「我是自由人 - 第三期獎學金」已經評核完畢。所有報名的同學仔將會得到獎學金，我已經發送了電郵給大家，請回覆。
為咗掃除公害，今日真係阻礙我做好多正經緊要嘢。
呢兩日多咗好多新朋友。簡單介紹一下，我叫渾水，本科讀中大經濟系，而家讀緊中大哲學碩士。窮則獨善其身，達則兼善天下。我會不定期派放獎學金俾中大同學仔
我冇辦法改變荒謬嘅社會，但係我可以盡我能力去幫身邊嘅人，中大係我母校，中大嘅同學仔都係呢個共同體入面嘅一部份。
我做師兄，幫下師弟妹，合情合理，初心就係咁簡單，我救唔到成個世界。
關於呢個獎學金嘅由來，大家可以Google搵吓，跟我做了一件斐聲國際嘅事有關。以下是一個參考。
https://hk.appledaily.com/finance/20210130/J4HIKQQNWNAWVMAEUWIFDB6EGA/
我收到各位同學仔寫嘅來信，每一隻字我都好用心睇。今次嘅獎學金目的有少少唔同，係希望同學仔可以專心學業，去外地進修或者做交換生，學習多啲人民學科嘅知識。
有啲同學仔係讀環球商業，但係去咗做其他嘢，而家觀察緊緬甸一啲人權嘅狀況。亦有同學仔係讀音樂，是尖子高材生，然後選擇喺外地繼續進修。其中有一位同學仔將會去荷蘭交流，記住，隊多點草。
每個人都有自己嘅出身同背景，我都唔係有錢人，我自己好多同學仔都表示自己屋企有經濟壓力。我這小小心意並不能解決佢哋嘅燃眉之急，只係希望我能力範圍內盡量做，每個人做一點好事，心存一點善念，或者可以令佢哋嘅人生多番一點希望。
學校放棄佢哋，教職員愛莫能助，校友好兩極，年紀越大，相信佢哋係暴徒嘅人越來越多。我都係一個比上不足比下有餘嘅校友，亦唔係大佢哋好多年，剛剛30而已，慢慢可能我都有一種贖罪券心理，覺得想要幫佢哋，但係又唔知點樣幫
再講捉鬼大師都冇乜意義，捉鬼大師同佢嘅朋黨都係中文大學畢業，冇其他意思，順帶一提咁解。人哋發達，點樣用佢嘅錢，係佢自己嘅決定，唔關我事。
除咗我之外，杜汶澤先生亦係捉鬼大師受害人之一，佢都有comment呢件事。學佢話齋，睇清楚前方嘅路，睇清楚自己，咁樣先至可以行落去。
各位，加油！時窮節乃現，德不孤，必有鄰。
這是我以前住的宿舍，我住了四年
荷蘭交流 在 台灣荷蘭教育推廣協會留學荷蘭問答區 - Facebook 的推薦與評價
荷蘭 是全球著名的自行車國家，因為許多人都使用自行車作為主要交通工具。 ... 以創造出一個獨特的公共空間，為城市居民提供文化和社交交流的場所。 ... <看更多>