🎈椰小盅燉湯專門店 (太古城中心)
🔍太古太古城道18號太古城中心1樓誠品生活L106號舖
-----
上年留意到香港米芝蓮指南裏面，多咗呢間起源於太子嘅🥥椰子燉湯小店，一直想去拜訪，但又好少去開太子個頭，點知日前去太古城行街嘅時候，發現佢哋原來喺誠品開咗分店，睇完書順道過嚟飲返碗湯，非常方便又舒心。
店面唔算好大，但人流不絕，👶🏻B仔由7點幾食到8點幾，幾乎都係全場滿座，頗受太古街坊歡迎。
🥥餐牌上一共有10款椰小盅，例如有竹笙烏雞、竹笙子排、花生大棗鮮蹄、海帶薏仁子排、長白山鮮人參燉烏雞、蟲草花乾貝土雞燉鮮鮑同當歸乳鴿湯等等，湯品定價$65-$85左右，客人可以叫淨湯或者加$9/$12配搭唔同嘅澱粉主食。
而👶🏻B仔今次就叫咗蟲草花乾貝土雞燉鮮鮑椰小盅（$85），一揭開椰蓋就見到清澈金黃嘅椰子湯，飲落熱辣辣好甘甜，底部有滿滿嘅材料，鮮鮑則彈牙非常，飲完一盅確實係令人意猶未盡，開業唔係好耐就得到米芝蓮推介，果然係有啲料到。
除咗主打嘅椰子燉湯之外，餐牌裡面仲有各類型嘅單點飯餐（燒味飯/扒餐/自家餸菜套餐等）、小食、炸物、飲品同甜品，帶肉碎粒嘅紫色椰小飯吸睛得黎，調味亦不錯，米粒濕潤中不失咬口，豬扒則煎得唔會好油膩，係健康高蛋白之選，紅豆仙草適合嗜甜之人，B仔唔中意太甜，所以個人就更愛彈牙煙韌嘅手工芋圓，整體黎講其他食物嘅質素都不錯，不過就及不上椰小盅來得驚艷。💕
-----
👶🏻B仔整體評價：7.8/10個👍🏻
👶🏻B仔抵食程度：7/10個👍🏻
👶🏻B仔環境評分：7/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowtaikooshing
@siuchung_coconut
#椰小盅 #米芝蓮 #手工仙草芋圓 @ 椰小盅 燉湯專門店 太古店
長白山人參香港 在 150克長白山人參$83包（約100條） $108 /包 的推薦與評價
重量：150克/包（約100條） 存放方法：雪櫃食用建議：直接食用、焗水、煲湯、炖湯#長白山人參#長白山人蔘#人參#人蔘#香港網店#蔘茸海味#抗疫#防疫| Facebook ... ... <看更多>