開會神憎鬼厭
無論公司大細，係香港競爭激烈嘅環境中，外行領導內行，唔係常態，所有坐喺高位嘅人，我估應該有啲行頭本事。
但係公司越大，開親十幾廿人嘅會，外行對內行指指點點扮畀意見，就係普遍到飛起嘅現象。驚死畀上頭覺得自己無貢獻，點都要搵啲嘢講，仲要扮哂投入，揸住支筆，坐到直一直，大佬呀，使唔使咁騰雞呀？醒少醒，得唔得？齊齊講少句、問少句白痴嘢當幫忙，可以喳喳臨收場。
咪以為睇過電視廣告，落街市買過嘢，讀過商業新聞報導，就當自己係市場推廣、零售、生意専家，唔該照吓鏡，收埋啲維園阿伯意見啦。如果可以唔使深入研究，隨便畀到啲有價值意見，輕易留意到其他人忽略嘅關鍵，咁即係兜口兜面對住嗰個內行話：「你好廢」。人哋真係咁水皮？有無睇高自己呀？外行教內行做嘢？慳啲啦。
我知，有啲麻煩上司，最鍾意開埋啲有開會時間、無散會時間、無議程嘅吹水大會，仲時時臨收工叫開會，聽人逐個報告工作進度，然後扮哂開明討論，再扮哂义燒畀啲阿媽係女人嘅指示，好無奈。
除咗背後咒罵，解決方法只有一個，喺自己職責範疇之內，盡量下放權力，千方百計開少啲，甚至唔開會，開親就兩個話到事嘅人走埋傾兩句，最多七個，減少外行騷擾內行嘅機會，唔使嘥咁多開會時間，可以埋位做正經嘢。慢慢你會發現，自己嘅部門生產力高咗，放工時間早咗，等到你權力同埋影響力越嚟越大，凡親近得你多嘅，都會打高兩班波。
如果你堅決用開會掌控全局，顯示自己有幾咁英明神武，有控制人嘅權力，咁就多謝你囉，因為你返工得嗰四、五成時間埋位，即係讓半臂，醒目嘅公司就有八、九成時間認真做嘢，剩低一成用嚟嬉戲，長遠嚟講，你一定輸畀隔離。
如果唔想畀人背後講壞話，唔想畀人咒罵，開少啲會啦。提醒自己，提醒朋友，唔該些牙。
職人吹水义燒 在 〈職人吹水〉無需焗爐/ 簡單醃料/叉燒風味/易潔鑊 ... - YouTube 的推薦與評價
職人吹水 叉燒炒飯 https://youtu.be/UslInFbPYnw p/s大家好 中式叉燒涉及好多中式醬料, 好多外國網友都未必會買到提供一個簡單易做易潔鑊方法, ... ... <看更多>