#華x園
#華x園食品有限公司
#賣年糕
#賣月餅
#銅鑼灣
#走數
堅係好嬲，好日唔打長文，打得都唔況係好事，第一次遇到咁既事！就係俾人走數！成件事拖左2個月，好煩！仲話告我誹謗，我講既句句事實！佢地的而且確未出晒糧！
話說1月既糧都未收齊，「華x園」有心拖欠薪金！當初負責同事仲block 左我地，我地求助冇門，成件事有點長，d錢我地預左拎唔返，但係條氣唔順，點解一間所謂老字號公司可以咁樣厄人錢，作為老細，點解可以咁冇信用？垃圾！
簡單交代背景：
華x園係2018年農曆年間搵我個朋友同我幫手搵推廣員到超市做賀年食品推廣，但完成工作後卻用不同方法拖糧，開頭話俾invoice同銀行資料佢就出得糧，我2月頭已send 左invoice，但佢推塘負責同事放假，又話老闆唔係香港，我日日打電話上去追，佢係咁改invoice,我都照跟佢改左。
.
2月23日負責同事於WhatsApp 對方中話最遲下星期一有糧，但最後冇出到，invoice 寫最遲28號收到錢，（28號係講緊2月28日）
.
2月28日原本係我地議定好收到錢既deadline, 但佢地無啦啦先send email話要我地同推廣員簽兩份野先肯出糧，事前沒有提及過
.
我地原本預支左10000左右既錢，2月28日咪話簽晒野就收到錢既，到3月6又無啦啦要我地出晒錢俾d promoters，俾埋收據佢，佢先出糧，我地send 左部份預支左既收據俾佢， 因為有d係出cash，冇銀行收據，我地提出不如過左部份錢先，但佢一蚊都冇出過，所以我地唔敢再預支錢。
.
到3月21再話要全部人上門先有糧出== 人地唔洗返工咩 on9，但為左拎返d錢，我地約埋部份推廣員於3月27日上門，一早打電話傾好左我partner上去就得，點知話要兩個上晒先有糧出，我個陣返緊工，唔會突然行得開，最後因為上左去既promoters 理論，佢地先肯出左部分錢，我地已經盡量配合佢地既無理要求，諗住收到錢就算，但佢地明顯有心為難唔想俾錢。
.
1） 濫扣工資
開頭講好左幾錢一日，之後話個推廣員工作表現不如理想，唔值這個價錢，但工作期間冇話要炒佢，完晒成個job，俾invoice佢，佢先話要扣佢遲到，遲左15分鐘，話扣$100，人地一個鍾都冇$100蚊==最後同佢嘈到按返比例扣錢
2）無理扣糧
華x園聲稱我們的同事寫錯收據，所以要扣起成份糧，問銀行追討返，到而家一蚊都冇俾到，冇任何答覆，然而，當日並不只有一個推廣員，同埋我地既員工不會有錢銀找續！佢地只會指示客人到收銀處俾錢。問佢點樣證明係該位同事寫錯，佢話有證人同埋話認字跡，但最後都係不了了之
3）出爾反爾
起初email回覆話交齊invoice 即可出糧， 其後話要求推廣員簽署一份聲名，指推廣員與華x園沒有任何關係，才肯出糧；當交回推廣員所有身份證明文件及聲名後，卻再要求推廣員親身上去office，先肯俾錢；叫晒推廣員上去office，又突然唔肯出，擾攘左陣先肯出左部份推廣員既錢，到今日2018年4月18日都仲未出晒錢😪 真係好過份。
真係覺得自己好onx，信佢，我打電話問係咪send晒兩份野就肯定會出糧，個會計話：係，我地咁大間公司，有晒email，點會唔出，well... I’m speechless.
#hkig #hkgirl #受害者 #厄錢 #華x園 #年糕
