智能手錶主打運動功能，入面內置咗過百款嘅運動模式！對於我嚟講，健步應該係用得最多嘅選擇。呢隻手錶可以連接4個唔同嘅GPS衛星定位系統，單靠隻錶本身亦可以快速同埋準確取得定位，戴住做運動嘅路線就一目了然！
提提大家，我手上嘅係國內版本，錶面只會顯示簡體中文字，但訊息推送中嘅繁體、英文以致其他語言顯示就完全無問題，香港行貨就可以選擇以繁體中文、簡體中文以及英文顯示，不過顏色選擇就會較少。另外，呢款手錶係唔支援流動通訊網絡同埋wifi連接，所以手錶一定要接駁電話，先可以有推送同埋同步功能。雖然國內版本係有NFC功能，但係喺香港亦都暫時唔可以使用。
不過以行貨HK$1298或者國內賣緊低於HK$1000嘅價錢，買到呢隻功能多、造功靚嘅智能手錶，其實已經算相當超值！
瞓覺寒氣侵襲被靈體咬耳仔！昔日戴假髮易撞鬼，因多從戰爭死者收割！(靈凶翻騰半夜講呢啲 第二十季 在線重溫 D100)
主持：何慕詩 (ccbb) 時間：星期三 D100 網台
相關影片:
1. 馬來西亞靈探藝人嚇到震！西洋結界蠟燭招靈！馬拉沙嶺太平間最恐怖！(靈凶翻騰半夜講呢啲 第二十季 在線重溫 D100) (https://www.youtube.com/watch?v=FfBa4sQJKfw)
2. 尖沙咀HelloKitty案通靈，窗邊驚見被害者靈體！走廊大門自動開！(靈凶翻騰半夜講呢啲 第二十季 在線重溫 D100) (https://www.youtube.com/watch?v=B-XFaGJx8Qk)
3. 思浩大談張國榮白雪仙專用餐枱！昔日一曲難得有情人爆紅！五星級酒店遇關淑怡冥想！(大家真瘋Show 第一季 在線重溫) (https://www.youtube.com/watch?v=OwNvyj8Ah6s)
#靈凶翻騰半夜講呢啲 #瞓覺 #寒氣 #StayHome #WithMe #跟我一樣 #宅在家
呢一集會又中又英因為內容好簡單
之前大家都有提過想睇吓Damon 平時係玩咩玩具
Damon actually has so much to play with it's quite hard to film
It wouldn't be an exaggeration to say he has a miniature library
But can you have too many books?
其實拍Damon 睇書應該仲搞笑
講故仔七成係英文
咁講中文嘅時候就好自然好搞笑啦
Jamie出世之後 Damon啲生活習慣好似同以前差唔多
或者嚟緊拍一集佢哋兩兄弟點樣搞到我哋兩公婆冇覺好瞓?
We don't know when we're going to be well rested enough to film this crazy family vlog
We don't know if "well rested" is something we can hope for in the foreseeable future???
The 2 actually get along quite well, Jamie just eats and sleeps, Damon is completely oblivious to his baby brother is crying, so all is well?
其實阿哥都算係好照顧細佬，佢成日都會叫爸爸媽媽去抱細佬，pat pat pat細佬
啲朋友講小朋友嘅妒忌，我哋當然擔心啦，但我哋暫時feel 唔到☺️
___________
00:00 Start
00:10 Opening Song
01:15 English Class
02:17 Driving Lesson
02:37 Go Go Go
04:40 Cars
06:19 Animnals
_______________
Sarah's Instagram
https://www.instagram.com/rahrahsong/
Jason's Instagram
https://www.instagram.com/chanjason_/
#MumRah #DamonsToys #DamonsToys
#DrivingLesson #EnglishLesson
#BabyJamie #LoveAndFamily #DamonAndJamie
#SJ #DJ
#LookAfterYourFamily #LookAfterYourBaby
#LookAfterYourBabies (all 3 of them)
#StayHome
#StayCalm #StayPositive
#StaySafe #StayHealthy
#LookAfterYourself #LookAfterEachOther
#KeepUpTheHardWork
#SarahAndJason #SarahSong #JasonChan
