【開學日，又誕生一大堆核心記憶球】
「Take her to the moon for me, okay?」 --- Bing Bong
PIXAR高質作《玩轉腦朋友》講女主角韋莉腦內情緒專員阿樂同阿愁嘅冒險記，並以整理記憶球、穿越人生小島等，將無形無相嘅思想世界，變成有喜有樂嘅繽紛天地。
阿樂、阿愁、阿燥、阿憎、阿驚，位位代表唔同情緒嘅專員都好得意，不過最關鍵都係象徵童年同想象力嘅乒乓(Bing Bong)，佢係韋莉細個嘅幻想玩伴，由大象、貓、海豚合成嘅，喊果陣眼淚係糖果，仲話焦糖味最好食，怪怪地得嚟都幾好笑。
但一睇到佢係記憶堆填區搵番架噴彩虹嘅掃帚手推車，大聲唱歌送阿樂離開，之後自已係廢虛慢慢消失，講番細個既約定「代我送韋莉去月球」，戲院度真係有好多雪雪聲，絕對係好耐無見嘅感動作。
今日係開學日，好多同學仔都好似戲入面韋莉咁將新學校嘅回憶變成核心記憶球。暉哥睇番自己個記憶球，當年由小學雞升中學，由返12點放5點零嘅下午班，變成返8放4嘅長作戰，真係眼瞓到爆，果日阿驚同阿憎應該好忙。
仲有食陽光午餐、讀水的希望、被F.3友係籃球場恰、紮馬尾女神同學、啱啱教院出嚟果個騰雞又大波嘅女Miss、Yes雜誌咸濕問答等等。啲記憶球好似彈珠台咁係咁碌番出嚟，真係學旭仔話齋「要記得既始終會記得。」
不過慢慢人大個咗，除咗呢5位朋友，仲有阿奸、阿貪、阿甜、阿毒、阿頹等入侵。同學仔巴仔，趁仲活於清純校園好好享受，將開學日呢粒核心記憶球擦得光亮啲，因為佢將會永遠保鮮地藏於記憶一角。
btw , 嗚嗚…Bing Bong犧牲自己果下，真係連暉哥都眼濕濕…
https://www.youtube.com/watch?v=CJ0g1wnHRPA
純 陽 小學 升中 在 家長交流-香港道教聯合會純陽小學(沙田區)by WePeter 的推薦與評價
www.wepeter. com，即可自由地加入WePETER數千個社交網絡共享群組。 1. 此群組只可用作小學、升中交流及親子討論。谷主有權冊除任何與本群組主旨無關的POST而無需另行通知 ... ... <看更多>