【香港迪士尼15週年全新城堡，你認到出幾多套戲？😂】
Sor，作為讀過兩次Disney University嘅我，答案係Failed。
有睇開嘅讀者朋友都知道，每一年我都會去最少一次電影主題樂園，今年邊度都去唔到，留返香港仲有個迪士尼去，適逢15週年起咗座新城堡，都係個參觀嘅理由。
可能有人總唔明迪士尼有乜好去，但我成日都話，喺美國迪士尼實習，係我人生中最開心嘅時光，都係令我從此對迪士尼有強烈感情嘅原因，當年返到香港都唔介意人工幾低，點都要入香港迪士尼做Parttime，正係呢個原因。先唔好講玩唔玩Themepark，每次行入去果陣超甜爆谷味，真係會令你毛管戙、咩記憶都返曬嚟，唔知呢度有冇同事有相關感覺。
👉🏻全新城堡係點樣？
講返正題，香港迪士尼為咗15週年起嘅城堡，用上咗十三套迪士尼「公主片」嘅概念去建成，係全球獨家有呢個設計嘅城堡，你可以睇吓自己認得出幾多座。個人嚟講呢，係認得出《阿拉丁》、《魔髮奇緣》、《魔雪奇緣》、《睡公主》、《白雪公主》，其他有啲就係創作團隊用套戲故事後加上去，包括近期大家最憎聽到果個，原來都有座城堡。城堡無論喺美國小鎮大街定Fantasyland方向睇，都有唔同感覺，感覺上冇話分正面或背面，係幾好嘅設計。
如果你認唔出，可以跟住城堡周圍嘅8個QR Code，由林嘉欣聲音導航，喺唔同視點帶你認出相關城堡，而如果你都真係搵唔到，現場有個展覽（喺美國小鎮大街往城堡方向左手邊），講新城堡嘅創作歷程、咁多年嚟創作意念。
咁當然，都是土地問題的錯，你點重建，都唔會好似美國或者上海咁，座城堡大到可以入面起個設施或餐廳，都係如往昔咁只可以底層通過，連接美國大街同Fantasyland，但就多咗間公主房可以同公主影相。城堡面前都多咗個台，類似上海果種咁可以有表演睇，目前就上演緊聖誕短劇。
👉🏻小弟依家先玩《蟻俠》、睇《魔海奇緣》
幾年冇去，都要玩吓多咗嘅嘢。首先係《蟻俠與黃蜂女：擊戰特攻》，由原本巴斯光年隻射擊遊戲改裝，「Marvel化」後好玩好多，唔單止電影感強烈（同旁邊《鐵甲奇俠》Ride係同一個Universe），設計上都Cyber得多，以前巴斯光年玩玩吓會悶，呢個雖然變化不大，創意係增加咗好多嘅。不過，如果講迪士尼射槍遊戲，都係鍾意《反斗奇兵》4D果個（美國兩個迪士尼同東京都有），香港有就正，我估Waiting time（正常冇疫情）最少150分鐘。
另外都有場《魔海奇緣》嘅表演，將套戲劇情濃縮至20分鐘短劇。最初聽到呢個概念，以為真係場Musical Show，可能《魔海奇緣》叫座力不如《魔雪奇緣》（喺美國睇憑空爆座城堡出嚟嘆為觀止），最終只得個小型表演，有少少失望。
講起《魔雪奇緣》，已經起緊果個Land，正正喺Fantasyland旁邊，期待嘅，如果有埋場musical表演就更正。
👉🏻疫情之下嘅迪士尼真係奇觀
疫情期間走入嚟玩，Weekend可以少人到咁，難得一見，印象中，唔計上海迪士尼拍烏蠅咁，世界各地迪士尼去過最少人果次，係香港有次初一返工，朝早就人影都冇隻－－你以為果時已夠少人，今次更靜局，除咗場表演你係睇到人頭外，其他遊戲基本上15分鐘內你都一定會排得到，永遠爆多人但唔知有咩好玩嘅小熊維尼，唔知係咪有大大「反加持」，竟然最短見到5分鐘就排到入去。氣氛係差少少，最少唔駛等到天荒地老。
疫情之下，園內防疫措施都算係咁，排隊要隔住有適當距離、4D電影冇咗噴水效果、每個設施都有消毒酒精、遊樂設施有隔位坐，咁當然冇咗大陸人，香港人都唔會搞事嘅－－當日喺度返工，點樣惡鬥大陸人、有咩騎呢大陸人，我諗又可以寫多幾集。
等《魔雪奇緣》Land開啦，希望到時世界／香港未末日。
上海迪士尼遊記可看留言連結。
更多旅遊故事請看： 有故事的旅人 （澳洲首都不是悉尼）
特別鳴謝： 香港迪士尼樂園 | Hong Kong Disneyland
#HKDisneyland #15MagicalDreams
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
荒 失 失 奇兵 劇情 在 《荒失失奇兵2》粵語配音2008 故事大綱: 上集講到獅子阿力 ... 的推薦與評價
《荒失失奇兵2》粵語配音2008 故事大綱: 上集講到獅子阿力、斑馬馬提、河馬歌莉亞和長頸鹿邁文，意外由紐約中央公園動物園走失，流落到馬達加斯加，於是佢地千方百計諗 ... ... <看更多>