低醣減肥 Day4🐷
.
💁🏻♂️好多人以為低醣減肥代表我係完全戒晒所有澱粉質，其實唔係呀，喺純粹戒咗啲精製澱粉質，即係戒粥粉面飯麵包嗰啲咋，優質澱粉質我係可以食㗎😝例如番薯，薯仔，南瓜嗰啲，除此之外我其他都係照食㗎，咁當然啦緊減肥梗係節制啲少糖少油少脂肪，食雞都會去雞皮咁囉，食返常人一人份量，同埋食多啲菜飲多啲水塞飽自己咁樣, 講真今日係我第四日進行了，我真係覺得餐餐都好飽，可能飲咗好多水，飲水嘅份量係你體重×40所以我要飲至少3L, 其實我每日都飲成4L😙
.
講返今日嘅早餐先🥣我聽咗好多觀眾嘅意見食少個番薯加多隻蛋再加木瓜，係呀我買咗$10/4個木瓜再唔食就爛啦😝
.
午餐方面🍲我琴日去買咗啲藜麥，加埋塊三文魚扒兩個小薯仔同埋少少紅腰豆，因為冇菜所以食咗個番石榴，又係超飽足🥰我真係超鍾意食三文魚扒，自己帶飯真係又平又飽又好食。
.
晚餐🥙因為放工同同事去做gym，我呢個減肥計劃一個禮拜會做兩至三日運動無論係跳繩又好做gym都好，因為本身人哋係要做兩個月先至會比較有效，但我調整左一個月，我急功近利嘅性格呀嘛一個月算好耐啦，所以要做運動去彌補番。
.
我哋去深水埗做gym順便朝聖西九出面「不雅」嘅外牆廣告，嘩真係好「不雅」喎，睇完甘小文嗰幅漫畫生眼挑針添啊🤣其實就算本身林焜嗰幾幅都正常到冇朋友，都唔知點解香港會變到咁封閉同倒退🤷🏻♂️🤦🏼♂️不解。
.
做完占之後我哋去深水埗好近狗屋嘅良心店💛響。車仔麵，我唔食得麵唯有轉生菜底加底，叫咗蘿蔔腐竹豆卜加番茄湯底，其實碗野都好大碗好正了，不過我見到隔離位嘅同事佢點嘅牛腩好正好瘦咁樣，我又忍唔住叫咗兩份淨牛腩加菜底，我有刻意撩走啲肥膏㗎，佢啲牛腩真係超好食, 炆到又林又香入口即溶咁滯，間野好食又抵食四餸麵都係$46，第日減完肥我真係搵日要過嚟食佢全餐大大力懲罰佢啊💛😍😍
.
店名：💛饗 車仔麵
地址：深水埗基隆街391號地下
@ 饗車仔麵
