正所謂一不離二, 今次輪到譚仔三哥邀請我出席佢哋嘅VIP派對啦😍多謝邀請先！
.
原來今次係譚仔三哥位於旺角西洋菜南街一號店嘅大翻新嘅開幕Party, 重新裝修之後佢格局變得新潮時尚，而且2樓3樓都一齊開放，空間更加闊落👍
.
今次仲可以試食佢哋嘅新推出同埋主打嘅菜式，其中有我成日見到盤菜瑩子賣廣告就想試好耐嘅花膠胡椒雞美線，你冇睇錯我冇打錯佢真係叫「美線」唔係「米線」，我相信佢改呢個名係同食多啲花膠可以養顏變美有關🥰呢個花膠胡椒湯雞美線上面有幾片幾大嘅花膠，而且好爽口入口有滿滿嘅骨膠原，胡椒雞件唔算好辣，整體都幾夾👍食完有冇覺得我即刻靚咗？我都知冇咁快見效㗎啦，咁我同盤菜瑩子擺同一個post就當自己靚咗啦🤣
.
同埋佢哋今次新加長駐餐牌嘅成員有豬肚同埋魚片，大家以後點米線諗食咩餸又可以多啲選擇啦😃
.
其實我不嬲都鍾意食譚仔三哥，記得我兩年幾前YouTube第一條大食片就係食譚仔三哥嘅過橋米線三大碗🤣我有情意結今次來到我當然要叫返一碗過橋米線啦🤣今次我點左蕃茄湯底，唔知係咪減完肥胃口細咗我竟然今日食一碗就覺得飽😅不過我諗我係有食其他嘢所以先覺得飽姐🤣
.
除咗土匪雞翼同埋蒜泥白肉呢啲經典小食我去親三哥必點之外，佢最近仲新推出左一啲小食同埋特飲，分別有蒜燒茄子和口水三素，個蒜燒茄子🍆真係不得了，每小段茄子中間鋪滿嘅金蒜，啲茄子索晒啲蒜香真係幾有平時去燒烤餐廳食蒜燒茄子嘅風味👍😋口水三素就係有豆卜，鮮冬菇絲同埋雲耳組成，再加惹味小辣嘅口水汁，素食人士福音啊💚
期間限定特飲有青蘋果梳打配青檸愛玉，同埋熱情果烏龍茶配寒天同橙片，兩杯嘅賣相都好靚呀😍朋友飲咗杯青蘋果梳打配愛玉佢話幾清新喎，我就飲熱情果烏龍茶配寒天，熱情果味好濃，食完一大堆重口味嘅嘢飲番啖烏龍茶清下就啱啱好啦☺️
.
今次嚟譚仔三哥一號舖呢個party食得好開心，真係勾翻起我想當年食三碗譚仔三哥過橋米線嘅青春回憶🤣而家附上連結等大家一齊重溫下兩年幾之前仲好青春仲係食極唔飽嘅我點樣去K.O.三碗譚仔三哥嘅過橋米線啦😋💪去片👇🏻👇🏻👇🏻
https://youtu.be/ncTDTuASnjI
.
譚仔三哥米線 (一號店）
旺角西洋菜南街101號1至2樓
.
#譚仔三哥
#三哥一號店大翻新
#原創獨創由呢度開始
#花膠胡椒雞
#魚片豬肚長駐三哥餐牌
#蒜香茄子
譚仔三哥過橋米線 在 譚仔三哥米線 的推薦與評價
優惠適用於譚仔三哥米線全線分店及上午11 時後 * 旺角朗豪坊分店的優惠飲品只包括罐裝汽水 * 優惠已包括小食及飲品之外賣器皿費用 * 米線外賣器皿每個收取$1 * 過橋米 ... ... <看更多>