我在大台短暫的日子
二，PA生涯第一天
第二篇，講吓我第一日返PA工有咩遭遇同感受。
作為一個土生土長嘅八九十後，我同大家一樣，無可避免，都係睇TVB 劇集餸飯成長。由小朋友時睇嘅《天地豪情》、《難兄難弟》、《美味天王》、《大鬧廣昌隆》，到大個啲睇嘅《尋秦記》、《金裝四大才子》，要數真係有排數。雖則我喺入職嘅時候已經戒咗睇電視嘅習慣，但畢竟呢份工可以接觸到自己感興趣嘅影視製作，加上好多自己嘅成長回憶同對呢份工嘅各種幻想，所以第一日返工，的確係無比興奮嘅。
懷住戰戰兢兢嘅心情，我一早就搭咗成個鐘車入將軍澳，再喺啱啱開幕嘅Popcorn轉大台架巴士入去電視城。去到搞完入職文件，HR就帶我地成班新人（當日有大約10-15人，一兩個係PA，有個好似係新聞記者，其他都係幕後/文職）上Orientation。我地成個上晝都喺間房入面，講吓防止賄賂等等題目，上完堂都已經中午。隨後，佢地安排咗我地成班去Canteen食晏，下晝準備一齊參觀電視城。不過，既然自己份工日後都會喺電視城入面行黎行去，所以我就無Join佢地個Tour，食完飯就提早上去7樓報到。
大台電視城有座主樓，未入過電視城嘅朋友可能喺《愛。回家》等節目攞黎扮外景時見過吓。呢座大樓入面，七樓係戲劇組，監製、導演、PA、統籌都係晒度（編劇都好似係？唔太記得，因為佢地係坐另一面）。我嗰個年代，戲劇組主要分兩大陣型，一邊係珍姐，一邊係Tommy。後來我走咗之後，好似有段時候又開多咗一個陣型。而家153返咗去我就更加唔知情況了。講返我嗰個年代，珍姐同Tommy兩邊旗下各有一班監製，每位監製負責一套劇。導演同PA就會喺自己陣型嘅監製度遊走，但係就唔會遊到去隔離陣型。上次提過介紹我入大台嘅朋友係珍姐嗰邊出黎，所以自然我都係入咗珍姐嗰邊，坐喺珍姐間房出面open area嘅位。望到自己個位時，第一刻係有少少錯愕。原來雖則每個PA都有自己嘅位，但我地係無每人一部電腦。如果要用電腦，只有一部機大家共用。可能你會話，咁PA一日到黑都喺廠或者外景拍嘢，又使乜用到電腦。的確，我地好多時間都出咗去拍戲，但係唔好忘記， PA一日工作嘅時數係24小時，你有16個小時出咗去拍戲，咁即係仲有8個小時喺公司做野，而且牽涉到嘅文書工作都唔少（入單入到你傻，下篇會講到），所以如果每人都有部電腦，成個系統可以電腦化，工作效率肯定好好多（唔知而家有冇，但我估無，哈哈）。
另外一樣我感到錯愕嘅，係HR拎咗一份填工時嘅表畀我。呢份表並唔係填黎睇你有冇偷懶，而係幫你計返每個月你OT 咗幾多個鐘。如果工時長得濟，長到除返你個人工之後唔過最低工資（當年好似仲未到30） ，佢地會補返水畀你。所以啲人成日話，PA人工低工時長，係千真萬確嘅事。最近見到有個POST講 Viutv嘅PA都有差唔多待遇，唉，真係好慘。
講返第一天下晝。好快就有位同我差唔多年紀，但一望就知佢好有PA經驗嘅前輩（我叫佢DD）黎帶住我。DD帶我見咗監製同導演（過兩篇先講佢地），向我解釋咗我地導演PA組喺劇入面嘅架構，令我大致明白自己係一個咩嘅位置，黎緊要對應邊個，同邊個做野（而個答案係，所有人!）。我幫手嘅係一套正常二十集電視劇，有4位導演，每位導演大致負責5集（有時監製手痕會自己拍返一兩集，e.g. 頭/尾； 而《天與地》戚其義嗰類監製仲會自己拍晒）。但因為我嗰套係一套單元劇，每個單元集數不一，所以每位導演真正導嘅集數都有啲差異。每位導演會有一個Senior PA輔助；如果有Junior PA，就會跟住Senior PA 一路做一路學野，形成一個三人小組。我地套劇當時仲係處於一個前期階段，距離正式開拍大概仲有一個月，所以唔算好辛苦，而我又可以叫做係由頭開始跟、由頭開始學。我入去嗰時，套戲嘅大綱（我地叫「天書」）出咗，主角搵晒，套劇頭十集要出有戲份嘅配角都搵晒，劇本就好似啱啱出咗頭一兩集。黎緊要做嘅就係好多籌備上嘅工作，例如試野、砌Schedule、睇景等等。
DD有好幾年PA經驗，不過有一排出咗電影圈撈，之後同我差唔多時候入返大台，所以佢都好多野要準備。成個下晝佢執住我，一路周圍走做佢嘅工作，同時順便帶我走晒各個部門認下路（大台啲路真係九曲十三彎，我覺得仲複雜過大學嘅大樓），包括美術道具、服裝間化妝間、大大小小嘅廠（無記錯我地係13廠），我諗第一日已經行咗無十個都有八個唔同嘅地點。另一方面，佢又幫我執咗一份PA嘅文件Package，包括各式各樣嘅單（下篇會詳細講有咩單，有咩用），印咗份藝員Contact List；仲有去劇本架度攞天書同（出咗嘅）劇本。所有拍緊嘅劇本都會放晒喺嗰度，我記得除咗自己拍嗰套之外，我仲攞咗本同期開拍，好多人期待嘅《衝上雲霄2》第一集劇本留念，哈哈。
第一日通常都無乜野做，再加上仲係前期階段，所以我地六點零就收工。我同DD一齊上巴士走，期間我八卦問佢，究竟TVB有冇咩藝員好難頂。佢話人人嘅經驗唔同，無一個公認嘅排行榜，不過佢自己就有三個心水，兩男一女，都係主角級嘅人馬。我見其中一個黎緊仲要合作，即刻淆淆地。
「小心啲囉」佢話。「特別同佢做野時打醒十二分精神，唔好做柒事就OK」。
結果，同佢合作我係相安無事嘅，而且感覺佢都唔算「惡頂」，可能有少少Cool而已，所以話最終都真係人夾人。
黎到呢度，大家應該都想知呢兩男一女係乜水。不過所有關於藝員負面野我就唔開名喇，尤其兩個男嘅都仲有拍劇。女嘅都唔開喇，只能說佢已經唔喺香港了。😏
下一篇應該會詳細講吓電視台PA 嘅「所有」職責。有排講，可能要分上下篇。
利申：以上都係好個人、好片面、好短暫，而且歷史久遠嘅經歷，並不代表所有PA嘅立場同經歷。
（圖片攝於n年前返工第一週）
衝上雲霄2第一集 在 [新聞] 《衝上雲霄2》正式召集- 看板HK-drama - 批踢踢實業坊 的推薦與評價
《衝上雲霄2》正式召集 TVB播製作特輯谷收視
2013年7月13日 07:00PM 香港航空特約：衝上雲霄II 正式召集
事隔十年，《衝上雲霄II》終在2013年7月15日首播，現正式召集各位緊貼嶄新的劇情發
展。今輯唐亦琛（吳鎮宇飾）與唐亦風（吳卓羲飾）兩兄弟，分別與新加入的何年希（陳
法拉飾）及夏晨（胡杏兒飾）有一絲絲的感情關係，而何年希及唐亦琛之間，亦存在一位
顧夏陽（張智霖飾）機長，新配搭擦出甚麼火花？陳法拉更大讚兩位首度合作的「大人物
」吳鎮宇及張智霖，他們能從哪一方面幫助法拉呢？《衝上雲霄II》遠赴法國、英國等地
拍攝，其他演員如馬國明、江美儀、羅仲謙、胡定欣又會有甚麼令人意想不到的遭遇？
相隔5年再度炮製前奏節目造勢
將於下周首播的重頭劇《衝上雲霄II》出師不利，因林子祥(阿Lam)所唱主題曲太老土，
劇集未播出已接到51宗投訴，而在吸收過《金枝慾孽貳》收視跌破新低的慘痛經歷後，無
綫將會加碼宣傳，為《衝II》製作一個特輯安排於周六播出，製造聲勢搶攻收視！
由吳鎮宇、張智霖、吳卓羲、胡杏兒主演的《衝上雲霄II》將於下周一(15日)播出，由林
子祥獻唱的主題曲早前曝光，跟第一輯陳奕迅所唱的《歲月如歌》比較下，阿Lam的歌曲
被指老土及不配合劇情，無綫因此接獲51宗投訴，甚少劇集未播經已遭投訴，事實上，無
綫希望借《衝上雲霄II》拉高近來的低收視，高層下令要加碼宣傳，單是宣傳片亦有4個
以上，而吳鎮宇及張智霖(Chilam)等演員早在今個月初已到大馬多地宣傳。
製作特輯不惜工本
本周六(13日)無綫會在黃金時段播出一個名為《衝上雲霄II正式召集》的節目，實行在首
播前以特輯來宣傳造勢，這招在10年前播出《衝上雲霄》時曾用過，當時在首播前兩日，
無綫製作了一個名為《愛與夢飛行》的特輯，以介紹劇中的角色和人物關係等，之後只有
重頭劇《天涯俠醫》、《火舞黃沙》、《歲月風雲》及08年的《珠光寶氣》在播放前有特
輯造勢，由於製作特輯須花不少人力物力，故近幾年無綫再未有為劇集特輯出現，由此亦
可見今次對《衝上雲霄II》的重視。
Chilam昨日開始宣傳，到無綫接受節目《今日VIP》訪問，對於劇集未播，主題曲遭投訴
一事，他指是史無前例，證明大家都好關心該劇，並指阿Lam所唱的主題曲很配合劇情。
魔童無聊玩Chilam肚腩
據知，一眾演員都把7月的檔期留給無綫，全力配合劇集的宣傳，身為男主角之一的張智
霖早前已回港，未開始為新劇宣傳之前，Chilam變身廿四孝老公及父親，陪伴愛兒「魔童
」及剛由內地拍劇返港的老婆袁詠儀，更相約老友蔡一智、蔡一智太太及女兒齊齊聚天倫
，前晚約晚上8時左右，估計晚飯完畢的他們出現在IFC，但「老友鬼鬼」的兩家人停留在
超市門外，繼續「雞啄唔斷」。當大人在傾談間，小朋友自然無所事事，鬼馬的「魔童」
則選擇玩老竇Chilam件衫，還愈玩愈興奮，伸手入老竇衫入面玩肚腩，相當搞笑！未幾，
兩家一起往取車，沒駕車出來的蔡一智坐Chilam座駕離開，阿智首先安頓兩位小朋友先行
上車，然後輪到女士，十分有風度。
Source:
https://www.ihktv.com/triumph-in-the-skies-ii-duly-convened.html
--
※ 發信站: 批踢踢實業坊(ptt.cc)
◆ From: 220.246.162.154
... <看更多>