【阿公講鬼】《住在床底下的綠眼哥哥》
＝＝下半部分有繁中華語版＝＝
＊＊＊＊＊＊＊＊
我、我應該相信佢。
我應該相信我個仔所講嘅…
佢話睡房床下底，住咗一個綠色眼嘅哥哥。
嗰次同小鈞去完荔園遊樂場，喺鬼屋裏佢突然失蹤，雖然最後都將佢搵返返嚟平安回屋企，但之後怪事就陸續發生。
（上集來龍去脈可看：https://bit.ly/3g8i0oT）
小鈞喺單親家庭成長，個性比較細膽怕事，我仲覺得佢有啲過分依賴我，為咗令佢可以盡快獨立，我特登將佢間睡房佈置成佢鍾意嘅英雄主題。
「小鈞，你已經四年級喇，唔可以再痴住媽咪一齊瞓啦，會被其他同學仔笑㗎。」我。
「屋企又無其他同學。」小鈞死攬住我。
之後，我以佢喜愛嘅遊戲機作為利誘，佢就答應我會自己一個瞓。
喺遊樂場返嚟之後，小鈞就發起高燒，喺睡房瞓咗成日。嗰晚半夜，佢突然跑過嚟同我講：
「媽…我聽到床下底有聲啊。」小鈞。
「咩聲？」
「我頭先一直都側住身瞓，突然聽到枕頭下有一個哥哥喺度自言自語。當我探頭望向床底，就見到有一對發綠光嘅眼喺床底下望住我。」小鈞。
「你係咪發惡夢咋？無事喇，返去瞓啦。」我。
小鈞搖頭，扯住我嘅衫角。
「乖啦，男子漢要遵守約定㗎。」
小鈞只好不情願咁返房瞓覺，嗰晚亦無其他怪事發生。但之後，小鈞就不斷同我講，有一個「哥哥」喺佢間房入面。
「媽，哥哥偷咗我啲玩具啊，係真㗎，我無講大話！」
「媽～我又聽到哥哥把聲喇，佢話想帶我出去玩…今晚我可唔可以入嚟同你一齊瞓啊？」
我用力呼一口氣，跟住小鈞一齊去佢間房開燈，然後喺佢面前檢查一次床底。
「睇到啦？床下底乜都無，你唔好再扭計喇！你知唔知咁樣好黑人憎！」
嗰幾日因為工作諸多不順嘅關係，搞到我一直都瞓得唔好，半夜被嘈醒嘅我語氣重咗少少。講完之後，我就將小鈞留喺睡房。
大約過咗十分鐘，我半睡半醒之際，突然聽見小鈞喺睡房發出淒厲嘅叫聲：「啊啊啊啊！媽！救命！」
我嚇到立即衝出去，雖然客廳只得街外嘅街燈透射入屋，但我肯定自己當時無眼花睇錯…
一個黑影拉住小鈞隻腳，由睡房將佢整個人拖出客廳，當黑影見到我，就好快咁消失咗。
我走過去將小鈞抱起：「無事…無事喇，乖～」
本來我以為小鈞會抱住我喊到收唔到聲，但佢只係靜靜咁攬住我，唔通嚇到呆咗？我輕摸佢頭髮話：「今晚畀你過來同媽咪一齊瞓啦？」
當我低頭一望，發現小鈞個樣貌變得猙獰，誇張表情擠得臉皮充滿皺褶，佢用一對發出綠色光嘅眼睛惡狠狠咁望住我。
我嚇到成個人都慌晒，但又驚小鈞會出意外，所以唔敢放手。小鈞就喺我懷中，用一把好重北方口音嘅普通話哼唱：「一起玩啊～一起玩啊～」
隔天一大清早，喺無其他辦法之下，我只好返去遊樂場希望可以尋求協助，至少有人提供少少線索畀我都好。結果咁啱就遇到當日喺鬼屋遇到嘅清潔工人，佢身邊帶住一個道士，我馬上過去叫住佢，原來佢都喺度調查鬼屋嘅事。
唔知點解，嗰個清潔工一直都無直視我，我將小鈞發生嘅狀況話畀佢身邊嘅道士聽。
「如果妳唔介意，我想去一去妳屋企睇睇。」叫阿公嘅道士。
就係咁，阿公嚟到我屋企：「我應該相信小鈞講嘅說話，床底下真係有…」
阿公入屋後，小鈞就將自己困喺睡房入面反鎖住唔肯開門。
「放心，我會將佢引出嚟。」阿公拎咗一個睇起嚟非常重嘅『三清印』，蓋印嗰一面刻劃住我睇唔明嘅符咒。
阿公先將全屋嘅窗戶閂晒，再貼上寫有符咒嘅符紙，然後將三清印放喺客廳地板上，好像蓋印咁敲擊地板。
奇怪嘅係，雖然阿公只係輕輕敲擊，但聲響不斷喺客廳內迴盪。
終於敲咗大約幾分鐘，小鈞喺房內發出嘶叫聲，一打開門就衝出嚟想要制止阿公。但阿公比佢更快一步將佢成個人壓喺地上，用姆指按住佢額頭。
「第二隻。」阿公說。
連載馬拉松，達標明天有下集！
2500 like 、250 share
《阿公講鬼４：魑魅》預售開始！書展出貨！
https://bluegodzistore.boutir.com/i/VljXG4gAA
＊＊＊＊＊＊＊＊＊
＊＊繁中華語版＊＊
＊＊＊＊＊＊＊＊＊
我、我應該相信他的。
我應該相信我的兒子，他說…
他的睡房床下，住著一個綠色眼睛的哥哥。
那次跟小鈞去完荔園遊樂場，在鬼屋裏他突然失蹤，雖然最後把他找回來平安回家，但之後怪事就陸續發生了。
（上集來龍去脈可看：https://bit.ly/3g8i0oT）
他在單親家庭成長，個性膽小怕事，我覺得他有點過分依賴我，為了令他能盡快獨立，我特地把他的睡房佈置成他喜歡的英雄主題。
「小鈞，你已經四年級了，不可以再跟媽媽一起睡了，會被同學取笑的。」我。
「家裏又沒有其他同學。」小鈞死抱著我。
之後，我以他喜愛的遊戲機作為利誘，他答應我會自己一個睡。
從遊樂場回來，小鈞就發起高燒，在睡房昏睡了一整天。那晚半夜，他突然跑過來說：
「媽…我聽見床底下有聲音。」小鈞。
「什麼聲音？」
「我一直側躺著睡，突然聽見枕頭下有一個哥哥在喃喃自語。當我探頭望向床底，便看到有一雙發出綠光的眼睛在床底下看著我。」小鈞。
「你在做惡夢罷了？沒事了，回去睡吧。」我。
小鈞搖搖頭，抓住我的衣角。
「乖，男子漢要遵守約定唷。」
小鈞只好不情願地返回房間睡覺，那晚也沒其他怪事發生。但之後，小鈞就不斷說有一個「哥哥」在他的睡房裏。
「媽，哥哥把我的玩具偷走了，真的，我沒有說謊！」
「媽～我又聽到哥哥的聲音了，他說想帶我出去玩…我可以跟妳一起睡嗎？」
我用力舒一口氣，跟著小鈞一起到睡房打開燈，然後在他面前檢查一次床底。
「看吧？床底下什麼都沒有，你別再鬧彆扭了！這樣很討人厭！」
那幾天因為工作諸多不順的關係，害我一直睡不好，半夜被吵醒的我有點床氣，所以語氣有點重。說完之後，我便把小鈞留在睡房了。
大約過了十分鐘之後，我半睡半醒之際，突然聽見小鈞在睡房發出淒厲的叫聲：「啊啊啊啊！媽！救命！」
我嚇得馬上衝出去，雖然客廳只有街外的街燈透射進屋內，但我肯定自己當時沒有看錯…
一個黑影拉住小鈞的腳，從睡房將他整個人拖出客廳，當黑影看到我，便很快地消失了。
我緊張地走過去將他抱起：「沒事…沒事了，乖。」
本來我以為小鈞會抱著我大哭，但他並沒有，是嚇傻了吧？我輕摸著他的頭髮說：「今晚讓你過來跟媽媽一起睡吧？」
當我低頭一看，發現小鈞的樣貌變得猙獰，誇張的表情擠得臉皮充滿皺褶，而他用一對發出綠色光的眼睛惡狠狠地瞪著我。
我嚇得整個人都慌了，但怕小鈞會出意外，又不敢放手。小鈞就在我的懷中，用一把很重北方口音的普通話哼著：「一起玩啊～一起玩啊～」
隔天一大清早，在沒有辦法之下，我只能回去遊樂場希望尋找協助，至少有人提供一點線索也好。結果碰巧就遇到當天在鬼屋遇到的清潔工人，他身邊帶著一個道士，我馬上抓住他，原來他也在調查鬼屋的事。
不知為何，那個清潔工看到我就一直別過臉，我將小鈞發生的狀況告訴他身邊的道士。
「我去妳家一趟吧。」叫阿公的道士說。
就這樣，阿公來到我的家，我將事情的始末告訴他：「我應該相信小鈞，床底下真的有…」
阿公入屋後，小鈞便將自己關在睡房裏反鎖著不肯開門。
「放心，我會將他引出來。」阿公說畢，拿出一個看起來非常重的『三清印』，蓋印的那一面刻劃我看不懂的符咒。
阿公先將窗戶關上後，貼上寫有符咒的符紙，然後將三清印放在客廳地板上，像蓋印一樣敲擊著地板。
奇怪的是，雖然阿公只是輕輕敲擊，但聲響不斷在客廳內迴盪著。
終於敲了大約幾分鐘，小鈞在房間內發出嘶叫聲，打開門便衝出來想要制止阿公。但阿公比他更快一步將他整個人壓在地上，用姆指按住他的額頭。
「第二隻。」阿公說。
連載馬拉松，達標明天有下集！
2500 like 、250 share
《阿公講鬼４：魑魅》預售開始！書展出貨！
https://bluegodzistore.boutir.com/i/VljXG4gAA
