<爆炸糖加北京烤鴨 你試過未？ 🦆💥😈>
#fafafoodblog尖沙咀
呢間喺海港城行入去10 分鐘既海運大廈入面 有間 羲和雅苑 食既係官府京菜 裝修幾有格調 十足去左北京食野甘 環境舒服 👍🏻 menu有好多唔同種類既京菜 夠哂全面 甜品前菜主菜 一應俱全 價錢偏貴但質素高 物有所值。 唔怪得之長期多人 仲有一早book定😄
🍴羲和馳名烤鴨 半套 328 蚊 🦆
好有特色既片皮鴨 無論放醬汁材料既盒 淨係連埋鴨肉既擺設都好靚😄 師傅既刀工好好 切得好靚同整齊🔪可分開皮 胸 腿 三個食法
1. 鴨皮 喺傳統既白糖 加上跳跳糖 好特別🦆🍬 再加上藍莓醬 首先個鴨皮好香脆 咬落啖啖油花 加上少少藍莓醬減低肥膩口感 連埋跳跳糖 增加甜味道之餘喺口入面彈下彈下甘 好味又特別😄
2. 鴨胸肉 點以秘製芥末醬 🌶不用卷餅
鴨胸肉比較多肉質 本身好有咬口肥瘦適中 😄 芥末醬有d似 德國咸豬手嗰種 但呢隻整得稀d酸少少 帶微辣 好開胃 😄
3. 連皮帶肉既鴨腿肉🦆 呢部分既肉肥佔多d 口感彈牙 可中式點以蘸甜麵醬 葱絲 黃瓜條 🥒又或者西式加以藍莓醬 紫洋葱 京糕條(山渣) 夠哂清甜開胃
中西都好好味 😄 兩邊食哂大滿足 😍
🍴老北京炸醬麵 🍜 78 蚊
傳統北京炸醬麵 有爽口青瓜🥒 蘿白 芽菜 椰菜🌿 佢既麵 個人覺得有少少似日本既稻庭烏冬 但比較煙靭 同淋身 食落黏稠 🍜 而佢既醬汁分開上 有黑醋 辣椒油🌶 麵豉醬等 因應自己加唔同份量 撈埋一齊好入味 尤其係自制麵醬 夠哂香濃 個人提議落多醋 少辣油 正常份量麵醬就剛剛好夠味 值得一試😄
🍴和牛粒干煸口蘑 238 蚊🐂🍄
大大碟和牛粒 和牛夠淋身 半入口即溶 而且牛味香濃 應該算係中上級別🐮 而口菇外表有d 似牛肝菌味道鮮美 菇味香 🍄 咬落帶點粉身口感 兩樣一齊乾煸 都夠哂入味 鮮味既菇滲哂入和牛粒入面 正😄
🍴芥末沙律蝦球🦐 148 蚊
大大件蝦球上面放滿芥末沙律醬 醬汁密度高夠鮮甜 帶微辣 蝦球炸得夠香脆 🦐 本身就好膩 但喺下面連埋乾脆既米通一齋食 口感同濃度就變得剛好🍚
🍴特色宮爆雞丁🐥🌶108蚊
用好重既石頭器皿可以保住温度 入面材料好多 胡椒 辣椒 泡椒 花生 洋葱等🌶 雞肉既醬汁 偏辣甜 好入味 而且宮保 最啱就係雞肉切成粒狀 煙煙靭靭甘先好味 😄
🍡紅棗木耳羹 68 蚊
第一次食呢個配搭既中式糖水 木耳切成粒狀甘 好爽口 入面既糖水甜度適中 充滿紅棗香味 好滋潤既糖水 正 👍🏻😄
🍰法式朱古力蛋糕🍫 48 蚊
我唔明一間京菜點解會有西式蛋糕 不過對我黎講又冇乜所謂 蛋糕 有幾層 分別係軟熟蛋糕 白朱古力蓉 黑朱古力 加d脆脆 同餅底 🍫 都幾濃朱古力味 其實味道幾好 但偏甜 一定要飲茶😂👍🏻
Score 平均分 <8/10>
Taste 味道：👍🏻👍🏻👍🏻👍🏻
Present 外觀：👍🏻👍🏻👍🏻
Decor&Hygiene 環境衞生：👍🏻👍🏻👍🏻
Value for $ 性價比：👍🏻👍🏻👍🏻👍🏻
Service 服務：👍🏻👍🏻👍🏻👍🏻
~~~~~~~~~~~~~
#羲和雅苑
尖沙咀廣東道3 至27 號海港城海運大廈2 樓0te 203 鋪
~~~~~~~~~~~~
#fafafoodblog #為食花太郎 #fafafoodblog尖沙咀
=====================
🙂温馨提示🙂
Fb like左 page都睇唔到<通知>
若果大家想睇到多d唔同既美食
👇🏻👇🏻👇🏻👇🏻👇🏻
除左like 請做多一個步驟
[like] 左 👉🏻<追蹤中/Following> 👉🏻<搶先看/See First>
多謝大家支持！🤓🤓
歡迎喺唔同平台觀賞fafafoodblog
Fb📒: fafafoodblog
Ig🖍: fafafoodblog
Openrice 🍚: 花太郎
任何美食😋歡迎inbox 我 , 等我食完開心share！🤓
