《乒乓情人夢》後感（無劇透）
－
一套令淚腺不停緊繃嘅電影。
－
曾經睇過梁文道先生嘅一個訪問，佢話香港小朋友學琴嘅終極目標，就係考到級數之後永遠唔洗再學琴。
－
可能好多時候我哋做某啲嘢係起因於某啲人同某啲事，但去到最後一定要記住，我哋無論做乜嘢都好，都要為咗自己。而「為自己」唔係講緊果種自私狹義嘅層次，而係先燃點自己，再照亮他人。
－
如果你一世人都係為咗滿足人哋嘅期許而活，咁你就注定失敗，因為你絕對可以活出自己嘅成功，再改變人哋對世界嘅睇法。人生唔應該係一次駁一次嘅跑數，真係要跑，最少你都要為自己嘅夢想而跑。
－
我永遠都抗拒唔到日本仔嘅果種熱血，你明知情節會由a開始到b，最後結局一定係c，但我睇睇吓套戲硬係會忍唔住熱淚盈眶。
－
可能好多時我哋覺得自己已經做得好好，但點解仲係失敗。但永遠要記住，衰咗你可以喊，可以傷心，但你絕對唔可以放棄自己，因為敗不可恥，你始終會搵到一個欣賞你嘅人，你可以為一段關係而沉淪，你亦可以因為一段關係而振作，一定要堅決去離開只係識利用你嘅人，你同佢講真心真係玩完，留住願意無條件幫助你嘅人，用雙倍熱誠去回饋番佢哋。
－
而真正可恥嘅係，為咗贏而無咗自己，而贏係為咗下次再贏嘅人。因為你就算可以贏咗世界，你都會輸咗自己，搵出你真正鍾意嘅人同事，然後奮力一戰！
－
p.s.1.日本國手水谷隼、伊藤美誠同石川佳純有客串，好驚喜！但點解無國寶福原愛！
p.s.2睇得出啲演員有喺球技上落咗一定苦功，尤其結衣啲動作算係規範！
－
人生是不會有奇蹟出現的，真正的奇蹟，係結衣BB竟然廿八歲都會無男朋友！
