［屁股指揮腦袋］Facebook同Twitter最初設計就不同，導致後來兩間公司命運亦好唔同，所以對政治嘅取向亦都唔同。
Economist 原文：Twitter and Facebook have differing business models—
And that makes for differing attitudes to politics（https://econ.st/31m8eKh）
TL：DR—Facebook比Twitter大好多，Network Effect亦勁好多，客戶咩人都有，一唔小心分分鐘畀政府告到甩褲話干預大選，所以只能夠企埋一邊，唔出嚟做「真理仲裁者」。但將來可能會變。因為，其實矽谷工程師，普遍都係偏左反侵的。
1. 上篇文講過，會講下Facebook同Twitter兩個唔同嘅社交平台，business model有乜唔同，導致佢地處理政治嘢（主要係近排侵侵，以及啲極右嘅反Black Lives Matter言論）方法都唔同。
2. 事實係，兩間公司，一開頭嘅設計就唔同（否則就會一間殺死另一間，或者食埋），小小嘅差別，就令到佢地之後嘅命運都唔同，搵錢嘅模式都唔同，結果亦因為咁，對政治嘢嘅處理手法都唔同—see？都係人在江湖，柏木由紀的。最初小小唔同，日後就爭千里了。
3. Facebook應該不用多講，你而家咪在Facebook睇緊呢篇文。但Twitter，唔少讀者可能比較陌生。但難得埃汾其實都算係資深兼一度活躍用家（而家冇咁活，所以唔使科）。其實香港，係少數Twitter 極不流行嘅市場。美國固然Twitter都好流行，但其實亞洲，日本都相當流行（同香港相比），甚至台灣都係。我記得舊公司有次食飯，我在Twitter出post ，個台灣同事留意到—但其他香港同事係唔知係乜東東。
4. 至於點解Twitter在香港唔流行，我問過多次，聽過好多人解，但暫時都係冇答案令我信服。早年有人答我啲友睇明星寧願睇微博，但而明顯唔係，變咗IG，但依然都係冇乜人會用Twitter。就多得侵侵先開始多人聽過Twitter，然後亦因為社運多咗一班新人用，「打國際線」云云。
5. Anyway，其實係我鼓勵大家開個Twitter戶口嘅，「但就真係唔使科勞香港人」。原因好簡單：Twitter有一個特性，係同Facebook唔同，而下面正題唔會講嘅：就係Twitter基本上順時序，唔玩演算法，你科勞ABCDE五條友，佢就畀晒ABCDE呢五條友出過嘅嘢畀你。但Facebook大家都唔知，你成日like某條友佢就塞多啲畀你，你成日鬧佢都會—久而久之，就會變成圍爐，迴音室，以為你個Facebook就係全世界。相對地，Twitter係冇咁嚴重—當然睇你最初科勞啲乜人（所以，我專科勞啲我唔妥嘅人）
6. 講返正題，唔了解Twitter點玩嘅，自己reg一個。咁你知道同Facebook有乜分別後，我地睇下數字先。其實唔睇都知，Facebook勁好多。計任何嘢都係。影響力，收廣告嘅錢，用戶人數，盈利，市值，乜都係。睇表見到。有趣嘅係，Facebook用戶「只係」Twitter 9倍左右，但收入係20倍，盈利係12倍（其實好多人以為Twitter係賺唔到錢的），市值係25倍
7. 都話，一開頭兩間公司設計上，少少唔同，出嚟就大大唔同了。咁正路地，你計$計影響力計名氣（邊位講得出Twitter CEO咩名？甚至任何一個員工？你識Miranda Kerr老公都未識佢啦），小朱絶對係成功嘅一代鬼才。當然，好可能最初佢都冇諗到呢壇嘢咁勁
8. Economist 呢篇文有講，侵侵其實擺明係Twitter代言人（真的），但佢寫嘅嘢，畀Twitter標示，話假內容，同埋美化暴力。激到侵侵扎扎跳，仲話要整頓社交網。而Facebook呢？冇喎，有得佢。話自己唔想做arbiter of truth。
9. 點解唔同取態？唔係因為創辦人紅絲定藍絲，而係公司本身就唔同。成套business model都唔同，由設計第一日已經唔同，其實想轉都轉唔到。
10. 表面上，兩檔嘢好似差不多。都係你開戶口，加入，然後入去睇人貼嘢食，無病呻吟，講政治，貼旅行相，派福利圖，睇片。其實真係好似一樣。兩間公司都係靠廣告搵錢，亦都係得益於Network Effect，越多人玩越有價值，所以兩間都唔收用戶錢，係收落廣告嘅客嘅錢。亦因為咁，佢地想用戶多互動，知道你地啲行為，廣告商就可以更清準咁落廣告。廣告界嘅cliché：個個客都知有一半廣告廢用係浪費的，但唔知係邊一半。有咩好得過，落廣告嘅，可以知道你幾大，鍾意食乜，大約幾錢人工，幾時會上網？
11. 但睇真的，就有小小嘅唔同。有本書講（＊），Twitter 似Speakers’ Corner，人人可以廣播，one to many，weak bond（呢個我加的） ．但 Facebook 係類似複製咗朋友，家人，同事嘅關係（你最初加嘅咪係呢啲人），係one to one, or one to few, strong bond（不過埃汾質疑：咁Facebook Page呢？但你可以話，Facebook Page其實搶走埋Twitter嘅功能）。事實亦係咁，Twitter我加嘅，好多係陌生人，好多根本連係男定女都未必知。但Facebook好多人你都會係識，就算純係網上「識」，個交流都唔同的。
12. 唔好睇少呢小小嘅分別。就係因為Facebook用戶嘅bond強啲，佢地互動亦都多啲（例如Twitter好多鬼我科咗係純睇的），就令到佢收集到更多data—呢個真係寶藏。同Twitter上面，個撚個公仔頭雞蛋頭，男女都未知，兩回事—Twitter同想保存私隱嘅用家（例如麻甩佬扮女嗰啲）可能好，但對廣告客戶就十分老母了。
13. 另外，亦因為咁，兩間公司都有Network Effect，但Facebook強好多。你諗下你最初上Facebook時，啲朋友增長得幾快？例如埃汾甚至係見證到Facebook初嚟香港，嗰時嘅增長真係不得了。相比之下，Twitter係兩回事。用返頭先嘅比喻，一般嚟講個個都要有朋友有親人，但唔係個個好撚多理論要日日發表。
14. 正係因為咁，你見到Facebook嘅用戶，收入等等，都拋離晒Twitter．亦都因為佢嘅Network Effect太寶貴，所以佢出盡力保護，唔畀任何人踩入呢條紅線—2012年佢就用10億美金買咗instagram—呢單堪稱商業史上N年最佳收購，舊文有講（https://bit.ly/3gcRjhv）。另外，2014年用200億美金買Whatsapp—咩仙甩治呀帶嚟幾多收入呀，撈撈撈，全部係其次—最重要係收編你，整死你先。我當用錢打發你走，自己繼續獨霸住世人嘅時間—呢刻世界上最值錢嘅嘢
15. 亦因為咁，你當Facebook好似間大公司咁（事實就係），咩客都有，唔想得失人。點表態都死，因為啲客咩立場都有。Twitter相對地，細班人圍爐取暖，影響力冇咁大。Facebook太大，太重要，你踩埋入政治？真係分分鐘畀人告。想像下，如果Facebook封殺晒侵侵啲post，一定會畀人覺得佢唔中立，打壓共和黨，收民主黨錢（而家已經大把人咁覺得）。所以佢唯一嘅做法，就係靠邊站，邊個都唔幫。十人十義，你話嗰啲嘢係hate speech，但大把人好buy．你話係假新聞，但大把人覺得真。做平台嘅，我點去介入？我點去證明寵物傳心係咪偽科學？我挑，周兆祥都博士啦，你小朱大學都未撚畢業。
16. 不過，改變可能會有嘅，但嚟自內在。小朱再勁，都係一個人啫。下面有一大班工程師幫佢。固然Facebook 高人工，但亦唔係得你一個出得起人工，員工唔滿意，咪走咯。之前都話罷工啦。
17. 而好重要嘅一點，好多人可能都唔知，矽谷工程師嘅文化，其實係左傾嘅（當然係以美國嘅定義，唔使講返香港或中國）。矽谷雖然多有錢撚，但係主要反侵。原因亦都簡單：矽谷納天下人才，一般嚟講只睇能力唔睇出身唔睇其他嘢，基佬又多，移民亦多—呢種價值正係侵侵對立嘅。你睇，小朱，光頭佬，添Apple，甚至標基，都係侵侵眼中釘—唯一扒冷嘅，就係埃汾耐唔耐講嘅神人，Peter Thiel—此人簡直係矽谷呂不韋，唔係侵侵選到先仆埋去，係一早已經睇好佢幫佢站台。最正係，Peter Thiel（＊＊）此人係基嘅，亦係移民（德國法蘭克福出世）。
（＊）Terms of Disservice: How Silicon Valley is Destructive by Design （https://amz.run/3Ld7），好似幾好睇。但未睇過。
（＊＊）有機會真係認真寫下Peter Thiel，此人先真係一代鬼才。留意佢有本書，The Diversity Myth，就係批評啲「左膠」政治正確，佢本人當然一路都係共和黨人。此人大把爭議言論，例如質疑啲女人告強姦只係因為後悔（ a multicultural rape charge may indicate nothing more than belated regret, a woman might 'realize' that she had been 'raped' the next day or even many days later）。又或者，佢認為，根本自由，同民主，係不能相容嘅（I no longer believe that freedom and democracy are compatible）
————————————
多謝你睇到呢度，而家到你救我全家了。新搞作。同Homeblogger新合作，以往得文字，而家玩短片。第一炮當然係你最關心嘅，下半年個市點睇。港股，美股，樓市。暫時斷次買。80蚊，講足半個鐘。你請我食一次飯一定唔止，我好大食的，食你七八舊水都得。
入面有埋圖，有埋恒指標普目標價，教埋資產配置，有埋6隻心水股。有港股有美股有大有細。
請去呢度睇：https://bit.ly/37S4iC5
課程編號：CC002
客服whatsapp: 63832145
