記得細個嗰陣同阿媽一齊搭地鐵，突然有個男人大喝一聲：「你做咩呀？」然後車廂中有一堆乘客散開，焦點去晒兩個扭作一團嘅男人身上。
當時佢哋之間嘅對白來來去去得幾句：
「放手呀！」
「你做咩呀？」
「我做咩呀？放手呀！」
「我睇住你摸個女仔！」
「我邊有呀？」
然後車內每一個人已經意識到成件事係捉色狼，不過當見義勇為個男人向被非禮個女仔講：「小姐，你唔使驚，報警先，我幫你做證。」只見個女仔愈退愈後，架車又剛好到站，周圍啲人出晒車，個女仔亦跟埋出去，好匆忙留低一句：「算啦，我趕時間。」剩低個男人同個色狼對峙，跟住佢兩個都出埋車廂，架車臨開走時最後一個畫面，就係個男人無奈要放開個色狼，之後發生咩事就唔知喇。
隔離有人議論紛紛：「以後唔好亂做好人呀，都冇人幫返個男人。」、「陣間個色狼告返佢轉頭呀！」、「有時做好心都要睇人。」
雖然當時我好細個，不過已經意識到「孤軍作戰」呢個四字成語係點解，有份目睹呢一幕嘅人，唔知有冇影響到日後嘅價值觀？想做好人之前會唔會多咗顧慮？但如果同一件事發生喺我身上，我都一定會出手，最好梗係將呢啲變態佬繩之於法，唔好等其他女仔受害，而就算個結果同呢次一樣，起碼都喺最危急關頭幫咗一個女仔。
大個之後我冇捉過色狼，只有喺濕濕碎碎嘅事方面盡量做好人，好似我喺呢篇jobsDB專欄中提到嘅三件事，包括遇到古怪公司會提醒求職者、receptionist要搬嘢換水先識得搵我、幫女同事解決咗一次插蘇問題之後就次次老馮，最後個結果都係好心冇好報，但如果時光倒流，我都係會照做。
聽人講過，好人同壞人係相伴相生，有好事發生嘅地方，亦一定有壞事發生，而當出現問題時，好人亦往往會被犧牲，以上嘅講法我好同意，但更加堅信乜嘢磁場就吸乜嘢人，我避免唔到遇上壞人，不過畀我吸引埋身做朋友嘅一定係好人。
https://www.facebook.com/JobsDB.HongKong/posts/10157081711640505
好心幫手俾人當應份(sosad)。
辦公室日報x聶瞳：「遇到古怪客會提醒求職者、receptionist要搬嘢換水照幫、女同事枱底個插蘇鬆咗會幫手整。舉手之勞絕對冇問題，但呢班人亦只係得到我咁多，離開咗呢個範圍，彼此之間就唔會係朋友。」
返唔到轉頭成語 在 腦筋真係要急轉彎嘞！... - 廣東話資料館Cantonese Museum 的推薦與評價
成語 泰斗要考下你咩係最佳成語形容詞，腦筋真係要急轉彎嘞！ ... 令我回憶60年代官小情懷，這些成語還歴歷在目！ ... 明明啲嘢都抌咗仲要擰返轉頭裝下... 船頭尺：. ... <看更多>