［1000蚊美金個雪糕，梗係好味，但點解？］朋友兼舊同事LinkedIn睇返嚟嘅故事，作者唔係佢，係另一印度人Rajan Singh（https://bityl.co/3nP0）（＊）。
TLDR：1000蚊個雪糕，梗係好食啦，因為你自製浪漫。但，更高境界，應該係食垃圾都可以當米芝蓮咁食。
1. 作者講返，拿，紐約Serendipity 3呢（＊＊），可以叫個1000蚊美金的雪糕。呢度就收藏住快樂嘅秘密啦！點解？睇落去
2. 食1000蚊美金個雪糕，是好快樂的。但點解咁快樂？1000蚊美金嘅雪糕係咪好食過牛奶公司？咁肯定，但絶對唔會好食幾百倍。固然用料靚啲，你坐在餐廳裝修又靚啲，侍應又靚啲，加埋你仲可以打卡晒命。但，作者話呢度都唔係重點。重點係，好大程度個快樂嚟自你自己，你嘅心靈，你嘅腦袋，自製出嚟的。Mindfulness 呀（＊＊＊），佛教嘢呀。
3. Up乜？做乜1000蚊美金雪糕都關佛教事？佛祖都會食雪糕咩（答案係會嘅，但應該唔係1000蚊美金一個）
4. 你諗下你食平嘢，牛奶公司雪糕（我食緊），點食架呢？咪上住網食，寫住文食，一路玩住電話食，然後諗聽日要返工。買嗰時？去七十一買返10個8個（呢排特價喎），質落個袋度（唔係YUU會員，唔使問）。「真係唔係幾尊重隻牛」。食嗰陣？大大力咁筆，甚至飛埋落枱都有。
5. 但你去食個1000蚊嘅雪糕係點架？嘩，唔同喎。事先已經心中J咗一輪，睇咗一輪歷史。去到正襟危坐，抹乾淨個電話（影相嘛）。食嗰時？嘩，影完相，仲要睇下個色澤，聞兩聞，細細啖先放入口，吞落去時感受下個溫度，感受下佢點在你口中喉嚨中融化（＊＊＊＊），然後奶埋隻羹（一千蚊美金唔係唔奶下話？）。真係每一啖都係工匠精神，黃子華話頭，人地開法拉利，最鍾意塞車，每分鐘都晒緊條命呀。
6. 作者話，拿，呢啲就Mindfulness Eating啦！生活中嘅小確幸呀！（你個小確幸都好貴）。去唔到澳洲咪去澳門再唔係去大澳門，入鹽田梓打卡都等於去瀨戶內海藝術祭呀！
7. 苦樂嘅嘢，在主觀的心呀！不在客觀的事！樓下飲冰室主人都係咁講！
8. 作者亦話，真係架，呢啲只係業障（佢冇用呢個字，我講嘅）。平價十蚊紅酒，倒落支一千蚊嘅靚酒酒樽，飲起上嚟都好high架！（我諗起李兆波，不如拎個星巴克紙盃去裝公司啲即溶咖啡，「然後落樓下星巴克望女」）
9. 真的，如此類推，攬住李嘉誠都當係李嘉欣，攬住鄭欣宜都當係鄭希怡！手痺？it’ nothing！用你嘅意志克服佢。
10. 好似係，除非唔係。
11. 其實背後嘅理念，我係同意兼且明嘅。就係講集中，心無旁騖。真的，食平嘢你真係唔多尊重，一路食一落諗其他嘢。但食貴嘢喎，幾大都只係專注當下啦。每一啖都係錢，每滴水都係道呀。
12. 不過，有冇諗過，「正係因為平價嘢難食，我先要一路諗住其他嘢！」。邊個係因邊個係果？雖然，照計貴嘢，唔會好食到你即時忘記晒所有煩惱—但我估我攬住周迅而唔係他信，應該都十分忘我，唔會諗甚麼其他嘢。
13. 我自己想發表嘅係：over咗了。其實咁玩法先係業障！肯定釋迦牟尼聽到都激到返生呀！
14. 都話本來無一物，何處惹塵埃。要1000蚊美金食個雪糕先mindfulness，就肯定披上袈裟事更多。點解係要裝落個La Fite樽先覺得好飲？
15. 記得睇過《酒佬日記》，成套戲不停Pinot Noir。但我最記得係，最後呀男主角撞到前妻同前妻新老公，仲知道佢大咗肚。男主角大受打擊，開咗佢支珍藏，一支1961嘅 Château Cheval Blanc—但點飲？佢在路邊搵間快餐店，拎個發泡膠杯飲咗佢！唔記得有冇拎嚟送薯條。
16. 嗯，其實我屋企都有支在意大利，摩德納（Modena）酒醋莊買嘅Balsamic vinegar。百年嘢，紅藥水咁細支，千幾兩千銀！香港買就一個開。但我而家都冇用過—照計應該搵次拎嚟點麥當勞薯條。
17. 真的，呢啲咁嘅嘢，適可而止，太多咪係負累。特別係買咗唔捨得食嘅窮撚（即係我），就自尋煩惱啦。埃汾太（八周年！！！）話頭，佢啲名校女生中學冋學，著對Timberland去打波，一個月唔夠著爛就換一對！個Prada袋打波隨手掉落場邊花槽架咋！
18. GS Elevator 話齋，” I don't have an iPhone case. I'm not irresponsible or poor.”， 「有冇聽過洗Chanel衫嘅故事呀？」（https://bityl.co/3rIv）
19. 所以呢，「唔好成日去啲你要睇價錢嘅地方食飯」。要睇價錢，咪即係食唔起咯—當然好多人都Afford到買張頭等機票，但你懂的，唔同嘛。正如亦係GS Elevator 講：No first class selfies.
20. 不過其實，又真係沒有最低，只有更低。我以前以為坐長途商務影相嘅人（例如本人）已經夠low—「但而家啲人係拍片甚至開直播的」
最尾先廣告時間，其實我Patreon都有分享呢啲有趣小故事，趁月頭訂抵呀（https://bit.ly/31QmYj7）
（＊）我並不認識Rajan Singh，not even on LinkedIn，但由公開資料睇到，佢在賓洲Wharton讀MBA，做過McKinsey，做過私募基金。而家自己搞咗幾檔嘢，其中一檔教下你淨化心靈呀mindfulness呀Zen呀之類（https://bityl.co/3nPF）。寫啲文都不錯（https://bityl.co/3nPI），可以睇下。另外佢仲有搞啲線上嘅不同活動，好多都免費，「例如齊齊讀書一小時」，反正免費，你冇乜損失。又，都話我唔識佢，梗係冇任何利益。至於我舊同事，返咗孟買年幾，咁我總冇理由叫你「去開孟買搵佢」，所以唔開名。「但如果我去開孟買就會搵佢」，去開的話
（＊＊）明顯我冇去過美國，又冇乜睇美劇。但講開好貴嘅雪糕同漢堡包就有印象。又，原來在東京原宿有分店！嗚，可惜之前唔知。
（＊＊＊）Mindfulness中文叫「正念/靜觀/覺察」，雖然講英文有型好多，而我唔明做乜釋迦牟尼講英文。Mindfulness呢味嘢，近十幾年極商品化，十分搵錢，嗰班友搵到你錢就肯定搵到Mindfulness
（＊＊＊＊）你應該知我諗緊乜
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7
——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145
莊祖宜老公認識 在 Re: [心情] 關於小孩取名要照著族譜- 看板marriage - 批踢踢實業坊 的推薦與評價
※ 引述《sunflower391 ()》之銘言：
: 目前懷孕五個月，剛得知懷孕的那一刻我就決定要幫寶寶取個好聽又響亮的單名
: 當時還是男朋友的老公也同意，很贊成我的想法
: 上個月底剛辦完結婚登記，昨天接到他的電話，他說他爺爺說小孩的名字要照族
: 譜取,當下的心情真的很晴天霹靂。我跟他說當初你也同意我可以給自己小孩取
: 名字的，為什麼結婚登記下去就變卦，他就回我一句：你自己去跟爺爺說。
: 我對他真的很失望，為什麼取名一定要照族譜，為什麼要給不認識的祖先取個難聽
: 又俗氣的名字.我辛辛苦苦生養的小孩,連個取名字的權利都沒有,我感到很可悲
: 我媽媽是叫我不要妥協堅持自己的想法,自己去辦戶口,反正婆家要念就給他們念.
: 但這樣一定會背負著不孝的罪名.
: 請問各位媽咪都會妥協聽從夫家的話嗎?還是努力堅持自己的想法呢
: 謝謝大家
跟老公論及婚嫁認識雙方家人時，
就被老公家族的名字震撼到了
從老公以上五代人都照族譜取名
訂婚完可是花了好一陣子才搞清楚
從高祖父那一代大家的名字和家族排行
(因為過年掃墓還是會聚在一起，
老一輩只要記活著的人，太小的不常出現也不用記了XD)
從奉茶那刻起，兒子的名字就注定好了
嫁過去新年祭祖時，族裡長輩在祖祠面前
還跟祖先報告:今年xx的孫子娶媳婦，第一次跟大家拜年
公公還很一一帶我認識祖祠的來歷
老公還說:這個以後就是我們的家，要跟祖先們打招呼喔！
ps. 我兒子的字輩是"祖"，好難想!!
--
posted from android bbs reader on my HTC J Z321e
https://market.android.com/details?id=com.bbs.reader
--
就像排球一樣
愛和關心也是需要學習的
--
※ 發信站: 批踢踢實業坊(ptt.cc)
◆ From: 42.76.220.2
... <看更多>