離開了香港後，我個人特別喜歡
#大陳老飛航遊 讓我隔空也呼吸到香港的空氣和香港味、香港情👬💝
石壁水塘 在 Facebook 的最讚貼文
同時也有21部Youtube影片，追蹤數超過639的網紅Lee Winly，也在其Youtube影片中提到，10-05-2021 三牙全走 考牌路線 又回到最初的起點，重回我的啟蒙之山 ‼️石壁水塘→西狗牙(上山)→一線生機→東狗牙(下山)→中狗牙(上山)→一線生機→閻王壁→斬柴坳→昂坪‼️ ?全程大概 14km ?東涌轉11號巴士石壁警崗落車 每個人都有一個山的故事，我的就是狗牙嶺 他是讓我重拾兒時背...
石壁水塘 在 本土研究社 Liber Research Community Facebook 的最讚貼文
《明日大娛：未來郊野公園如何淪為一個大型遊樂場?》
早前傳媒揭發有露營車公司喺大嶼山芝麻灣郊野公園範圍內砍伐１公頃林木，政府竟只對犯案者罰款$500，較早前民政署亦配合開路讓工程進行【註1】，開發郊野公園邊陲已係政府默許下打開序幕， 而改變整個大嶼山面貌嘅，何止係露營車之類嘅旅遊設施。
分析規劃文件，十數年之後嘅大嶼山將會佈滿大中小型旅遊熱點，露營車公司剛剛食正大嶼山旅遊化嘅頭啖湯，芝麻灣斬樹事件只係一場風暴嘅序幕。
▍五年後：露營基地、Wibit水上樂園、「快感與刺激」Zip-line
2020年12月，政府低調公佈《大嶼山保育及康樂總綱圖》(《總綱圖》)【註2】，雖然話「北發展、南保育」，但睇真啲大嶼南竟然有不少發展計劃，部份將入侵郊野公園範圍：
－芝麻灣半島露營基地－
斬樹事發所在地芝麻灣半島屬於郊野公園範圍內，但《總綱圖》已表明將該處會重新定位為「露營基地」，並提供陸上和水上活動以收「靜修及身心療癒之效」。《總綱圖》公佈時間為2020年12月，與斬樹時間（2020年7月陸續開始）吻合，政府對於露營車基地一事是否一早知情並默許？
－長沙Wibit水上樂園－
與「露營基地」有聯繫嘅係西南方不遠處嘅長沙水上樂園。雖然《總綱圖》無提供具體資料，但參考2018年10月公佈嘅《大嶼山康樂及旅遊發展策略》（《發展策略》）【註3】，大嶼南嘅水上樂園將模仿Wibit模式，即「巨型充氣水上樂園」。參考外國例子，一個Wibit 設施可以容納60人【註4】，多個Wibit 設施即容納數百人，必定帶來大量旅客及嚴重污染，對貝澳長沙海底珊瑚及生態，以及大嶼南寧靜鄉村社區嘅影響，當然無具體交代。
－石壁水塘zip-line及環塘板道－
《總綱圖》亦透露郊野公園內嘅石壁水塘旁將有「歷奇設施」、「特色露營地點」、以及「環繞水塘的板道」。什麼歷奇設施？在《發展策略》中「創新景點」下「快感與刺激」一欄中有進一步交代：可以是「空中飛人滑翔之旅」(即zip-line)、繩網步道、樹迷宮、大型山坡滑梯、野戰／漆彈課程等。
石壁水塘為全港提供12%淡水，為大嶼山各區、香港島、坪洲、長洲及喜靈洲提供食水【註5】，如果係石壁水塘旁邊搞吸引大量遊客嘅歷奇活動，甚至玩漆彈，後果是如何？為何選擇吸引污染源（遊客）深入集水區？無論係規劃或保育角度來講都講不通。
▍五至十五年後：整個大嶼山郊野或面目全非
《發展策略》亦透露咗中長期或有更多更瘋狂嘅大嶼山改造計劃，有啲令人摸不着頭腦：
－有機水療度假村：政府曾在2004年進行《水療及消閑度假設施顧問研究》，曾經選定長沙下灘為發展水療及消閑度假設施的研究地點。
－大東山索道(funicular)：即類似山頂纜車，由大蠔灣接駁至通往大東山的現有山徑，破壞大東山的特殊科學價值地點(Site of Special Scientific Interest)，日後只要搭纜車就可以直達「打卡熱點」，十幾年之後大東山芒草極可能絕跡。
－其他不能盡錄嘅瘋狂計劃：潮流復古周末假期、觀星泡泡屋、浮動酒店豪華水上獨立屋、「第三個纜車系統」、能夠舉行音樂演唱會嘅「水上浮動舞台」、太極中心、婚禮中心及「山嶺婚禮」、動物農莊等等。
《發展策略》透露部分計劃現時在財務或環境上不可行，但「方案可行性...取決於其地理位置，若有關方案位於生態較不敏感的地點，其可行性有機會不一樣」，危機仍然存在。
▍顛覆近半世紀以來郊野公園康樂規劃
翻查港英政府解密文件，郊野公園自1970年代成立時，其中一個最大目標係設立康樂設施畀香港人及下一代永續享用(that the amenity and recreational value may be enjoyed by present and future generations of Hong Kong)，為達致呢個永續目標，必須以保育為手段【註6】。
為維持一個在康樂設施發展與保育之間「敏感平衡」(sensitive balance)，郊野公園在成立之初即有思維慎密嘅康樂規劃（Recreation Planing)。根據漁護署前助理處長王福義所撰寫嘅一篇學術論文【註7】，康樂規劃既原則為下：
(1) 喺適當嘅地點發展適當嘅康樂設施(right kind of recreational development takes place in the most suitable locations)
(2) 喺設計上減低發展康樂設施與保育之間嘅潛在衝突(minimise potential conflicts between the interests of recreation development and countryside conservation)
所以每個郊野公園均有公園規劃圖(park plans)，大致將園内分為6大區，並因應每區嘅地理或生態決定發展，抑或不發展康樂設施：
(1) Wilderness zone ：顧名思義，荒野缺乏現代人造物，屬真正嘅大自然，不應發展任何康樂設施。
(2) Extensive zone : 比Wilderness zone次一等，仍屬偏遠地方，保留未被發展的形態，適合提供行山徑以及路標等簡單嘅設施，大欖郊野公園植林區、芝麻灣半島、大東山為此類。
(3) Dispersed zone：位於交通方便之處，設立家樂徑等等一家大細親親大自然的設施－涼亭、燒烤爐等等，西貢黃石碼頭屬此類。
(4) Intensive zone：位於交通方便之處，或郊野公園入口位置，適合大型團體到訪，除咗燒烤爐等設施，還有遊客中心、廁所等等，北潭涌屬此類。
(5) Adventure zone：因特殊地貌如山谷、溪澗引伸出來嘅特殊康樂潛力，可興建戶外活動中心、青年營地等等，該處對於康樂的考慮能夠大於保育。
(6) Special Activity zone: 較為稀有，取決於特殊地貌引伸出來嘅特殊康樂潛力，例如越野單車、攀石牆等，《發展策略》建議的「快感與刺激」活動屬此類，這些活動通常很嘈吵，與其他郊野公園康樂用途不匹配，建議只在局限嘅位置，例如廢棄礦場(abandoned quarries)進行，而不是《發展策略》提倡嘅石璧水塘。
▍旅遊先於保育的殺雞取卵式發展
以上種種跡象令人擔心，以往郊野公園「管理保育為手段、永續康樂為目標」嘅方針是否已被殺雞取卵般、掠奪式嘅「大眾旅遊」(mass tourism)思維取代？為何選擇在明日大嶼及跨境基建落腳點旁落「第一刀」大搞旅遊發展？
大嶼山郊野公園嘅戰場，全香港市民應該好好守住，以免半世紀以來嘅保育基業同令香港引以為傲嘅郊野公園敗在短視嘅發展利益手上。
#郊野公園研究
#保衛郊野公園
#大東山
#搞乜郊野
#Wibit
#Zipline
延伸閱讀：
【 #搞乜郊野 】郊公主題樂園狂想曲：https://bit.ly/35EkdUx
【膠嘢巨mon：廢、無效、核突低俗、要經常維修】：https://bit.ly/3vvEiqe
【註1】
Hong Kong Free Press 14 June 2021 Investigation: HK$500 fine after Hong Kong landowner cleared trees in Lantau country park：https://bit.ly/3d3J1td
風火山林【芝麻灣事件】郊野公園斬樹「無皇管」 私人地成法規漏洞：https://bit.ly/3ieibBO
蘋果日報 2021年6月15日 大嶼山芝麻灣萬平方米樹林遭砍伐 漁護署放生僅罰$500：https://bit.ly/3zv06Wp
【註2】《 大嶼山保育及康樂總綱圖》及《大嶼山遠足徑及康樂設施計劃》：https://bit.ly/3pXVrI4
【註3】《 大嶼山康樂及旅遊發展策略》：https://bit.ly/3xqNYE8
【註4】Business Insider. 11 July 2012. This Awesome Inflatable Obstacle Course Holds 60 People：https://bit.ly/2S06KmF
【註5】發展局：石壁水塘不宜填平：https://bit.ly/3iGBXWV
【註6】Hong Kong Government Records Service. HKRS 903-2-2 DEVELOPMENT PLAN : SERVICE : LEISURE - PROGRAMME : H-1 COUNTRYSIDE CONSERVATION
【註7】Wong, F.Y. (1988). Recreation Planning in Country Parks. Planning & Deveopment Vol.4 (No.2), pp.62-68.
-
研究有價 月捐撐起土地研究工作：https://liber-research.com/support-us/
FPS ID：5390547
HSBC PayMe 捐款支持：https://bit.ly/32aoOMn
戶口號碼：匯豐銀行 640-198305-001 (LIBER RESEARCH COMMUNITY (HK) COMPANY LIMITED)
義工招募：https://bit.ly/2SbbyT3
石壁水塘 在 媽媽監督核電廠聯盟 Facebook 的最讚貼文
香港「日出社區」倡議釋放近400公頃閒置土地作太陽能發電，政府統籌發債派5%回報（05/28/2021 蘋果日報）
近年商界越趨重視環境、社會及管治（ESG），港交所（388）自2013年起更推出《環境、社會及管治報告指引》，要求上市公司每年匯報在ESG的工作。雖然ESG衍生不少商機，惟普羅大眾一直沒有機會參與其中，最近非牟利組織「低碳想創坊」旗下氣候變化社區倡議小組發起「日出社區」計劃，倡議政府開放閒置土地作安裝太陽能發電設施，又提出發行太陽能債券（sBond），讓全民參與投資太陽能發電。
香港政府在去年《施政報告》內提及，在2050年達至「碳中和」目標，而今年第3季會更新《香港氣候行動藍圖》。環境局局長黃錦星在接受傳媒訪問時表示，屆時或上調可再生能源目標，包括擴大於水塘安裝太陽能板計劃等。
立法會資料顯示，截至2019年，香港有1,606幅空置土地，面積佔共391公頃，相當於548個足球場。「日出社區」指若政府能夠騰出一半空置土地發展太陽能，將可以為香港產生3億5,490萬度電。以香港一個三人家庭一年用電量約3,300度電計算，可以滿足10.7萬個家庭用戶一年用電量，即滿足中西區家庭所需。
民研：近8成受訪者支持政府在公共空間安裝太陽能發電設施
團體委託香港民意研究所調查顯示，77%受訪者支持政府於公共空間安裝太陽能發電設施；45%受訪者有興趣參與投資太陽能發電設施以獲取4%至5%回報；90%受訪者認為現時香港太陽能發電佔比太低。
「日出社區」建議政府參考其他國家做法，統籌不同持份者推出sBond，並且降低參與投資太陽能的門檻，令更多市民可參與能源轉型。他們又促請政府需於2030年將太陽能發電比例提升至10%，及訂明《香港氣候行動藍圖》，訂下大幅削減碳排放的具體目標。
本土研究社陳劍青成員表示，政府在2012年公佈，全港約有近4,000公頃未經批租或撥用的官地，相當於4,000個標準足球場，「即係一個都幾具規模嘅一個土地資源」，至於可發展用地亦有391公頃。他續指，可能政府想賣地，因此現時只能用作有限用途，例如停車場等，其實政府可以善用土地資源作其他用途，例如發展太陽能發電。
根據立法會資料顯示，2017年至2019年透過公開招標批出的短期租約中，有45.31公頃用作停車場，佔73%，有14.04公頃用作船隻維修、貨櫃處理、康樂用途等，佔23%。
香港太陽能發電量只有新加坡的60分之一
「日出社區」成員、ESG分析員馮健鏗表示，香港現時太陽能發電僅佔總電力使用量約0.1%，與新加坡的1.3%相距甚遠，發電量只有新加坡的60分之一。相比香港，新加坡政府更積極推動可再生能源，他們已開始在公共設施安裝太陽能板。
馮健鏗續指，全港最大型太陽能發電系統反而在香港迪士尼樂園，有逾5,000塊太陽能板，而非由香港政府所推動，政府較大型的太陽能發電系統是石壁水塘和船灣淡水湖的浮動太陽能發電系統 ，各有352塊太陽能板，為試驗性質。
「日出社區」成員何偉歡指，過往學界做了很多與可再生能源相關的研究，例如理大曾發表研究顯示，全港30.9萬棟樓宇中的22.3萬棟適合安裝光伏太陽能系統，總面積合共39平方公里。每年可生產達46.74億度電，相等於香港全年總用電量的10.7%，每年可減少排放300萬公噸溫室氣體。她認為香港有「上網電價計劃」，其實只要政策配合，太陽能在香港有很大發展空間。
何偉歡續說，善用閒置土地發展太陽能與解決住屋問題沒有抵觸，新加坡新建的組屋（即類似香港的公屋）基本上都會安裝太陽能板，日本亦有零耗能住宅計劃，即期望未來住宅能源可給自足，太陽能板和原本的建築可以相輔相成。她認為政府可以提供誘因予私人發展商，主動在新建的房屋加入太陽能發電設備。
疫情加快全球石油需求封頂 應思考發展可再生能源
問及為何去年開始興起可再生能源、氣候變化、ESG，甚至「碳中和」的討論，「日出社區」成員林蘭熹指因疫情令到經濟停擺，全球石油需求已經封頂，各國正思考未來是否仍繼續依賴化石能源，考慮轉用可再生能源，如太陽能，而2030年將太陽能發電比例上升至10%是較保守預測，有一定可能升到21%，甚至更多。
迪士尼回覆查詢時表示，香港迪士尼樂園度假區一直積極推動環保，在2018年開始，進行大型太陽能發電系統安裝工程，首三階段會在今年中完成，度假區內20座建築物的天台，包括遊樂設施及後勤位置建築物，已裝設合共超過5,000塊太陽能板，是目前全港最大型的太陽能發電系統，預計總發電量高達約236萬度電，相當於715個三人家庭一年的用電量。
學者：預期回報視乎兩電取態
現時《利潤管制協議》根據兩電固定資產投資，准許回報率為8%，以保障回報。「日出社區」計劃政府牽頭興建設施後，由兩電購入太陽能。美國克林信大學經濟系副教授徐家健認為，建議回報率為4至5%，主要視乎兩電是否願意履行企業責任，鼓勵發展可再生電源，成本不會轉嫁予其他市民，因為和固定資產投資無關，涉及額外成本只是用可再生能源和傳統能源發電的差額。
中大商學院高級講師李兆波指，香港可發展太陽能的土地規模有限，而計劃由政府牽頭，有政府作擔保，債券評級相對較高，回報率難以高達4至5%。另外政府曾發售綠色債券亦只供專業投資者參與，因為他們相對散戶明白債務評級、回報和參與項目等細節。香港債券市場相對股票市場發展不成熟，另外大部份債券以美元結算，例如機管局的三跑債等，香港債券回報相對並不吸引。
完整內容請見：
https://hk.appledaily.com/finance/20210528/IHOBEANIHZFDDPFMIPEK5MAPPQ
♡
石壁水塘 在 Lee Winly Youtube 的最讚貼文
10-05-2021
三牙全走 考牌路線
又回到最初的起點，重回我的啟蒙之山
‼️石壁水塘→西狗牙(上山)→一線生機→東狗牙(下山)→中狗牙(上山)→一線生機→閻王壁→斬柴坳→昂坪‼️
?全程大概 14km
?東涌轉11號巴士石壁警崗落車
每個人都有一個山的故事，我的就是狗牙嶺
他是讓我重拾兒時背包客這個理念，將我小時候的興趣重新勾起，
山神山精靈原來真的存在在現實，不是我幻想的，
我第一座真真正正踏上，原來山是這樣的，也是我離開郊遊徑，真真正正認真爬山，真真正正學行山，
我最愛的山-狗牙嶺
狗牙嶺我分開行過，所以其實我係十分之熟，但係我未曾一次過行曬三隻牙 ，而且夏天嘅狗牙嶺係綠色，非常之靚㗎，所以我一直好想喺夏天去親眼睇
而我就係呢個黃山圈呃咗兩個人上我賊船???今次係我第一次carry人，佢兩個真係好慢呀????
畀我預計嘅時間慢咗2hr30min左右
但其實時間都唔緊要，因為有佢哋兩個 ，先將平凡的三牙全走，變得咁刺激瘋狂，
所以我從唔介意慢腳，因為我曾經都係依家都係慢腳??，你經歷嘅我曾經都經歷過，我好明白你哋嘅心情
因為你地，才會有模黑一線生機模黑閻王壁，黑夜裏見到老鼠蛇???
同埋我今次想試下背4L水嘅重量負重，果然唔簡單呀，爭d重死我，遲啲要試下背6L水真係會死人??
男仔喺水口村頂唔順所以撤退，其實女仔都可以撤退嘅(其實我係好想佢走???)
不過佢話佢會一路好擔心我，唔安樂
所以死都要跟埋我上山完成埋，雖然我好感激佢陪住我，但係我真係好想踢佢係水口村走????
佢體力開始唔得，所以行得慢，加上佢第一次行夜山，入黑後仲更加慢，基本上之後我係半摸黑睇前路行，佢雖然有頭燈但係我都要 電筒射返住佢 ，
一來我可以睇到佢跟唔跟到我上
二來幫佢再照大啲條路況
然後原來佢好怕老鼠，我仲喺度 調戲 啲老鼠，佢嚇到捉住我爭啲一齊碌落山???
我仲終於見到野生蛇，不過我手腳慢，喺條路中心影唔切，只影到佢入草叢
原本係想上鳳凰山伯公坳走，但係閻王壁嗰度開始進入雲層，起大風，上到 小鳥回頭更加係風勁加強， 橫風橫雨 ，女仔驚到再度腳軟，
最後去到昂坪嗰個路牌，其實我係想上鳳凰山，不過為咗個女仔，佢都話為咗佢走啦，唔好再行啦???
所以我就為咗佢嘅心理體力安全，我哋就離開喇，女仔話佢呢一生都會記住我E一個人??? 上了賊船
(其實水口村想踢佢走㗎自己跟埋黎???)
我哋就喺心經簡林嗰度call的士，睇下call唔call到， 先決定再行邊度走，於是我就喺度扮慘同司機講，我哋得兩個女仔唔識得離開???，成功叫到的士就喺昂坪離開啦
我仍然衷心感謝兩位水魚跟咗我一條不歸路??? 好開心，辛苦 兩位不開名
最後東狗牙中段我飲水抹下身除咗手套，之後就出事，跣親手掌被沙介開???當時卻不懂痛，一心要完成??搭巴士回家才痛到仆街??
更多的照片可遊覽 : 行山, 大自然 hiking, nature (2021)
https://www.facebook.com/media/set?se...
行山, 大自然 hiking, nature (2014~2021)
https://www.facebook.com/media/set/?s...
HONG KONG 香港遺跡 香港街拍 (2013~2021)
https://www.facebook.com/media/set/?s...
sunset(2008~2021)
https://www.facebook.com/media/set/?s...
#三牙全走 #考牌路線 #行山好去處
#kolhk #hkkol #sginfluencer
#垃圾自己帶走
#行山 #行山人士 #行山打卡 #香港行山
#travel #hiking
石壁水塘 在 Lee Winly Youtube 的最佳貼文
特別鳴謝航拍的John, thank you
27-12-2020
‼️石壁郊遊徑→中狗牙→狗牙嶺→ 東狗牙→水口村‼️
?全程大概 4.5k
⌚慢腳加m到 約5小時
?東涌地鐵站轉11號旅遊巴士石壁警崗落車
2⭐ 攀爬團
我最愛嘅牙牙山???，三牙全走一個月之後下集，哈哈
上個月玩咗西狗牙， 之後西狗牙就淪陷咗成為大東山二號排隊上山 ，我哋今個月就玩中東狗，諗住下一次就係石河東東牙
由於本人休山咗一個禮拜做廢青一點運動都冇加上m到第一日 ，所以中狗牙上去每行五步我就停咗喺度拖慢了，不過路段其實就真係好簡單嘅
中上東落就係咁簡單
但係冇諗過冬天都可以好似夏天咁曬，冇帶帽冇帶濕毛巾乾曬行完全程 ，所以之後頭頂曬親有點頭痛
但辛苦曬係值得嘅，天氣真係好好，所有照片太美，中午藍天 ，黃昏金光閃閃
經過虎吼石河打張卡，下次會真正爬上嚟，等我
1pm石壁水塘出發
2:30pm到達中狗牙
4pm東狗牙開始落山
6pm左右到達水口村等巴士
更多的照片可遊覽 : 行山, 大自然 hiking, nature (2014~2020) https://www.facebook.com/media/set/?s...
HONG KONG 香港遺跡 香港街拍 (2013~2020)
https://www.facebook.com/media/set/?s...
sunset(2008~2020)
https://www.facebook.com/media/set/?s...
#行山好去處 #中狗牙 #東狗牙
#kolhk #hkkol #sginfluencer
#行山 #行山人士 #行山打卡 #香港行山
#travel #hiking
石壁水塘 在 Wild Shoes Youtube 的最佳解答
⛰️三牙全走
? 難度[Difficulty] ?????
? 風景「View)」? ? ? ? ?
? 路線「Route」 石壁水塘 - 石壁郊遊徑 - 西狗牙 - 一線生機 - 東狗牙 - 鳳凰徑 - 石壁郊遊徑 - 中狗牙 - 一線生機 - 閻王壁 - 斬柴坳 - 昂平
Length ： 14km
Elevation(Total): 1300m
⏰ 時間(Duration)：8hours
四大考牌路線的第二條--三牙全走。
幾年前行過一次西狗，大約知道今次程度如何，所以事前同各位同伴做足brefing，大家整裝出發。
三牙為這西，中，東狗牙三個并排的山脊。全走即是一次過行晒三個山脊。因為三牙是并排的關係，所以簡單D講就係上到頂，落番黎，再上番去。＝_＝
講真，第二次攻頂時真係行到有D 懷疑人生。但在一線生機休息時巧遇的雲海倒影，真係即刻充番晒電，幾辛苦都值番晒！！！
留意番，無論西/中/東狗西都是高危路線，過左一線生機之後的閻皇壁更是接近垂直，要手腳并用爬上去。請衡量自身能力，裝備及狀態能勝任才可上山。
-------------------------------------------------------------------------
?Song: ONLAP - Everywhere I Go
石壁水塘 在 石壁水塘- Explore - Facebook 的推薦與評價
explore #石壁水塘at Facebook. ... 石壁水塘半綑~涌口~沙咀綑邊~大浪坑～ 1963時光隧道~無名澗~ 白狗海岸~白角山路. (跳過左最靚的白角). #狗嶺涌 ＃石壁水塘 ＃水塘 ... ... <看更多>