自家煲製"港式奶茶" ☕
☕太多朋友想知點煲，就寫得詳細一點 😆
在家煲茶已是10幾年的習慣，開頭是在茶莊買已調好的英式紅茶，直接加熱水煲滾便成！
後期講究點，總覺得茶味差一點點，開始研究加入不同牌子茶葉，調校茶味，茶色，濃度。。。至最滿意的比例🥇
首先要溝茶葉，買包靚嘅英式紅茶葉，加車仔茶葉，再加立頓茶葉，全部混合後入罐保存！
我溝茶的比例是1：1/2：1/2
跟著就煲茶喇，大約1湯匙煲一大杯，先用最細火烘一烘茶葉，茶葉有香味就冲入滾水，再滾起細火煮10分鐘，關蓋焗15分鐘就飲得喇！🎉
當然，淡奶嘅質量都好重要，直接影響口感！10幾年前，黑白淡奶是從批發商原箱24罐訂回來的，因當時沒有作零售散賣，祇批發給茶餐廳，近年先開始賣廣告作零售。。。🤣🤣
所有份量隨個人味，可加可減，請自行調校
上述係我覺得最接近港式茶餐廳的口味(好飲果隻) 😆😆
