［香港 粉嶺]上個星期日好開心！同👦🏻去咗 #港版輕井澤 粉嶺流水響睇 #紅葉 🍁 雖然嗰日好大風睇唔到 #天空之鏡，不過難得去到咁遠，仲要睇到紅葉，都已經好有旅行感覺。紅葉月尾會更紅，所以有興趣嘅朋友不妨計劃下！（想知 #流水響攻略 記得睇到最後呀😏😏😏）
去到粉嶺咁遠，一定要搵好嘢食！去咗聯和墟呢間泰國菜 #雄泰 食lunch，點咗3樣食物都好好食😚
🔺#泰式海南雞飯($42)
海南雞真係超滑，份量亦ok，雞皮好薄，最鐘意個泰式醬汁，辣度剛好，好惹味！如果油飯再油香D就更完美啦！
🔺#泰式脆豬飯($46)
呢個其實係類似燒腩仔，不過一配埋個泰式醬汁，即刻層次大大提升☺️醬汁好惹味，而且個脆豬肉片香脆之餘又全部半肥瘦，食落好有嚼勁😋平時我麻麻地食肥肉，但呢個做到好爽脆！好食！
🔺#泰式蝦餅（$32)
蝦餅好厚身，食落啖啖肉，好彈牙，而且外皮炸得酥脆，都係有水準之作✅
－－－－－－
食飽之後，我哋就出發去 #流水響水塘 啦！
去 #流水響 可以喺粉嶺站C出口乘坐52B小巴，不過假日人龍太長，目測起碼要等1小時以上⏰
我哋索性喺聯和墟call的士入去，車費只係$45💰
回程時嘅小巴人龍更長，call 的士都未必肯上山，我哋就行落山沿途再截的士，咁樣快好多到粉嶺站🤓 有時仲會有小巴專程接載山中間嘅村民而無上到去接遊客！
如果仲喺流水響小巴站等，我估要清等小巴落山嘅人龍應該2hr先得啦🙂
－－－
📍FOLLOW MY INSTAGRAM：https://www.instagram.com/missfoodies/
📚BLOG: https://mantung88.blogspot.hk
聯和墟泰國菜 在 金邊粉泰國菜- Pad Thai - Facebook 的推薦與評價
金邊粉泰國菜- Pad Thai. 240 個讚. . 268 位追蹤者. @JinBianTaiGuoCanTingPadThai. . 追蹤. . 貼文. 關於 · 相片 · 提及. 詳細資料. . 粉絲專頁 · 泰國餐廳. ... <看更多>