【 #週末遊廢人包 - 出走愉景灣無印風真.日光cafe】
近呢幾年好興日光cafe，編輯作為一個cafe愛好者，都去過唔少～ 不過講真嗰句，有唔少去到真係令人想講句「假嘅啲奶」，又話陽光照滿成間cafe，嗯，去到得隻窗，仲要望住對面棟大廈，自此我就無再輕易畀「日光」呢兩隻字呃到！不過愉景灣最近新開一間日系無印風茶室，小店有一面牆上全部都係巨型透明玻璃，店主仲要特登將窗嘅位置提高，等陽光真係可以滲滿成間cafe！客人隨便抬頭都可以數下個天有幾多舊雲，相信呢間茶室叫「日光cafe」，應該無人有異議啦～
.
茶室成間都行日系風格，門口已經種紫色滿繡球花，而店內環境就以白色同原木為主設計，簡潔嘅無印風令人非常舒服，坐成日都唔厭！
.
而食物方面就以輕食同茶為主，小店有唔同味道嘅天然花茶同果茶畀大家選擇，仲可以試飲再揀茶，相當貼心～ 飲花茶當然配茶點最夾，如果你係螞蟻人就啱晒，因為茶室供應多款中日式甜點，玫瑰綠豆餅、黑芝麻綠豆餅等都係熱門款式，花花造型非常精緻。另外情侶拍拖去的話，可以試下茶室嘅層架下午茶，有齊糕點、乳酪、夾心飛碟同花茶，$250算係非常高性價比，滿足女友之餘都唔會話太肉赤！不過大家都知日式甜品都有個通病，就係味道會偏甜，唔好太甜嘅朋友仔可以揀返cheesecake，或者飲多兩啖花茶囉（好廢嘅建議）...
.
如果未plan好週末做咩，不如嚟次小旅行去愉景灣行下，去cafe攤抖之餘，又可以帶另一半去埋白色教堂打卡，好浪漫㗎呢～～ 最後提提大家，雖然疫情緩和，但都要注意個人衛生，或者bookmark定遲啲去又得姐，係咪？
.
【HanMade Teahouse】
地址：愉景灣湖畔路82號愉景北廣場地下G10號舖
電話：2322 8558
營業時間：星期一至日10:00-18:00
.
圖片授權轉載：
IG@food_thousandmiles, _magneat, cy.cafelov, eatortrip, foodsearchers，thanks!! 大家鍾意記得follow返佢哋！
.
#趁週末深呼吸叉叉電 #愉景灣 #出走 #cafe #旅行 #茶室 #咖啡店 #日光cafe #日本 #hea #甜品 #打卡 #香港人 #情侶 #愛 #愛情 #愛情語錄 #女朋友 #男朋友 #香港好去處 #拍拖 #拍拖活動 #香港 #好西
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm介紹拍拖好去處，我哋等緊你㗎😙！
趁週末深呼吸叉叉電 在 momo購物網 的推薦與評價
我不防水，我讓牆壁健康深呼吸~~ ♥【森呼吸矽藻土】牆壁修補膏粉*4瓶組-贈花磚杯墊1組 一日直播價↘＄175/入（原價$999）⚡ 壁癌修復趁 ... ... <看更多>