最近大家黎到英國後，都多左煮野食（封城你無得出街食啦），好多人都會將佢地嘅成品擺上網開心share... 有啲成品好好，有啲睇落真係錯L晒...
呢度圖片裡有十一道菜，你覺得邊一樣係比較ok、有邊樣係你會覺得「俾錢我都唔會食」？
其實呢十一道菜，都是出自人妻先生之手。第一、二張圖，係人妻先生十年前，第一年同我前男友同居，我第一次「認真」煮飯的結果。
很慘不忍睹是吧？我依家睇返，先知道清晒碟嘅ex係幾咁愛我。係呀，佢食晒仲話好好食，_你，依家先知條友呃9我，你老味魚扒配個乾到水泥咁嘅意粉都話好食，on9架咩？
但係... 由於前任男友和我現任老公的支持和鼓勵，我一直都冇放棄過治療，不，係我一直都冇放棄過煮飯，我唔敢講依家嘅水平拍得住餐廳，但起碼十年過去，我都叫做「入得廚房」。
我想講嘅係呢... 好多人其實無乜廚藝經驗，喺佢地嘅世界，就算煮到圖一、圖二咁已經算係咁，大家見到呢啲post不妨俾啲鼓勵下對方。千里之行始於足下，再強嘅師奶第一次炒蛋都係會炒，除非真係會食物中毒，不然不妨俾個讚、講聲加油、再唔係分享下心得指點迷津。唔好一句「小兒科」、「唔熟嘅」就ban死對方，不要在初試啼聲就折斷人家喉嚨，俾個機會、俾啲鼓勵對方，咁先會慢慢進步，人地又唔係要做煮飯界KOL... 放鬆點吧...
#唔好問我點解當年會魚扒配意粉
#我依家想一槍打爆我自己個頭
#碟粟米牛扒係咩玩法
#肯定冇rest
#塊牛流到M到咁款 😂😂😂
