[生活小分享之原來坐雙條車都有學問]
清邁的交通唔似得曼谷咁方便，無BTS、無MRT，就連的士都只會出沒喺機場、火車站同大型商場門口，無膽揸電單車的我，平日出入就只能倚靠比Tuk Tuk便宜的雙條車(Songthaew)。呢種行走清邁市區的紅色廂型小貨車，在街頭隨處可見，截車後將目的地告知司機，傾好價錢後上車，到落車時至俾錢，聽落係咪好簡單先？但由於雙條車無標明價格和路線(就算有都疏到等於無⋯⋯)，乘搭時都要有少少技巧，今日就同大家分享下。
話就話無標價，但其實司機之間都有個暗盤價，往來古城至Nimman Road一帶範圍，每人收費為20THB，假設你想由古城東門Tha Phae Gate前往Nimman Road街口的MAYA Mall，當司機話ok又無主動開價，千祈唔好問幾錢，一問咪知你係新手囉，好難怪人唔乘機抬高價錢。
至於想由古城前往距離較遠的景點，例如鄰近機場的購物商場Central Plaza，以我自己的經驗為例，一般要收30THB，若然你的目的地是需要越過Ping River另一邊，好似河畔Woo Café、巨Mall Central Festival又或長途巴士站Arcade Bus Station，價格便要40-50THB起跳。建議乘坐前先向酒店、餐廳或當地人查問一下價格，覺得司機開價太貴，咪截過下一架囉！
除了目的地遠近，乘客人數多寡都會影響車資價格（所指僅限距離較遠的路程，短途還是位位20THB），好似早幾日由我家出發往機場溫馨迎接朋友K，由於司機是專程車我一個去，中途又未必接到其他客，開價80THB都算合理。回程時因為兩個人，經議價後兩人一喼都只要100THB。
人多比較容易講價，更減少被拒絕的機會！試過在古城西門外截了一架吉車，同司機講好目的地，正準備上車之際，來了一行四人的搭客，前往地點又跟我剛剛相反，就算清邁人幾nice都好，司機嗰刻都做出正常人決定，叫我落車截過另一架……
講到拒載，如之前提及，由於雙條車沒有列明路線，如果你要前往的地方跟車上的搭客相反，司機自然會搖頭；有時明明你要去的地點較近，但司機偏偏會先去距離較遠的地方，唔係針對你，只係道路管制，司機先會兜路行。
其實紅色，還有黃色、白色、藍色、綠色等行走市外其他區域的雙條車，有機會再同大家講~~
#識得搭其實坐雙條真係好方便
#個人最高紀錄被連續拒載十一次
#廢氏清邁私生活
#chiangmai
#chiangmaijourney
#cmj22
識得搭其實坐雙條真係好方便 在 【理想與現實】香隧轉車站真係省時方便？... - 南區交通Southern ... 的推薦與評價
【理想與現實】香隧轉車站真係省時方便？ 話說香隧轉車站話咁快已經實行咗差唔多十個月，咁巴士公司聲稱「省時便捷任你選」，但究竟係咪真係好省時呢？ ... <看更多>