長文慎入😲😯
有時候真係會唔記得咗自己幾多歲， 要將年份減1988先記得自己係幾多歲。。
今年生日，多咗個女，生日氣球上多咗媽媽呢2個字。老公知道我以天蠍座為榮， 佢特別設計咗個天蠍座蛋糕畀我。
老公唔鍾意食生嘢，都同我去食壽司，食飯嗰陣見到彭羚，我特別開心！
因為我12歲已經好鐘意聽佢嘅歌 。
1999年我小學5年級已經有買佢嘅CD, 最鍾意就係漩渦, 給我愛過的男孩們， 無人駕駛，一枝花。。 2000年屋企開始有電腦，用電腦睇給我愛過的男孩們嘅mv，喺間房度炸機。。
以前只會欣賞歌嘅旋律，識背歌詞，但其實並唔明白歌詞入面真正嘅意思， 因為細個未談過戀愛，冇人生經驗，到現在大個聽得明，聽得懂就知道真係正！
所以生日見到兒時偶像我好開心！
由八個月大湊大我嘅工人姐姐Naty， 現在我32歲都仲同我慶祝緊生日，但我諗應該會係最後一年了， 因為佢要返菲律賓真正榮休。
一歲嘅時候佢抱住我喺麥當勞開生日會， 今日佢抱住我九個月大嘅囡囡，呢份感動，難能又可貴。
Naty 第一眼見到我個女，佢感動到喊，由BB 開心湊大我，而家眼見我生了屬於自己嘅BB。。。
其實舊年結婚嘅時候斟茶，我強忍眼淚，我同自己講，千祈唔好喊，喊咗唔靚， 但其實斟茶畀Naty嘅時候, 自己內心好感動，好想喊。
我成日內心都好希望，而家照顧緊馮寶寶嘅工人姐姐，能夠好似Naty咁樣由細照顧佢大... 亦都能夠睇住佢長大，睇住佢成家立室。
咁大個女其中一樣最開心嘅就係有好好嘅老爺奶奶。我成日都同老公講，嫁咗畀佢其中一樣最開心嘅事，就係有咁好嘅老爺奶奶。亦師亦友，開心歡笑不斷😄
結婚之後，覺得家庭比一切重要。。。 有空餘嘅時間都想分配畀屋企人， 因為總係覺得 屋企人年紀越嚟越大，能見嘅次數只會越嚟越少。。。
多謝媽媽32年前生了我， 賜給我生命, 也賜給我現在能夠享受生命過程嘅靈魂。
多謝媽媽，奶奶為我煮生日晚飯🥰
身邊的家人都健康，都健在，係我最大的開心，最大的幸福！
不求什麼，只求永遠能這樣❤️
以前生日願望好多無聊嘅希望， 但我现在的生日願望是希望身邊人個個健康長壽，而關於我自己嘅願望，係希望眼睛散光唔好再深落去哈哈😄
一家人去picnic係我一個心願, 我知道Cooper Enzo都老了, 想多啲同佢活動， 創造多啲回憶 。2019年結婚嘅時候，同Enzo Cooper去過數碼港影Pre Wedding... 而家囡囡出世後, 帶埋囡囡一齊picnic, 所以合照特別有意思! 雖然女女長大後唔會記得Enzo Cooper, 但可以同老公在相片中追憶。
原來一家人去做啲咁簡單嘅嘢，就已經覺得好開心好幸福❤️
多謝老公今年生日花心思去為我慶祝，佢同我講今個星期係我birthday week, 今個月係我birthday month, 今年係我birthday year😄 即係日日都係我生日🤭
我老公係一個大男人到爆嘅大男人😄， 但係佢真係好錫我❤️ 🤭
今個生日， 好開心，好滿足.... 感恩一切。
#20201113 #1113 #scorpio #birthdaygirl
開心最大 在 No photo description available. - Facebook 的推薦與評價
移動兩根，變最大數字！ ... 天天微笑天天開心, profile picture · 天天微笑天天開心. 移動兩根，變最大數字！ 點擊鏈接查看答案： ... <看更多>