【MIRROR五子參加班際夏季旅行☀️🎈暢遊香港迪士尼】
放暑假喇，姜man、牙撈、Jeremy、大表哥同牙柳參加咗MIRROR班際夏季旅行，可以去迪迪尼拍嘢，寓工作於娛樂兼盡情自肥爽YY。呢次班際旅行嘅行程非常豐富，本台派出記者偷拍佢地五子嘅夏季旅行。佢地分道揚鑣，split開咗分開玩，識play。
首先睇睇有姜man、牙撈，佢地一到步就去咗玩玩具兵團跳降傘，畏高嘅姜小朋友捉住撈撈大嗌「唔制！」「唔玩！」，睇嚟佢承受唔到個遊戲嘅難度系數，咁唯有撈撈自己玩啦。俾降傘拋上臭氧層再拋返落地表，撈撈仍然係咁靚仔，但玩完之後兩個勁食回一回氣先。為食嘅姜man嗌咗成枱美食，生命值即刻回復晒，大滿足！
睇完姜man同牙撈嘅行程，我地不如轉轉畫風，望望呢邊一家三口享受家庭樂，有 #巨龍與豬仔，仲有佢地愛子 #牙柳。大家都知牙柳壞過凱婷，一嚟就推Jeremy去玩灰熊山極速礦車，連大表哥都推埋一份想佢落火坑，嚇到我豬仔尖叫！為咗氹返佢，大表哥同牙柳嗌咗成枱甜品放題，Jeremy終於笑返喇～佢地之後去咗買精品同搵公主，百厭仔牙柳仲叫大表哥娶公主做後母，跩呀你，Jeremy快啲mark佢落小氣簿！
五隻嘢玩到成頭汗，之後再去城堡集合返，一齊睇新嘅城堡匯演，實在太精彩太好睇，睇到佢地跳起yeah添！
#睇到我好好好好好好好好好好好好想去迪迪尼😭
#香港迪士尼樂園 #HKDisneyland #15MagicalDreams
#FollowYourDreams #CastleShow #CastleOfMagicalDreams #mirrorweare
