#意外地好味嘅一餐溫泉和食會席
一向對會席、懷石料理，無太大好感或期望，食過影過相打過卡就算，寧願食自助餐好過😣 但今晚住呢間傳統嘅和式溫泉酒店，竟然令我完全改觀！😍
傳統嘅裝潢，傳統嘅招呼，傳統嘅榻榻米，傳統嘅溫泉，當然就跟埋傳統嘅和食會席，以為一切都係意料之內嘅不外如是，喺無任何期望之下嘅喜出望外！食材新鮮，擺置精美，唔意外，但味道係改進左再融合傳統和風嘅配搭，例如其中一道：美瑛和牛，和牛軟淋juicy之餘，配搭嘅薯仔，甚至極香甜嘅紅蘿蔔，都充滿牛香；又例如：鱈場蟹，蟹肉拆成球如布甸狀，加上做成jelly質地蟹酢，完全吊起蟹嘅鮮味！又再例如：鮑魚肝煮成汁嘅鮑魚，極鮮極嫩，以為係成件鮑魚放喺度自己咬開？原來切好左一件件，刀功一流！墊底嘅蘿蔔，本身日本蘿蔔已經係好甜無渣，仲要吸盡鮑汁精華，無得頂！呢餐會席絕對回味無窮！😋😋😋
Book左別棟溫泉房，飯後返房浸返個傳統溫泉，風呂唔大，但溫度啱啱好，浸耐啲都唔會暈。別棟套房後面就係一個樹林，私人溫泉風呂就係對住呢個杳無人煙嘅環境，一泊兩食價錢大概 三千六港幣 左右。
如想要酒店資料，請留言「想要酒店資料」，我會pm俾你 😘
*白金溫泉
美瑛喺北海道嘅正中間，而白金溫泉就喺美瑛町嘅上川郡，沿路係充滿白雪雪樹幹嘅「白樺」樹林。
白金の湯據說對「神經痛」具高效治療作用。鐵質豐富，剛湧出來時為透明無色，當接觸空氣後，慢慢酸化變成鐵銹色。
#日本旅行
#日本自由行 #道東 #道北 #美瑛 #白金溫泉 #白金の湯
#旅遊 #自遊行 #日本 #東京 #大阪 #北海道 #化妝 #化妝師 #JessUp #JessUpHK #2019JapJessup
