他被困在同一天（下）
上集：http://bit.do/e9aZz
「你袋住先啦，搵唔到我嘅話，就......算啦。」阿強咁樣講。
阿強離開咖啡室，望住佢落寞嘅背影，我都好同情佢。
我擺低手上嘅「吸血狗」故仔，用最快速度，將阿強嘅故仔寫出嚟，擺到上網嗰陣，已經係夜晚十點。
我好清楚，兩個鐘內，無可能有個超級科學家咁啱睇到，仲諗埋方法幫阿強。
但我始終有一絲幻想，不斷碌手機，希望見到新嘅留言或者訊息。
時間一分一秒咁過去，踏入十二點。
呢個時候，我發現，阿強嘅故仔唔見咗！
唔止咁，連我尋日睇開嘅post，都一次過消失晒。
我即刻上網睇時間，網上時鐘寫住「2016年12月21日，0:00分」。
我好驚，我用最快速度打畀朋友。
「今日咪係20號囉，哦，過咗12點......咁咪21號囉。」朋友答得理所當然。
尋日中午，我仲同個舊同學一齊食飯。
我打電話畀佢，佢答：「我哋約咗中午食飯嘛，你特登打嚟提我？我當然記得，我哋咁耐無見......」
最後，我打畀阿強，阿強把聲好開心：「歡迎加入『2016年12月21日』！」
我質問：「你對我做咗啲咩？」
「我講嘅都係真㗎，我被困喺12月21日，不斷重覆，搵唔到破解嘅方法。」阿強答。
我就講：「但係我依加......」
阿強打斷我嘅說話：「你都被困丫嘛。我雖然搵唔到解決方法，
但我發現咗一件事，只要我將『被困12月21日』呢件事話畀人知，對方又真心相信，佢就會同樣被困。」
我難以置信：「你點解要害我？我根本唔識你！」
「我都唔想㗎，鬼叫我被困，我只好將呢件事傳開去，一傳十，十傳百，等全世界大部份人都被困，自然有人搵到方法解決。」
阿強諗一諗：「或者，到時個世界會有新嘅規律，令大家雖然留喺12月21日，但每日都會有變化。」
「我唔會做你嘅傀儡。」我咬牙切齒。
「我無逼你。」阿強冷笑：「你過番三五個月嘅12月21日，無人記得你今日做過咩嘢，所有成就都停留喺原點，試過呢種滋味，你自然會為自己而奮鬥。」
阿強收咗線，我嚎啕大哭。
五個月後，我忍唔住打畀阿強，我既唔想害人，又想求佢放過我。
但聽電話嘅唔係阿強，而係一把女聲：「歡迎致電『12月21日協會』，根據你嘅來電顯示，你係協會嘅預備會員，請問係咪想申請做正式會員？」
我似乎明白，「預備會員」係已經被困，但仲未屈服嘅人，我就問：「正式會員要做咩㗎？」
「將協會發揚光大，幫手招收新會員，目前協會已經有568個正式會員，9732個預備會員......」
最能影響人心嘅，永遠係人心。
一顆邪惡嘅心，就會將邪惡無限傳揚。
－完－
將專頁設定為「搶先看」/ "See first"，最新故仔馬上睇！
新書《寓言地府動物園》已經出版了，現正發售中，
詳情可點擊這裡：http://bit.do/e37JG
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #他被困在同一天
網上時鐘 在 線上圓形時鐘2023-在Facebook/IG/Youtube上的焦點新聞和 ... 的推薦與評價
線上圓形時鐘2023-在Facebook/IG/Youtube上的焦點新聞和熱門話題資訊，找線上圓形時鐘在2022年該注意什麼？線上圓形時鐘在2023的熱門內容就在年度社群熱搜話題焦點新聞 ... ... <看更多>