我好鍾意睇佢寫嘅嘢，成日都好鬼中point 😆 其實真係好多人好怕 "like" 咗人哋個post，好似會蝕咗底咁😂
我呢啲家庭主婦，係屋企冇乜嘢玩嘅時候，都會買啲app來玩（啲執相Apps ,要俾錢買嗰啲，真係好鬼多功能😍）當我講俾人哋知我用錢買app時，真係勁多人會同我講，要俾錢就唔玩啦，但係其實對方用咗心機時間去製造一啲嘢出嚟，唔通下下都免費咩
🤷🏻♀️
好多朋友都話 Facebook 好單一，佢派畀大家睇嘅內容、題材越收越窄。我想講，我並冇呢個問題。
撇除廣告因素，大愛嘅豬西伯格係鼓勵世人多 like 多分享，所以 FB 雖然係睇你嘅興趣去塞嘢畀你睇 (其實又冇錯㗎喎，你冇興趣睇嘅又留嚟做乜？)，但同時會根據返你嘅習慣去處理，亦即係話，平時我好鍾意鳩 like 鳩 share，所以 FB 待我不薄，我個 wall 仍然有好多好嘢睇。咁當然，呢啲鳩 like 鳩 share 最後都會變成一堆廣告數據，但本身你已經唔使錢用 FB，然後又要厭惡 FB 收廣告錢營運，再然後就鬧 FB 唔畀嘢你睇...... 連畀個 like 都驚蝕畀人，我真係唔知點樣去理解。
離題少少，我識一啲外國人、竹升仔或者喺海外生活過嘅朋友，佢哋係唔係都去畀錢買 app、玩 game，好樂意去 like 去 share 一啲有趣嘅嘢，因為佢哋覺得值得，即使係一啲好雞毛蒜皮好無聊嘅創作，佢哋都認為應該受到尊重。咁又當然，我只係以偏概全，我唔知道係咪每個「外國人」都係咁。就好似街頭藝術一樣，香港人對於表演者嘅讚賞 (真金白銀嗰隻)，似乎係比外國人孤寒。
我成日俾人話我唔識欣賞人，但我有冇吝嗇過任何讚美？我自己知。
*如果覺得悶悶地，手機版粒火箭其實好多嘢睇。
竹升仔 在 竹升- 維基百科，自由的百科全書 的相關結果
竹升一詞也用來貶稱西方國家出世的華人，因為竹竿裡面空心，比喻海外華人內心沒有中華文化的思維，男性貶稱為「竹升仔」，女性貶稱為「竹升妹」，類似於普通話所謂的 ... ... <看更多>