101手工涮涮鍋
尖沙咀厚福街7 至9 號地鋪
好有驚喜既特式火鍋店
半自助形式既火鍋
平時268 一位 9點半後 248 一位
特別食物每樣可以食一次
一般打邊爐料 可以無限添加
最開心係好多特式無酒精飲品全部可以任點
特別食物有前菜 兩樣可任點
麻醬手撕雞 同 麻辣木耳
好香麻醬味 雞肉好有咬口， 木耳爽口 麻辣剛好 做前菜唔錯
主菜 打邊爐 5 選一 點左
香辣三杯雞涮涮鍋 點左正常辣度
三杯係一種醬料 平時少炒成日食 做成打邊爐第一次試 , 醬汁香濃帶甜味 成個鍋落足料 有雞尾菇 魚蛋 洋葱 香料 等 雞肉 好香滑 好有咬口 正 由於醬汁好香濃 所以打邊爐好啱味
海鮮要再加30 蚊 加一次
桶蠔 海蝦 花甲
花甲鮮甜 海蝦好彈牙 桶蠔大大隻 海鮮基本上新鮮就唔洗點任何醬料 十分抵食 加30蚊值得
肉類 三選一 點左
手切安格斯 prime grade牛頸隻肥牛片
最高級prime grade既安格斯牛頸脊 睇紋都知靚野 脂肪同肉比例平均 食落好軟滑既口感 十分juicy既牛肉香味帶點牛脂油 好正
再黎有個 特選手工火鍋併盤 有好多自製特色野食
墨魚汁鳥結糖
個樣好似澳洲鳥結糖 其實係墨魚膠整成條狀 食落好彈牙 好濃墨汁味 外表得意食落唔錯
黑松露蟹子海鮮軍艦
用腐皮上面放左蝦滑 腐皮好多層好脆口 上面放左彈牙既蝦滑 而最後食落去會有少少黑松露既鮮味 配塔得唔錯
黑松露蟹肉餃
餃皮厚度適中 一咬開就有好香黑松露香味 , 蟹肉就係食到後面先會有 佢既鮮味 而且食落密度高好有咬口。落足料
黑松露芝士豚肉餃
餃皮同蟹肉餃一樣 都係厚度適中，一咬開有熱辣辣既手打豬肉 十分煙韌juicy咬到中間仲有邪惡既芝士容流出 水準之作
太極冬菇
用墨魚滑同蝦滑一黑一白釀喺好大既冬菇上面 好有特色 , 大菇多汁juicy上面有煙韌彈牙既蝦 同黑魚滑 食落好有口感好滿足
安格斯霜降牛丸
因為用安格斯牛肉整成 所以牛丸既牛肉味好香濃 食落仲好juicy建議唔好煮太耐食口味更佳
三重芝士蝦丸
三重芝士墨魚丸
呢兩味都係用新鮮料整成 中間有香濃既芝士， 出面十分鮮甜彈牙 咬落有芝士流心 都係推介之選！
手工炸響玲 超大片既炸醬料 仲要新鮮炸起 放入爐兩三秒就食得 響玲盡吸三杯雞醬汁 一咬必哂d汁出黎 好正
手工炸魚皮
又係大大片既魚皮 炸得超香脆 比平時食嗰d 更脆 炸得更香口惹味吸哂雞煲汁又係邪惡食物之一
而且仲有無限追加火鍋配料
好似日本竹輪 台灣拉麵 各種丸 金菇 鮮牛 魚片 等等 各種菜等等 我食左大部分 其實全部水準以上 菜同肉新鮮
特別推介有竹輪 d芝士好正 平時少機會食
黃帝菜特別新鮮 鮮牛好爽滑 粟米好清甜
而最正係有蟹棒食 蟹棒唔係細嗰d係又長又大 好似筷子甘長嗰d , 食落蟹肉味濃好多 成條放入去打邊爐真係好開心
仲有台灣拉麵 十分爽口彈牙 都係推介之選
而最驚喜(酒類要另加錢)
無限追加無酒精飲品 唔止可樂 好多特式飲品 好似果茶，沙冰 , 盆栽飲品都有得點 好滿足， 例如
愛文芒果荔枝沙冰
好似韓式飲品成枝可樂倒轉放喺裝住芒果沙冰既大杯上面 可樂同芒果好match芒果沙冰好香芒果味 唔係求其落d糖嗰d沙冰
盆栽炭燒咖啡
上面放左好多oreo碎 加薄荷葉 做到好似盆栽既咖啡 除左咖啡有好香濃既炭香味外 , 仲有咖啡啫喱增加口感 yummy
而果茶都好正 好似
柑桔檸檬水果茶 落足柑桔料 而且飲得出落左好少糖 清新怡仁
水蜜桃果茶
用左菠蘿 蘋果 檸檬整成 既果茶 而且仲有好香水蜜桃味 消滯佳品
最後每人仲有一杯甜品 估唔到都係制作用心
木糠珍珠奶茶布丁
同盆栽飲品有d似 上面有薄荷葉 而d碎碎係木糠黎 布丁 係同珍珠奶茶一樣味 質感似奶凍 連埋木糠碎一齊整 十分出色！
以2xx呢個價錢黎計 食到甘多特別野 仲有甘多特色野飲飲 既半自助餐 絕對抵食 都係我近期幾鍾意既打邊爐店之一！
#101手工 #foodblogger
#food #foodie #foodporn #hkfoodie #hkfood #foodstagram #iger #hkig #相機食先 #手機食先 #全力食 #全日食食食
#全日食 #食極唔肥 #為食花太郎 #打邊爐 #任食 #放題
#fafafoodblog #為食花太郎 #fafafoodblog尖沙咀
=====================
竹輪台灣 在 這是個「竹輪什麼的，哼～基隆人才不吃呢」的時代！ - YouTube 的推薦與評價
這是個「 竹輪 什麼的，哼～基隆人才不吃呢」的時代！ ... 【考古研究】和平島的西班牙記憶｜四百年前 台灣 面對世界的第一站(我們的島第1042集2020-02-17). ... <看更多>