今次呢張插畫堅有 Feel，如果之前《走廊》都有得咁配圖就爽 😂 感謝 WaiMan Tsang 嘅插畫。睇完記住 share 篇故呀！！！
／／【小丑魔潮】（四）小丑，殺人，謝師宴
打開平板電腦段片，最先見到嘅係一間經過特別設計嘅偵訊室，中間係一張大木台，兩邊分別坐咗一個男人。對住鏡頭係一位年輕人，睇落年紀應該唔過二十歲。呢刻佢一臉茫然，全身不停係咁震，睇真啲原來雙手係被鎖住。
「你唔係話謝師宴咩？」我問中年男人。
「我頂，咁濕碎嘅嘢班手下都可以搞錯。」中年男人嘆氣一聲，再繼續解釋落去，「呢段係幾日之後錄口供嘅情況，我諗謝師宴嗰部份應該擺咗喺後面……總之，呢個男仔叫做梁文傑，幾個月前啱啱喺中學畢業。」
「到底發生咗……」
中年男人舉起手阻止我講落去，再示意我繼續聽。／／
（點入張圖繼續）
－－－－－－－－－－
小丑魔潮（三）：http://bit.ly/2hvfn0s
小丑魔潮（二）：http://bit.ly/2fP5MUY
小丑魔潮（一）：http://bit.ly/2dTvDLw
－－－－－－－－－－
有心無默 精圖文 Gentle Me
【#專欄大合奏】小丑魔潮（四）小丑，殺人，謝師宴
#絕默心跡
精文: 有心無默
精圖: WaiMan Tsang
打開平板電腦段片，最先見到嘅係一間經過特別設計嘅偵訊室，中間係一張大木台，兩邊分別坐咗一個男人。對住鏡頭係一位年輕人，睇落年紀應該唔過二十歲。呢刻佢一臉茫然，全身不停係咁震，睇真啲原來雙手係被鎖住。
「你唔係話謝師宴咩？」我問中年男人。
「我頂，咁濕碎嘅嘢班手下都可以搞錯。」中年男人嘆氣一聲，再繼續解釋落去，「呢段係幾日之後錄口供嘅情況，我諗謝師宴嗰部份應該擺咗喺後面……總之，呢個男仔叫做梁文傑，幾個月前啱啱喺中學畢業。」
「到底發生咗……」
中年男人舉起手阻止我講落去，再示意我繼續聽。
－－－－－－－－－－
小丑魔潮（三）：http://bit.ly/2hvfn0s
小丑魔潮（二）：http://bit.ly/2fP5MUY
小丑魔潮（一）：http://bit.ly/2dTvDLw
－－－－－－－－－－
「阿傑，你係咪已經準備好答我問題？」背對住鏡頭嘅男人問。
「嗯……」阿傑點咗下頭。
「好，你可唔可以講下，你嘅同班同學楊保全到底係點樣嘅一個人？」
「阿保係我嘅好朋友，」阿傑回答，「佢人好好，做嘢永遠唔怕蝕底……」
「但根據我哋嘅調查，佢好似同其他同學嘅關係並算係太好。」
「係佢哋對阿保唔好在先！」阿傑激動起嚟，「嗰班人……只係識喺老師面前扮乖學生，恃住讀書叻打好關係，再將所有麻煩嘢推哂喺阿保身上……」
「咁謝師宴當晚……」
「但班老師都唔係好人……」阿傑無視佢繼續講落去，「我肯定佢哋係知道阿保有俾其他同學欺凌……只係扮見唔到……根本係教畜！」
「我明白喇。」男人點咗下頭，「咁謝師宴當晚究竟發生咗咩事？」
「當晚？當晚每班都預備咗表演環節，我哋6C班就推咗阿保一個出去做天才表演，其實佢根本就唔在行，揀佢只係為咗等其他人可以盡情恥笑……點解……點解我嗰陣唔企硬去阻止，又或者選擇同佢一齊面對……」阿傑開始自責起上嚟。
「照你所講嘅說話，即係當晚楊保全殺人係有哂……」
「佢冇殺人呀！」阿傑激動到企起身，下一刻我先注意到原來鏡頭外仲有兩位保安，「阿Sir你信我呀！阿保佢係唔會殺人……嗰個人唔係佢嚟……」
「阿傑，你冷靜少少先……」
「唔係佢嚟……」阿傑慢慢坐返低，用雙手托住頭，「嗰個小丑……絕對唔會係阿保……唔會係……」
*
【梁文傑視角】
「阿傑，一陣我表演之前，我希望你可以離開會場，有咁遠走咁遠。」
記得，喺行入謝師宴會場之前，阿保突然咁同我講。
「吓？你係咪驚表演得唔好？唔怕喎，你已經練習咗……」
「唔係，唔係呢個原因。」阿保搖搖頭，「總之……」
「嘩，肥保！」身後突然傳嚟吹口哨音，原來係David，佢係班入面欺凌得阿保最勁嘅人之一，「今晚打扮得咁好，怕唔怕一陣表演換衫唔方便呀？」
「哈哈哈……」佢側邊嘅朋黨們大笑起嚟。
「放心喇，我今日專登帶咗部4K攝錄機，準備將你嘅英姿錄低。咦，張SIR到咗，過去打聲招呼先，一陣見！」
「可惡，」見佢哋同張SIR有講有笑，我就感到非常憤怒，「點解永遠都係呢班人最得到老師歡心？」
「現實就係咁，就算將來佢哋上到大學，出到嚟社會……只要繼續戴住呢張虛偽面具，就會繼續順利落去……」阿保望住佢哋講。
「阿保……」我注意到阿保雙眼凍得好似冰一樣，完全冇哂光茫。
當刻嘅我，又點會知道佢真正嘅諗法？但就算我知道，都阻止唔到接住落嚟發生嘅事。
「好，6A班表演完喇，接住落嚟輪到6B班，請各位俾啲掌聲鼓勵……」
整個謝師宴嘅統籌兼司儀阿清講完嘢之後，就馬上落台行過嚟我哋呢邊，問：
「喂，你哋有冇人見到楊保全？」
「肥保？」最先回應係David，佢同我都係同一張台，「佢唔係去咗後台換衫咩？」
「會唔會肥過頭件衫唔啱著呀？」坐佢旁邊嘅女同學Sandy笑住講。
「唔係講笑架，」阿清嚴肅起嚟，「頭先入過後台見唔到佢，但佢嘅衫呀袋呀手機都留咗喺度。」
「洗手間呢？」
「搵過都係唔見。」
「佢唔係淆底走咗去嘛？」David望過嚟我呢邊，「喂阿傑，你知唔知條友去咗邊？」
「唔知。」呢個係事實，雖然肥保今日嘅狀態好怪，但我係真心認為佢會如常表演。
「嗱，老老實實，我一陣最多話技術問題將你哋班嘅表演調到最後，你哋趁呢段時間搵返楊保全……」
「唔洗喇，」Sandy突然插嘴，愕然咁指去大台旁邊，「嗰個人……應該就係肥保？」
呢刻，有個著住一身鮮艷服飾嘅小丑企咗喺舞台旁邊。雖然係戴住面具，但憑身型我認得出佢就係阿保。
「肯定係佢！」David企起身嘗試睇清楚，「我哋唔係搵咗套緊身衫畀佢咩？點解會變咗小丑？」
「你問我問邊個？」
說時遲那時快，6B班嘅表演完了。阿清即刻趕返去舞台上面，既然阿保已經出現返，即係表演會如常輪到我哋6C班。
唔知點解，我突然諗返起阿保同我講過，叫我喺佢表演之前有咁遠走咁遠──諗到呢度，我下意識望返去會場大門嗰邊，呢刻大門已經閂埋咗，有兩個西裝男人企咗喺門口左右兩邊，兩個人都係戴住小丑面具……
啪啪啪啪啪……
拍掌聲重新吸引我望返去舞台嗰邊，原來阿保佢已經行咗上台，身邊仲有個巨型嘅正方形盒（足夠入到兩個人），之前練習嗰陣係冇呢樣嘢嘅……
「喂，佢咁樣掂唔掂架？」呢刻連David都覺得好奇怪，已經完全唔記得自己話過要錄影。
而結果係，雖然成個表演方式同練習嗰陣截然不同，但阿保佢表演得好好……佢利用盒裡面嘅各式各樣嘅道具，成功吸引到唔少笑聲同鼓掌聲。差唔多去到表演最後階段，佢突然邀請張Sir上去做助手。見現場氣氛咁熱烈，張Sir都唔好意思拒絕……
「請你戴咗呢個面具先。」阿保首先拎出一塊面具要張Sir戴。睇落並唔似係小丑面具（因為單純係白色），反而似係虛假嘅笑容。
張Sir照佢嘅說話做，戴完先知道雙眼嘅位置係有嘢遮住，所以睇唔到任何嘢。
「楊同學，你到底……」
就喺下一瞬間，阿保喺個大盒裡面抽出……一把長長嘅利刀。
然後，喺任何人都未作出反應之前，高舉起把刀喺張Sir頭頂一刀切落去。
上一秒鐘，現場都仲係非常吵鬧，下一秒鐘就突然變得一遍死寂。等到終於有人意識到發生咩事，隨之而來就係連番嘅慘叫聲……
然而，慘叫聲唔單止係因為阿保將張Sir一分為二，而係四周都有小丑用手頭上嘅武器攻擊學生同老師，就好似早就計算過咁……
「到底發生咩事！？」David邊望邊大喊，「點解會咁架！？」
我見到阿保轉身毫不留情咁攻擊阿清，好清楚自己呢刻最應該做嘅事就係「逃走」。但雙腳實在震得好厲害，連企起身咁簡單嘅動作都做唔到。只能夠眼白白睇住周圍變得越嚟越混亂，除咗大叫同奔跑、就係殺人同血濺……
「David……去門口！我哋要去門口嗰邊！」Sandy大嗌。
「妳唔好拉住我呀！」David用力想整甩Sandy隻手。
「唔得呀！兩邊門都好似鎖咗！」隔離6B班嘅Jason狼狽咁跑到過嚟，正想講落去嘅一刻，有把刀突然由胸前刺出嚟……
係阿保，係佢從後刺穿Jason……
「肥……阿保！」見到呢一幕，David同Sandy都嚇到向後跌低咗，「你冷靜少少……」
「唔好殺我……唔好……」Sandy喊到連妝都化哂。
「虛偽嘅人，」阿保拎住把長刀慢慢行埋去佢哋兩個面前，「應該全部消失。」
明明危機已經相當接近自己，但我竟然仲有「閒情」去注意周圍。呢刻，全場已經再冇人大喊大叫，幾乎所有學生同老師都倒地不起，唔少仲身首異處……只有六位小丑安然無恙咁企喺會場四周，望住我同阿保呢邊。
碰。
就喺下一瞬間，我感覺到有嘢撞落椅腳到，低頭望落去……係David嘅人頭。
……佢雙眼睜得好大，最後一刻流露嘅情感係絕望。
「阿傑，」阿保拎住Sandy隻斷手行到嚟我面前，「我叫你走點解你唔走？」
我想開聲，但已經嚇到發唔出任何聲音。
可怕嘅小丑臉越靠越近，透過阿保嘅雙眼，我可以肯定一樣嘢……佢絕對唔係我認識嘅阿保，佢係第二個人，甚至……可能再唔係「人類」。
「……定你想加入我哋？」
*
【阿Ray視角】
睇完「謝師宴大屠殺」片段之後，我確實係感到非常震驚。唔單止因為成件事嘅血腥同殘忍程度，仲因為……點解發生咁大件事都冇任何媒體報道過？
但最震驚嘅地方原來喺後面──片段又再一次跳返去偵訊室，呢刻梁文傑不停用雙手抓頭，彷彿已經去到瘋狂嘅程度……
「阿保佢唔會殺人架……佢唔會，佢一定唔會！」
幾秒之後佢甚至開始撞頭，旁邊嘅保安即刻衝過嚟阻止佢。再一次見返佢張臉，我突然打從心底發寒……
幾乎失去血色嘅臉、配上嘴唇周圍嘅鮮血、詭異嘅笑容……睇落就好似小丑一樣。
「冇錯……佢殺死嘅根本唔係人……而係虛偽……」
「阿Ray，我哋係喺謝師宴三日後錄呢段口供。」中年男人再次開聲解釋，「因為呢件事我哋得出咗一個結論──目擊過恐怖小丑之後，如果當事人冇失去任何記憶，三日後就『有機會』變成另一隻小丑。」
「你嘅意思……」
「我叫你幫手，其實都係想你幫自己。除非你係幸運兒…唔係你已經時間無多。」
（待續）
好睇想繼續睇落去，請支持作家插畫家：按 like + Share，就係咁簡單。
【精圖文睇後感：今集張圖真係畫得好靚好細緻，高質故遇上高質圖＝高質Post！唔好咩都講日本，台灣，韓國啦～其實「香港創作」都好好架！請支持！記住like埋我地個Page，繼續出好嘢比大家睇！】
#精圖文 #有心無默 #Man僧 #香港人要撐自已嘢
絕默心跡 在 絕默心跡預告 Videos - Facebook 的推薦與評價
絕默心跡 預告 | 0 लोग इस बारे में पोस्ट कर रहे हैं. ... <看更多>