《用錢買童年嘅時代》
最近有隻兒時玩到傻嘅Online game重出，
一班舊友即刻招兵買馬，話要喪玩。
當然大家心底明白，
間game廠只係用「昔日情懷」包裝，志在「掠水」，
想你課金。
朋友間甚至論壇上都流傳一句笑話：
「課下去，大俠就是你！」
果然隻Game一出，你只要肯課金，
從前喺你眼中「冇可能學到」嘅絕世神功，
通通都有變成nothing is impossible。
雖然有少少擺明搵笨，但你又覺得都係「願者上釣」，唔介意課少少，去搵返一啲回憶。
原來，我哋已經開始進入「用錢買童年嘅時代」。
有時見到龍珠出啲公仔扭蛋，你又會想買一套返屋企；
聖鬥士星失，你又想儲返班黃金聖鬥士。
你已經有經濟能力，唔再係買100蚊數碼暴龍機都要扭兩日計嘅細路。
童年錯過嘅，呢家都可以一一買返嚟。
感覺好似細個打機，開咗「無限金錢」咁。
買嗰下已經興奮，望下都覺得開心，
有時候，我哋總喺用彌補過去，作為推動未來嘅力量。
不過望多幾望，開心就消散，熱情就冷卻。
我哋的確容易擁有咗，但熱度亦容易散失咗。
最後，屋企留低一盒盒未有時間砌完，得個頭嘅高達、
一隻隻冇再拎上手嘅手辦公仔；
一款款冇再啟動嘅Online遊戲，一堆推冇上戰場嘅虛擬裝備。
因為你明白，喺呢隻Game入面，
從前嘅一階武功40LV，
遠比今日嘅三階武功70LV開心得多。
原來好多童年遺憾，過咗去就係過咗去。
追唔返，追得返個殼，都追唔到個靈魂。
比起細細個，得到新玩具，你可以開心一個月；
同樣嘅玩具，呢家只能填補一兩日。
但再諗深一層，就發現
始終童年時快樂太易，呢家快樂太難。
所以呢堆玩物，
令到你開心一兩日，
其實已經好難得。
所謂遺憾，就由佢保持遺憾，或者都係浪漫嘅一種。
***係「童年」，張圖打錯字，萬分抱歉！
PS. 呢排寫咗叫《不存在的職業》嘅小系列故事，冇嘢做時可以望下：https://goo.gl/xh4bbt
ig: cheungson88
絕世武神黃金屋 在 絕世武神 - 黃金屋 的相關結果
絕世武神,凈無痕,九霄大陸，宗門林立，武道為尊，弱者庸碌，受人欺辱，強者一怒，血流成河。武道皇者，更能俯瞰天地，傲… ... <看更多>