「你做咗咁多年Headhunt吖，想問下點解愈勤力愈做得嘢嘅同事，老細就會愈係質啲嘢畀佢做？OK，當我理解為能者多勞，咁點解愈係唔做嘢嗰啲人，老細又唔會炒咗佢哋呢？」
我朋友喺佢公司經歷緊呢種生活，日日做到好忟憎，所以打嚟係咁呻，一場死黨都要做下聆聽者嘅，至於佢口中呢種慘況，我一早就經歷過......
當年做記者，老細係咁畀啲稿我同其他人，一個故事幾百至一千字，每人日日狂寫幾個故事加埋成幾千字，不過零零汀汀有一位同事係冇嘢做，每日頂盡負責一篇稿，唔會超過500字，分工同比例咁唔平衡，久而久之大家梗係躁啦！
眼見不滿情緒愈嚟愈熾熱，我好大膽咁搵咗老細傾，可能當時年紀小，心口總係掛住個勇字。
我：「咁唔掂喎，好唔公平，我哋做到傻，佢就一日寫得一篇稿勁滋油。」
「我知你哋多嘢做辛苦，不過交畀你哋放心好多吖嘛。」
我：「我明你交畀我哋放心好多，咁你點解唔重新分配下，又或者炒咗個唔肯做嘢嘅人，請返個真係做嘢嘅同事幫輕大家呢？」
「炒人氣氛唔好吖嘛！」
我：「而家氣氛又好好咩？公司呢兩年已經冇加人工，workload就愈嚟愈重，仲要分工唔平衡。」
「我知，不過你哋做得嘢吖嘛，大家都鍾意體育版係咪？」
我唔知同老細傾咗啲乜？我同佢講workload，佢同我講理想，我同佢講加人工，佢就同我講感情，總之結論係～～～你哋抵諗啲一人行多步，幫唔願做嘅同事頂埋啦，爽啲手收工，開開心心好唔好？
「唔好！」～～～呢個係所有同事嘅心聲，結果做得嘢嘅人一個又一個咁離開，你以為唔做嘢嗰啲卸膊精會知驚或者發奮圖強？Sorry，呢種人嘅特質通常係變本加厲。
後來我都轉埋行跳去做文職，先發現同類型嘅例子喺一般office根本係常態，總之愈抵得諗同埋愈有責任心嘅人就愈多嘢做，極之唔平衡同埋傾斜，呢個亦係好多公司嘅現況，有料嘅人不斷跳船，唔做嘢又面皮厚嘅人繼續留低做山寨王。
出嚟社會做嘢，你肯瞓低畀人踩，樣樣嘢攬晒上身做「Yes Man」，仍然會有人嫌踩得唔舒服，所以你唔需要令所有人開心，喺工作方面無論對上、對下、對住平起平坐嘅同事，做到四個字就夠㗎喇，就係不卑不亢。
有感而發，唔覺意同大家講咗啲職場往事，返嚟現實又聽到呢位朋友繼續感慨：「唉，總之而家返工就慘啦！」
我係過來人，所以安慰朋友可以搵個適當機會跳槽，若然未係時候，亦不妨儲定多少彈藥，講緊嘅係錢同埋經驗嘅彈藥，最緊要有目標有計劃，一定可以搵返生活同埋工作嘅平衡，正如我圖中橙色呢版月曆嘅tagline所講，「有時要做一件鍾意嘅事，首先要做一啲唔鍾意嘅事」，唔好鬥慘喇，咁樣只會令你嘅情緒愈嚟愈down，要搵啲方法令自己開朗返，與其鬥慘，不如鬥橙啦！最近見到有隻新推出嘅道地橙紅茶，望住佢鮮豔嘅橙色連心情都好返晒，再感受埋清新錫蘭紅茶同埋橙汁嘅完美比例，從中領悟乜嘢為之平衡，老細分工唔平衡啫，我哋嘅心態都要平衡㗎嘛！
望住我呢版橙色月曆，都係橙式生活最啱Tea，嘆埋無防腐劑及人造色素，仲要係台灣製造嘅道地橙紅茶，我一直提醒自己要頂住！你哋都係呀，遇到困境同埋唔順眼嘅同事，唔需要搞到自己咁慘，倒不如好好計劃下條路點行，盡快跳出呢個環境，以後咪唔使對住佢哋囉！
#taoti #道地 #道地橙紅茶 #橙紅茶 #橙式生活 #橙式生活最啱Tea #橙控 #錫蘭紅茶 #台灣製造 #無防腐劑及人造色素 #newdrink #orangeblacktea #ceylontea #orangelife #tastetheday
能者多勞梗圖 在 今天聽見的笑話，「能者多勞」的下一句是什麼？ 不能者... 的推薦與評價
今天聽見的笑話，「能者多勞」的下一句是什麼？ 不能者多爽～ https://buzzorange.com/vidaorange/2016/11/01/capable-people-die/ ... <看更多>