「你要為將來打算吓，做好自己退休保障，呢啲嘢越早搞越好呀！」只要你有接觸過保險人士，你點都會聽過呢句，所以咪連政府都推年金，畀你搞「自製長糧」！喂！月月唔做嘢有糧出，係咪真係開心先？呢啲嘢，其實好睇人。
一般人，為退休後作保障，就買年金、基金；但非一般有錢嘅有錢人，就要為埋後代籌謀，好多時會搞家族信託基金。身家唔係一野分晒，而係每個月向遺產承繼人出糧，幫佢哋「製長糧」。好似已故船王許愛周，遺產冇直接分派，改由基金管理形式操作，咁孫仔許晉亨，就每個月喺家族信託基金出糧，娶埋李嘉欣，過住富家公子、無憂無慮嘅生活。
係好共產架，點解？因為多數富豪都了解人性！香港人性本Mean，核心價值係「睇人仆X最開心，睇富豪X街仲開心」，咁樣分家產好處係，一來防止啲子孫唔生性，一次過敗晒副身家畀人笑；二來係，為防自己過身後，子孫為億億聲嘅錢銀你爭我奪丟人現眼，出現溏心風暴「呢度唔係法庭」、「我哋法庭見」呢類老土對白。
不過，世界點會咁簡單。06年過身嘅霍英東，留低300億家產，咁大筆數，當然好好分配。遺囑就好「共產」，承繼人每人每月分派「零用錢」，仲會計埋通脹，如果想增加收入？生仔囉！早一兩年就有報道講過，霍啟剛、郭晶晶兩公婆每個月出「阿公數」十幾萬唔多夠使，之後兩公婆要接大陸騷養家。
不過，份遺囑均真到咁，霍家都避唔上爭產案爭到鬧上庭命運，一搞仲搞咗幾年，到依家都未真正解決。再睇埋梅媽，久不久唔夠錢使，就告遺產管理人滙豐信託；然後到今次鷹君爭產，錢銀分好晒，之後羅老太又覺得滙豐信託唔乖。
呢類爭產案搞來搞去，邊個陣營贏咗場官司都好，輸嘅，係一個家族嘅聲譽。真正贏家，除咗係觀眾有得，可以勁食花生外，仲有就係信託基金。佢哋每一場官司，都係對公眾展示信譽嘅機會，「嗱！無論你啲承繼人幾唔生性都好，我都會企硬幫你執行份遺囑架！Trust me！」
by千頌C@堆填區
http:fb.com/winbigwok
許晉亨家族 在 許晉亨家族的秘密花園 富豪列傳#許晉亨#花園台 - YouTube 的推薦與評價
許晉亨家族 的秘密花園│富豪列傳#許晉亨#花園台* 我們即將製作更多不同影片希望大家贊好，分享，訂閱我們的頻道https://www.youtube.com/c/HongKongVC 順道讚好我們 ... ... <看更多>